भारत पूर्णरुपमा हावी



  • विकेटनेपाल, २० साउन

श्रीलंका : ५०/२ ( मेन्डीस १६* , चण्डीमाल ८* , आश्विन २/३८ ) ,  भारत : ६२२/९ पारि समाप्ति ( पुजारा १३३, रहाने १३२ , जडेजा ७०* , हेराथ , ४/१५४ )

३ टेस्ट म्याचको सिरिज अन्तर्गत भारत र श्रीलंका बीच आज दोश्रो टेस्टको दोश्रो दिनको खेल सकिदा भारत पुनः श्रीलंकाबिरुद्ध हावी देखिएको छ l

चेतेश्वर पुजारा र अजिंके रहानेको शतक तथा तल्लो क्रमका ब्याट्सम्यानहरुले समेत मजाले रन बनाएपछि भारतले ६२२/९ को स्कोरमा पहिलो इनिंग समाप्तिको घोषणा गरेको छ l दोश्रो दिन २० ओभर ब्याटिंग गरेको श्रीलंकाले ५० रन जोड्दा पहिलो २ विकेट गुमाईसकेको छ l

भारतको लागि पुजाराले सर्बाधिक १३३ तथा रहानेले १३२ रनको योगदान दिएका थिए l तल्लो क्रमका ब्याट्सम्यानहरु रबिन्द्र जडेजाले अविजित ७० , रिद्दिमान शाहले ६७ तथा रविचन्द्र आश्विनले ५४ रनको योगदान दिएपछि भारत पुनः बलियो स्थितिमा छ l

पुजाराले १३३ तथा रहानेले १३२ रनको योगदान दिए l

दोश्रो दिनको अन्तिम सत्रमा ब्याटिंग गरेको श्रीलंकाले ओपनरद्वय दिमुथ करुणारत्नेलाई २५ तथा उपुल थरांगालाई ० रनमै गुमाईसकेको छ l खेल सकिंदा सम्म कुसल मेन्डीस १६ तथा चण्डीमाल ८ रन बनाएर ब्याटिंग गरिरहेका छन् l भारतको लागि दुवै विकेट आश्विनले लिएका हुन् l

यस अघि भारतले पहिलो टेस्टमा श्रीलंकालाई ३०४ रनले पराजित गरेको थियो l

६०० रन बनाउने भारत मात्रै 

अन्तर्राष्ट्रिय क्रिकेटमा पछिल्लो ६७ महिना अर्थात झन्डै ६ बर्षमा भारत बाहेक कुनै पनि रास्ट्रले ६०० भन्दा बढी रन टेस्टमा बनाउन सकेका छैनन् l भारतले भने यो अबधिमा छैठौं पटक ६०० को स्कोर पार गरिसकेको छ l गालमा सम्पन्न अघिल्लो टेस्टमा पनि भारतले ६०० रन बनाएको थियो l

सबैभन्दा बढी पटक ५००+ रन बनाउने भारत तेश्रो टिम  

टेस्ट क्रिकेटमा ५०० माथिको रन बनाउने लिस्टमा भारत तेश्रो नम्बरमा रहेको छ l पहिलो नम्बरमा रहेको अस्ट्रेलियाले हालसम्म १४१ पटक ५०० भन्दा माथिको स्कोर बनाएको छ भने तेश्रो नम्बरमा भारतले ८० पटक ५०० माथिको स्कोर बनाउन सकेको छ l दोश्रो नम्बरमा रहेको इंग्ल्यान्ड कुल १०५ पटक ५०० रन नाघेको छ l

 

 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]