धोनी, रोहित र धवनले राम्रो ब्याटिंग गर्दा भारतले बनायो ३२४



भारत र न्युजिल्याण्ड बीच जारि ५ एकदिवसीयको सिरिज अन्तर्गत दोश्रो एकदिवसीयमा भारतले टस जितेर ब्याटिंग गर्दै ५० ओभरमा ४ विकेट गुमाएर ३२४ रनको योगफल तयार गरेको छ।

पहिलो एकदिवसीयमा भारतले घरेलु टिमलाई ८ विकेटले ( डीएलएस मेथड ) पराजित गरेको थियो। 

बे ओभल मैदानमा भारतलाई राम्रो सुरुवात दिलाउने क्रममा रोहित शर्मा र शिखर धवनले पहिलो विकेटको लागि १५४ रनको साझेदारी गरे। २६ औं ओभरमा शिखर ६६ रन बनाएर आउट भएपछि साझेदारी टुटेको थियो। धवनले ६७ बलमा ९ चौका प्रहार गरे।

रोहित शर्मा पनि ३० औं ओभरमा ८७ रन बनाएर आउट हुँदा दोश्रो विकेट गुमाएको भारतलाई तेश्रो विकेटको लागि कप्तान बिराट कोहली र अम्बाती रायडुले अघि बढाए। रोहितले ९६ बलमा ९ चौका र ३ छक्का प्रहार गरे।

रायडूसंग ६४ रनको साझेदारी गरेपछि कोहली ४३ रनको ( ४५ बलमा ५ चौका ) स्कोरमा आउट भए। कोहलीको विकेट पछि रायडु ४७ रन ( ४९ बलमा ३ चौका र १ छक्का ) बनाएर आउट भए।

४५.४ ओभरमा २७१/४ रहेको भारतको योगफललाई रफ्तार दिंदै त्यसपछि धोनी र केदार जाधबले पाँचौ विकेटको लागि  २६ बलमा ५३ रन बनाए। फलस्वरुप भारतले ५० ओभरमा ४ विकेट गुमाएर ३२४ रन बनायो।

धोनीले अविजित ४८ रन बनाए जुन क्रममा ३३ बलमा १ छक्का र ५ चौका प्रहार गरे। जाधबले अविजित २२ रन बनाउदा १० बलमा ३ चौका र १ छक्का प्रहार गरे।

न्युजिल्याण्डको बलिङ्गमा ट्रेन्ट बोल्ट ( १०-१-६१-२ ) र लकि फर्गुसनले ( १०-१-८१-२ ) २/२ विकेट लिए।

 





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]