आश्विन चम्किदा अस्ट्रेलिया १९१ रनमै सिमित, भारतलाई ५३ रनको अग्रता



भारतको अस्ट्रेलिया भ्रमण अन्तर्गत एडीलेड ओभलमा जारि चार टेस्टको सिरिज अन्तर्गत पहिलो डे-नाइट टेस्ट जारी रहेको छ।

पहिलो इनिंगमा भारत २४४ रनमा समेटिएपछि पहिलो इनिंगमा अस्ट्रेलियाले ७२.१ ओभरमा १९१ रनमै सम्पूर्ण विकेट गुमाउन पुगेको छ। पहिलो इनिंगमा भारतले ५३ रनको अग्रता लिंदै दोश्रो दिननै ब्याटिंग सुरु गर्नेछ। डे-नाइट क्रिकेटमा पहिलो इनिंगमा अग्रता लिन चुकेको यो पहिलो पटक हो।

अस्ट्रेलियाको लागि कप्तान टिम पेनले सर्वाधिक अविजित ७३ रन बनाए जुन क्रममा ९९ बलमा १० चौका प्रहार गरे। मार्नस लाबुसेनले ४७ रन बनाए। मिचेल स्टार्कले १५, क्यामरन ग्रिनले ११, तथा नाथन लायनले १० रन बनाए। म्याथु वेड र जोए बर्न्सले समान ८ रन, स्टिभ स्मिथले १ तथा ट्राभिस हेडले ७ रन बनाए।

टिम पेनले सर्वाधिक अविजित ७३ रन बनाए

लगातार विकेट गुमाएको अस्ट्रेलियाको विकेट पतनको सुरुवात जस्प्रित बुम्राहले गरेका थिए जसले ओपनर म्याथु वेड र जोए बर्न्सलाई पेभेलियन फर्काए। त्यसपछि अफस्पिनर रभीचन्द्रन आश्विनले स्टिभ स्मिथ, ट्राभिस हेड र क्यामरन ग्रिनलाई पेभेलियन फर्काउदा अस्ट्रेलिया ७९/५ को अवस्थामा पुगेको थियो। त्यसपछि ब्याटिंग गर्न आएका कप्तान पेनले तल्लो क्रमका ब्याट्सम्यानहरुसंग साझेदारी गर्दै अन्तिमसम्म ब्याटिंग गरे।

भारतको बलिंगमा रभीचन्द्रन आश्विनले सर्वाधिक ४ विकेट लिए जुन क्रममा १८ ओभरमा ३ मेडन ओभर गर्दै ५५ रन खर्चिए। अस्ट्रेलिया बिरुद्ध भारत बाहिर आश्विनको यो उत्कृस्ट स्पेल हो। फास्ट बलर उमेश यादवले ३ ( १६.१-५-४०-३ ) तथा जस्प्रित बुम्राह ( २१-७-५२-२ ) ले २ विकेट लिए।

यस अघि पहिलो दिन २३३ रनमा ६ विकेट गुमाएको अवस्थामा दिनको अन्त्य गरेको भारतले दोश्रो दिन मात्र ११ रन जोड्दा बाँकी ४ विकेट गुमाउन पुग्यो।

भारतको लागि कप्तान बिराट कोहलीले सर्वाधिक ७४ रन बनाए। चेतेश्वर पुजाराले ४३ तथा अजिंके रहानेले ४२ रन बनाए। अस्ट्रेलियाको बलिंगमा मिचेल स्टार्कले ४ तथा प्याट कमिन्सले ३ विकेट लिए।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]