वेस्टइन्डिज टुरको लागि भारतीय टिमको घोषणा, धोनी बाहिर, कोहली र रोहित खेल्ने



भारतीय क्रिकेट बोर्ड – बिसीसीआईले वेस्ट इन्डिजसंग टुरको लागि सोमबार टिमको घोषणा गरेको छ।

भारतले अगस्ट ३ देखि सेप्टेम्बर ३ सम्म १ महिने वेस्टइन्डिज टुर गर्दैछ जसमा ३ वटा ओडीआई ,३ वटा टि-२० र २ वटा टेस्ट खेल्ने कार्यक्रम रहेको छ। अगस्ट ३, ४ र ६ मा ३ वटा टि-२० , अगस्ट ८, ११ र १४ मा ३ वटा ओडीआई र अगस्ट २२ र अगस्ट ३० मा २ वटा टेस्ट खेलिनेछ।

खेल्नेछन् कोहली, धवनको कमब्याक  

यस अघि आराम गर्ने अनुमान गरिएता पनि बिराट कोहलीले वेस्ट इन्डिज टुरमा टिमको कप्तानी गर्ने भएका छन्। ३ वटै फर्म्याटमा कोहली कप्तान रहनेछन्। यस्तै टिमका उपकप्तान रोहित शर्मालाई पनि ३ वटै फर्म्याटमा मौका दिईएको छ।

अल-राउण्डर हार्दिक पान्ड्यालाई भने पुरा प्रतियोगिता आराम दिईएको छ। जस्प्रित बुम्राहले टेस्ट मात्रै खेल्नेछन् भने विश्वकपको दौरान घाइते भएका ओपनर शिखर धवनले फिट हुँदै सिरिजमा कम्ब्याक गर्नेछन्। भुवनेश्वर कुमारले टि-२० र वानडे मात्रै खेल्नेछन् भने मोहम्मद शामीले एकदिवसीय र टेस्ट खेल्नेछन्।

टि-२० र एकदिवसीयमा श्रेयस ऐयर, मनिस पाण्डे, वासिंगटन सुन्दर र नभदिप सैनी जस्त नयाँ अनुसारलाई मौका दिईएको छ। विश्वकपको दौरान ३ खेल खेले पनि राम्रो प्रदर्शन गर्न नसकेका दिनेश कार्तिकलाई टिममा राखिएको छैन।

धोनी नखेल्ने 

विश्वकप पछि सन्यास लिन सक्ने अनुमान गरिएको भारतीय पुर्व कप्तान महेन्द्र सिंह धोनी वेस्ट इन्डिज जाने टिममा छैनन्। श्रोतका अनुसार धोनीले २ महिना आराम मागेका छन् र सो समयमा भारतीय आर्मी क्याम्पमा रहनेछन्।

विकेटकिपर रिद्दिमान शाहले १ वर्ष पछि टिममा आगमन गरेका छन्। ३४ वर्षीय ब्याट्सम्यानसंगै टेस्टमा रिशभ पन्त पनि विकेटकिपरको रुपमा रहेका छन्। रिशभ ३ वटै फर्म्याटमा विकेटकिपर ब्याट्सम्यानको रुपमा टिममा रहेका छन्।

जडेजा ३ वटै फर्म्याटमा 

विश्वकपमा सिमित मौकाका वाबजुद उत्कृस्ट प्रदर्शन गरेका रभिन्द्र जडेजालाई ३ वटै फर्म्याटमा मौका दिईएको छ। जडेजाले सेमीफाइनलमा न्युजिल्याण्डसंग हारका बाबजुद उत्कृस्ट ब्याटिंग गर्दै ७७ रन बनाएका थिए भने किफायती बलिंग समेत गरेका थिए। रभीचन्द्रन आश्विनलाई भने टेस्ट टिममा मात्र स्थान दिईएको छ। यस्तै कुलदिप यादब र युझभेन्द्र चाहललाई एकदिवसीय टिममा स्थान दिईएको छ। टि-२० मा भने चाहललाई आराम दिईएको छ।

वेस्टइन्डिज जाने भारतीय वानडे टीम: बिराट कोहली (कप्तान), रोहित शर्मा, शिखर धवन, केएल राहुल, श्रेयस अय्यर, मनीष पांडे, रिषभ पन्त (विकेटकीपर), रभिन्द्र जडेजा, कुलदीप यादव, युझभेन्द्र चाहल, केदार जाधव, मोहम्मद शमी, भुवनेश्वर कुमार, खलील अहमद, नवदीप सैनी

वेस्टइन्डिज जाने भारतीय टी-२० टीम: बिराट कोहली (कप्तान), रोहित शर्मा, शिखर धवन, केएल राहुल, श्रेयस अय्यर, मनीष पांडे, रिषभ पंत (विकेटकीपर), क्रुणाल पांड्या, रभिन्द्र जडेजा, वाशिंगटन सुंदर, राहुल चाहर, भुवनेश्वर कुमार, खलील अहमद, दीपक चाहर, नवदीप सैनी

वेस्टइन्डिज जाने भारतीय टेस्ट टीम: विराट कोहली (कप्तान), अजिंक्य रहाने (उपकप्तान), मायाँक अग्रवाल, केएल राहुल, चेतेश्वर पुजारा, हनुमा विहारी, रोहित शर्मा, रिषभ पंत (विकेटकीपर), ऋद्धिमान साहा (विकेटकीपर), रभीचन्द्रन अश्विन, रभिन्द्र जडेजा जडेजा, कुलदीप यादव, इशांत शर्मा, मोहम्मद शमी, जसप्रीत बुमराह, उमेश यादव





थप समाचार

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]

T20WC : वेस्टइन्डिजको विश्वकप इतिहासकै लज्जास्पद ब्याटिंग, रशिदको घातक बलिंग

टि-ट्वान्टी विश्वकप अन्तर्गत सुपर-१२ चरणको दोश्रो खेलमा इंग्ल्यान्डसंग प्रतिस्पर्धा गरिरहेको डिफेन्डिङ च्याम्पियन वेस्टइन्डिजले आफ्नो टि-ट्वान्टी विश्वकप इतिहासकै लज्जास्पद ब्याटिंग गरेको […]

T20WC : भारतसंग खेल अघि पाकिस्तान कप्तान बाबर आजमको आत्मविश्वास

क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ […]