पहिलो एकदिवसीयमा अस्ट्रेलियाद्वारा भारत पराजित, खेलमा के-के बने रेकर्ड



भारतको अस्ट्रेलिया भ्रमण अन्तर्गत तिन एकदिवसीय अन्तर्राष्ट्रियको सिरिज अन्तर्गत पहिलो खेलमा घरेलु टोलि अस्ट्रेलिया ६६ रनले विजयी भएको छ।

सिड्नी क्रिकेट ग्राउण्डमा अस्ट्रेलियाले दिएको ३७५ रनको विशाल लक्ष्य पछ्याउने क्रममा भारतले ५० ओभर ब्याटिंग गरेता पनि ८ विकेट गुमाएर ३०८ रन मात्र बनाउन सक्यो।

भारतको लागि हार्दिक पान्ड्याले सर्वाधिक ९० ( ७६ बलमा ७ चौका र ४ छक्का ) , शिखर धवनले ७४ ( ८६ बलमा १० चौका ) बनाएता पनि जित दिलाउन सकेनन्। नभदिप सैनीले २९, रभिन्द्र जडेजाले २५, मायाँक अग्रवालले २२ तथा कप्तान बिराट कोहलीले २१ रन योगदान दिए।

पहिलो विकेटको लागि धवन र अग्रवालले ५३ रनको साझेदारी गरेपछि दायाँ हाते फास्ट बलर जोश हेजलवुडले अग्रवाल, कोहली र श्रेयस ऐयरको विकेट लिंदै अस्ट्रेलियालाई खेलमा हावी गरेका थिए। केएल राहुल १२ रन मात्र बनाएर एडम जाम्पाबाट आउट भए। पाँचौ विकेटको लागि धवनले पान्ड्यासंग १२८ रनको साझेदारी गरे। धवन र पान्ड्या दुवैलाई जाम्पाले क्याच आउट गराए।

हार्दिक पान्ड्याले ९० रन बनाए

अस्ट्रेलियाको बलिंगमा लेग स्पिनर जाम्पाले सर्वाधिक ४ विकेट लिने जुन क्रममा १० ओभरमा ५४ रन खर्चिए। हेजलवुडले ३ ( १०-०-५५-३ ) तथा मिचेल स्टार्कले १ विकेट ( ९-०-६५-१ ) लिए।

यस अघि टस जितेर ब्याटिंग गर्ने क्रममा अस्ट्रेलियाको लागि कप्तान आरोन फिंच र स्टिभ स्मिथले शतक बनाएका थिए। फिन्चले १२४ बलमा ९ चौका र २ छक्का मद्दतले ११४ रन तथा स्मिथले ६६ बलमा ११ चौका र ४ छक्का मद्दतले १०५ रन बनाए। फिन्चको करियरको यो १७ औं तथा स्मिथको १० औं शतक हो।

ओपनर डेभिड वार्नरले ६९ ( ७६ बलमा ६ चौका ) तथा ग्लेन म्याक्सवेलले ४५ रन बनाए। म्याक्सवेलले १९ बलमा ५ चौका र ३ छक्का हिर्काए।

पहिलो विकेटको लागि वार्नर र फिन्चले १५६ रनको विशाल साझेदारी गरेका थिए। वार्नर २८ औं ओभरमा मोहम्मद शामीबाट क्याच आउट भएपछि फिंच र स्मिथले दोश्रो विकेटको लागि १०८ रन जोडे। फिंचलाई ४० औं ओभरमा जस्प्रित बुम्राहले क्याच आउट गराए। स्मिथ इनिंगको अन्तिम ओभरमा शामीबाट बोल्ड भएका थिए।

एडम जम्पा

भारतको बलिंगमा मोहम्मद शामीले सर्वाधिक ३ विकेट ( १०-०-५९-३ ) लिए भने जस्प्रित बुम्राह ( १०-०-७३-१ ) , नभदिप सैनी ( १०-०-८३-१ ) , युजभेन्द्र चहल ( १०-०-८९-१ ) समान १ विकेट लिए।

प्लेयर अफ द म्याच स्टिभ स्मिथ घोषित भए। सिरिज अन्तर्गत दोश्रो एकदिवसीय नोभेम्बर २९ तारिख आइतबार खेलिनेछ।

खेलमा बनेका रेकर्डहरु 

दुवै टिमले ३०० भन्दा बढी योगफल तथा २ वटा शतक तथा शतकीय साझेदारीहरु बनेको खेलमा बिभिन्न रेकर्डहरु बनेका छन्।

३७४/६ : यो योगफल भारत बिरुद्ध कुनै पनि टिमले एकदिवसीयमा बनाएको तेश्रो ठूलो योगफल हो। सबैभन्दा धेरै दक्षिण अफ्रीकाले २०१५ मा ४३८ रन तथा श्रीलंकाले २००९ मा ४११ रन बनाएको थियो।

६२ बलको शतक : खेलमा स्मिथले ६२ बलमा बनाएको शतक भारत बिरुद्ध बलको आधारमा कुनै पनि अस्ट्रेलियन ब्याट्सम्यानको एकदिवसीयमा तेश्रो छिटो शतक हो। सबैभन्दा छिटो ग्लेन म्याक्सवेलले २०१५ मा ५१ बलमा तथा जेम्स फल्कनरले २०१३ मा ५७ बलमा शतक बनाएका थिए। यस्तै अस्ट्रेलियन ब्याट्सम्यानले बनाएको पनि यो तेश्रो छिटो शतक हो।

६८२ रन : अस्ट्रेलियामा खेलिएको एकै एकदिवसीय अन्तर्राष्ट्रिय खेलमा बनेको यो दोश्रो सबैभन्दा धेरै रन हो। सबैभन्दा धेरै सिड्नी मैदानमा २०१५ मा अस्ट्रेलिया ( ३७६ ) र श्रीलंका ( ३१२ ) बीचको खेलमा ६८८ रन बनाएको थियो।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]