टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ



भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ।

इङ्ग्ल्याडको साउथह्याम्पटनमा टेस्टको सुरुवाती दिन वर्षाको कारण टस समेत नभई समाप्त भएको हो। दुवै टिम तथा समर्थकहरु खेल सुरु हुने प्रतीक्षामै दिनको समाप्ति हुन पुग्यो। केहि समय वर्षा रोकिंदा खेल हुने जस्तो भान भएता पनि पुनः वर्षा सुरु हुँदा आशा निराशामा बदलिन पुग्यो।

दिनको सुरुवात भारि वर्षाबाट भएपछि धेरै पटक वर्षा थामिएको थियो। ६:४५ बजे वर्षा थामिदा म्याच सुरु हुने सम्भावना देखिएको थियो। तर ७:१५ बजे पुनः वर्षा निरन्तर भएपछि अधिकारिक रुपमा पहिलो दिन रद्द गरिएको थियो।


पहिलो दिनको खेल हुन नसकेता पनि दोश्रो दिन भने खेल पुरा हुने सम्भावना रहेको छ। मौसम पूर्वानुमान अनुसार भोलि मौसम अधिकांश समय सफा हुनेछ र समयमै खेल सुरु हुन सक्नेछ। दिउसोको समय केहि वर्षा भने हुनसक्ने अनुमान गरिएको छ। भोलि नेपाली समय दिउसो ३:१५ बजे खेल सुरु हुनेछ।

आईसीसीले टेस्टको पहिलो ५ दिनको खेल अवरुद्ध भएको खण्डमा छैठौं दिन ( २३ जुन ) पनि रिजर्भ डे राखेको छ।

टेस्ट हुने अघिल्लो दिन बिहिबार भारतले आफ्नो अन्तिम-११ घोषणा गरिसकेको छ। तथापी परिस्थिति अनुसार भारतले भोलि अन्तिम-११ परिवर्तन गर्न सक्नेछ। न्युजिल्यान्डले भने अन्तिम-११ घोषणा गरिएको छैन।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]