रिसव पन्तले पनि शतक बनाएपछि भारत बलियो स्थितीमा, पुजारा दोहोरो शतकबाट चुके



  • विकेटनेपाल, पुष २० – शुक्रवार 

चेतेश्वर पुजारा दोहोरो शतक बनाउनबाट चुकेपनि रिसव पन्तले शतक प्रहार गरेपछि चौथो टेष्टको दोस्रो दिन भारत बलियो स्थितीमा रहेको छ।

पन्तले अष्ट्रेलियामा शतक प्रहार गर्ने पहिलो एसियाली विकेटकिपर ब्याट्म्यान बन्दै नटआउट १५९ रन बनाए। दोहोरो शतकबाट थोरैले चुकेका पुजाराले १९३ रन बनाए। दोस्रो दिनको समाप्तीमा भारतले ५९८ रनको अग्रता बनाएको छ। दोस्रो दिनै आफ्नो पहिलो इनिङ्स सुरु गरेको अष्ट्रेलियाले १० ओभर खेल्दै विना क्षती २४ रन बनाएको छ।

भारतले ३०३/४ बाट दोस्रो दिनको खेल सुरु गरेको थियो। पहिलो दिनै शतक प्रहार गरेका पुजारा १३० र हनुमान विहारी ३९ ले दोस्रो दिनको खेल अगाडी बढाएका थिए।

विहारी ३ रन थप्दै नाथन लियोनको बलमा लाबुसचान्जको हातबाट क्याचआउट भए। त्यसपछि क्रिजमा पुगेका रिसव पन्त र पुजारा मिलेर छैटौँ विकेटका लागि ८९ रनको साझेदारी गरे। ३७३ बल खेलेका पुजाराले २२ चौकाको मद्दतमा १९३ रन प्रहार गरे। उनी दोहोरो शतकबाट ७ रनले चुके।

पुजारा आउट हुँदा भारत ४१८/६ को स्थितीमा थियो। त्यसपछि पन्तले रविन्द्र जडेजासँग उत्कृष्ट साझेदारी गर्दै भारतको लागि उच्च स्कोर तयार पार्न मद्दत गरे। यी दुईले सातौँ विकेटका लागि २०४ रनको साझेदारी गरे। जडेजा ८१ रन बनाएर लियोनको बलमा बोल्ड भएपछि भारतका कप्तान विराट कोहलीले इनिङ्स डिक्लेयर गरेका थिए।

पन्त १५९ रनमा नटआउट रहे। १८९ रन खेलेका उनले १५ चौका र १ छक्का प्रहार गरे। पन्तको यो दोस्रो टेष्ट शतक हो। यसअघि उनले इंग्ल्याण्ड विरुद्ध शतक प्रहार गरेका थिए।

दोस्रो दिन अष्ट्रेलियाका लागि तीन वटै विकेट लियोनले लिए।

भारतले इनिङ्स डिक्लेयर गरेपछि अष्ट्रेलियाले दोस्रो दिन पहिलो इनिङ्सको १० ओभर मात्र ब्याटिङ गर्न पायो। अष्ट्रेलियाका मार्कुस ह्यारिस १९ र उस्मान खवाजा ५ रनमा नटआउट छन्।

चारतले चार टेष्टको सिरीजमा २-१ को अग्रता बनाइसकेको छ। भारत पहिलो पटक अष्ट्रेलियामा सिरिज जित्ने लक्ष्यका साथ खेलिरहेको छ। उता घरेलु टोली अष्ट्रेलियालाई सिरिज जोगाउन पनि चौथो टेष्ट बराबरी गर्नैपर्ने बाध्यता छ।





थप समाचार

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]