रोमान्चक टेस्टमा भारतको कठिन जित



  • विकेटनेपाल, मङ्सिर २३ – सोमबार

घरेलु टोलि अष्ट्रेलिया बिरुद्धको पाहिलो टेस्टमा भारतले ३१ रनको रोमान्चक जित दर्ता गरेको छ। जितसंगै भारतले ४ टेस्टको शृंखलामा १-० को अग्रता समेत लिएको छ।

खेलको अन्तिम इनिंगमा ३२३ रनको बिजय लक्ष्य लिएर १०४/४ को अवस्थाबाट पाँचौ दिन थालेको अष्ट्रेलिया कुल २९१ रनमा समेटिन पुग्यो। अष्ट्रेलियाका लागि चौथो दिन अविजित रहेका शन मार्शले ६० तथा कप्तान टिम पेनले ४१ रन जोडेपनि जित दिलाउन सकेनन्। पेन र मार्श दुबै जस्प्रित बुम्राहको शिकार बने।

यस्तै चौथो दिन अविजित रहेका ट्रेविस हेडले १४, प्याट कमिन्स र मिचेल स्टार्कले समान २८-२८ तथा नेथन लायनले अविजित ३८ रन जोडेपनि टोलीको हार टार्न सकेनन्।

भारतको जितमा जस्प्रित बुम्राह, रबिचन्द्रन अश्विन र मोहम्मद शामीले समान ३-३ विकेटले लिए। यस्तै इशान्त शर्माको नाममा १ विकेट रह्यो।

यसअघि आफ्नो दोस्रो पारीमा भारतले ३०७ रन बनाउंदै अष्ट्रेलियालाई ३२३ रनको लक्ष्य प्रस्तुत गरेको थियो। भारतका  लागि म्यान अफ दि म्याच बनेका चेतेश्वर पुजाराले ७१ तथा अजिंक्या राहानेले ७० रन जोडेका थिए। अष्ट्रेलियाका नेथन लायनको नाममा ६ विकेट रहेको थियो।

घरेलु टोलि अष्ट्रेलियाको पहिलो पारि भने खास रहन सकेको थिएन। २३५ रन जोड्न सबै १० विकेट गुमाएको उसको इनिंगमा ट्रेविस हेडले ७२ रन जोड्न बाहेक अन्यको प्रदर्शन सम्झन लायक रहेन। भारतको लागि आश्विन र बुम्राहले समान ३-३ विकेट लिएका थिए।

एडिलेडमा पहिलो दिन टस जितेर ब्याटिंग गरेको भारतले भने २५० रन मात्र जोड्न सकेको थियो। चेतेश्वर पुजाराले १२३ रन जोडेको इनिंगमा रोहित शर्माले ३७ रनको ग योगदान गरेका थिए। अष्ट्रेलियाका जस् हेजलवुडले सर्वाधिक ३ विकेट लिएका थिए।

दुई टोलि बिचको दोस्रो टेस्ट पर्थमा शुक्रवारबाट सुरु हुनेछ। टेस्ट शृंखला पछि दुबै टोलीले ३ वटा एकदिवसीय खेल खेल्ने तालिका रहेको छ। यसअघि सम्पन्न टि-२० शृंखला भने १-१ को बराबरीमा सकिएको थियो।

भारतको रेकर्ड 

एडिलेडमा भएको खेलमा भारतले ३१ रनको ऐतिहासिक जित हात पारेको छ। यसअघि भारतले अनिल कुम्बलेको कप्तानीमा पर्थमा भएको खेलमा  पछिल्लोपल्ट सन् २००८ मा जित दर्ता गरेको थियो।

यो सँगै विराट कोहली कप्तानको रुपमा दक्षिण अफ्रिका, इंग्ल्याण्ड र अस्ट्रेलियामा टेस्ट खेल जित्ने पहिलो एसियाली कप्तान समेत बनेका छन्। साथै भारत एकै बर्षमा दक्षिण अफ्रिका, इंग्ल्याण्ड र अस्ट्रेलियामा टेस्ट जित्ने टिम समेत बन्न सफल भएको छ।

यहि खेलको पहिलो पारिमा ६ वटा क्याच र दोश्रो पारीमा समेत ५ क्याच लिंदै रिषब पन्त एकै खेलमा सर्बाधिक क्याच लिने दक्षिण अफ्रिकाका एबी डी भिल्लियर्स र अस्ट्रेलियाका ज्याक रशेलसँगको रेकर्ड बराबरी गरेका छन्। भारतका लागि भने रिद्धिमान शाहले यहि बर्ष दक्षिण अफ्रिका बिरुद्द केप टाउनमा १० क्याच लिएका थिए।





थप समाचार

व्हाटमोरको विदाई सुखद बनाउने नेपाली टिमको चाहना

नेपाली राष्ट्रिय क्रिकेट टिमका मुख्य प्रशिक्षक डेभ व्हाटमोरको प्रशिक्षणमा नेपाली राष्ट्रिय क्रिकेट टिमले आज अन्तिम खेल खेल्दैछ। ओमान भ्रमण अन्तर्गत विश्वकप […]

नेपाल र ओमान बीच खेल आज ( सम्पूर्ण जानकारी )

खेल – नेपाल VS ओमान ( चौंथो खेल, विश्वकप लिग-२ , त्रिकोणात्मक सिरिज ) कहिले – सेप्टेम्बर १९, आइतबार, नेपाली […]

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]