दोश्रो टेस्टमा भारतद्वारा इंग्ल्यान्ड रेकर्ड रन अन्तरले पराजित



इंग्ल्यान्डको भारत भ्रमण अन्तर्गत दोश्रो टेस्टमा घरेलु टिमले ३१७ रनको विशाल जित दर्ता गर्दै सिरिज १-१ को बराबरीमा ल्याएको छ। पहिलो टेस्ट इंग्ल्यान्डले २२७ रनले जितेको थियो।

३१७ रनको जित रन अन्तरको आधारमा भारतको पाँचौ ठुलो जित हो। रन अन्तरको आधारमा यो इंग्ल्यान्डको एसियामा सबैभन्दा ठुलो हार हो। जितसंगै एसियामा इंग्ल्यान्डको विजयी यात्राको पनि भारतले अन्त्य गरेको छ। यस अघि एसियामा खेलिएको अघिल्लो ६ टेस्टमा इंग्ल्यान्ड विजयी भएको थियो।

जितपछि आईसीसी वर्ल्ड टेस्ट च्याम्पियनसिप अंकतालिकामा भारत चौथोबाट दोश्रो स्थानमा उक्लेको छ भने इंग्ल्यान्ड चौथो स्थानमा झरेको छ। न्युजिल्यान्ड पहिलो र अस्ट्रेलिया तेश्रो स्थानमा रहेको छ।

टेस्टको चौथो दिन भारतले दिएको ४८२ रनको लक्ष्य पछ्याउने क्रममा इंग्ल्यान्ड दोश्रो सेसनमा सम्पूर्ण विकेट गुमाउदै १६४ रन मात्र बनाउन सक्यो। सन् १९९५ पछि इंग्ल्यान्ड पहिलो पटक दुवै इनिंग्समा ३०० भन्दा कम रनमा अलआउट भएको हो।

लक्ष्य पछ्याउने क्रममा इंग्ल्यान्डको लागि मोइन अलिले सर्वाधिक ४३ रन बनाए जुन क्रममा १८ बलमा ३ चौका र ५ छक्का प्रहार गरे। कप्तान जो रुटले ३३, ड्यानियल लरेन्सले २६ तथा रोरी बर्न्सले २५ रन बनाए। इनिंग्सको अन्तिममा मोइन अलिले आक्रामक ब्याटिंग गरे हारको अन्तर कम गरेका थिए।

भारतको बलिंगमा डेब्यु गरिरहेका देब्रे हाते स्पिनर अक्षर पटेलले ५ विकेट ( २१-५-६०-५ ) लिए। अक्षर पटेल डेब्यु टेस्टमा ५ विकेट लिने दोश्रो भारतीय स्पिनर तथा समग्रमा नवौं भारतीय बलर बनेका छन्। यस अघि सन् १९७९ मा अस्ट्रेलिया बिरुद्ध डेब्यु टेस्टमा दिलिप दोषीले ६ विकेट लिएका थिए। रभीचन्द्रन आश्विनले ३ विकेट ( १८-५-५३-३  ) तथा कुलदिप यादवले २ विकेट ( ६.२-१-२५-२ ) लिए।

खेलको प्लेयर अफ द म्याच शतक तथा कुल ८ विकेट लिएका अलराउण्डर रभीचन्द्रन आश्विन चुनिए।

अक्षर पटेलले ५ विकेट लिए

टेस्टमा टस जितेर ब्याटिंग गरेको भारतले पहिलो इनिंग्समा रोहित शर्माले १६१ रन मद्दतले ३२९ रन बनाएको थियो। रभीचन्द्रन आश्विनले ५ विकेट लिंदा इंग्ल्यान्डले पहिलो इनिंग्समा १३४ रन मात्र बनाएको थियो। आश्विनले १०६ रन बनाउदा भारतले दोश्रो इनिंग्समा २८६ रन बनाउदै इंग्ल्यान्डलाई ४८२ रनको लक्ष्य प्रस्तुत गरेको थियो।

सिरिज अन्तर्गत तेश्रो टेस्ट फेब्रुअरी २४ तारिख देखि अहमदावादमा सुरु हुनेछ। चौथो टेस्ट पनि अहमदावादमानै मार्च ४ देखि सुरु हुनेछ। टेस्ट सिरिज पछि दुई देश बीच मार्च १२ देखि ५ वटा टि-२० अन्तर्राष्ट्रियको तथा मार्च २३ देखि ३ वटा एकदिवसीय अन्तर्राष्ट्रियको सिरिज खेलिनेछ।





थप समाचार

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]