कोहलीले सचिन र गावस्करलाई पछि छाडे, टेस्टमा भारतको बिशाल अग्रता



  • विकेटनेपाल-१९ असोज, शुक्रवार

प्रिथ्भी शा, बिराट कोहली र रबिन्द्र जडेजाको शतक तथा बलरहरुको शानदार प्रदर्शनमा विन्डीज् बिरुद्धको पहिलो टेस्टमा भारतले आफ्नो पकड बनाएको छ। टेस्टको दोस्रो दिनको खेल समाप्ति हुँदासम्म विन्डीज टोलि ५५५ रनको बिशाल अन्तरले पछि रहेको छ।

भारतले दोस्रो दिन ९ विकेट गुमाएर ६४९ रन जोड्दै पारि समाप्तिको घोषणा गरेपछि ब्याटिंगमा उत्रिएको विन्डीज दोस्रो दिनको खेलको समाप्तिमा ९४/६ को खराब अवस्था पुगेको छ। उसका रोस्टन चेज (२७*) र किमो पौल (१३*) क्रिजमा अविजित रहेका छन्।

आफ्नो पहिलो इनिंगमा ब्याटिंग गर्न उत्रिएको विन्डीजले लगातार विकेट गुमाउँदा साझेदारी बनाउन विफल रह्यो। टोलीको खातामा मात्र २ रनहुँदा पहिलो विकेट गुमाएको भ्रमणकारी टोलीले ७ रनमा दोस्रो, २१ रनमा तेस्रो, ३२ रनमा चौथो, ४९ रनमा पाँचौं र ७४ रनमा आफ्नो छैठौं विकेट गुमाएको हो।

भारतको बलिंगतर्फ मोहम्मद शामीले सर्वाधिक २ (६-२-११-२) विकेट तथा रबिन्द्र जडेजा, रबिचंद्रण अश्विन र कुलदिप यादवले समान १-१ विकेट चट्काए। विन्डीज् टोलीको एक विकेट भने भारतले रन आउट स्वरूप हात पार्यो।

भारत पहिलो इनिंगमा ३ शतक 

यसअघि खेलमा टस जित्दै ब्याटिंग गर्ने निर्णय लिएको भारतले आफ्नो पहिलो इनिंगमा ९ विकेट गुमाएर ६४९ रन जोड्दा पारि समाप्तिको घोषणा गरेको थियो। भारतका लागि कप्तान विराट कोहलीले सर्वाधिक १३९, प्रिथ्भी शाले १३४ तथा रबिन्द्र जडेजाले अविजित १०० रनको योगदान गरेका थिए।

३६४/४ रनको स्कोरबाट दोस्रो दिनको खेल सुरु गरेको भारतका लागि कप्तान कोहलीले टेस्ट करियरको २४ औं शतक तथा रबिन्द्र जडेजाले पहिलो शतक प्रहार गरे। १३९ रनको बिशाल इनिंग खेल्ने क्रममा कोहलीले १० चौका प्रहार गरे।

यस्तै आफ्नो टेस्ट करियरको पहिलो शतक बनाउन रबिन्द्र जडेजाले १३२ बलमा अविजित १०० रनको इनिंग खेले। आक्रामक इनिंग खेलेका जडेजाले ५ चौका र समान छक्का प्रहार गरेका थिए।

उता शतक बनाउनबाट मात्र ८ रनले चुकेका रिसभ पन्तले ९२ रनको योगदान गर्दा ८ चौका र ४ छक्का प्रहार गरेका थिए। यसअघि पहिलो दिनको खेलमा टेस्ट क्रिकेटमा डेब्यु गरेका प्रिथ्भी शाले शतक बनाउंदै १३४ रन जोडेका थिए।

विन्डीजको बलिंगमा देभेन्द्र बिशुले सर्वाधिक ४ (५४-३-२१७-४) विकेट हात पारे। यस्तै शेरमन लेविशको नाममा २ विकेट रहेको थियो।

सचिन र गावास्करलाई पछि छाडे कोहलीले :

टेस्ट क्रिकेटको इतिहासमा सर्वाधिक चांडो २४ टेस्ट शतक जोड्ने खेलाडीको सुचीमा भारतीय कप्तान बिराट कोहली दोस्रो नम्बरमा उक्लिएका छन्। विन्डीज बिरुद्ध पहिलो टेस्टमा १३९ रनको इनिंग खेल्दा कोहलीले आफ्नो टेस्ट करियरको २४ औं शतक पुरा गरेका हुन्।

यसक्रममा कोहलीले सचिन तेन्दुलकर र महान् क्रिकेटर सुनिल गावास्करलाई यो सुचिमा पछि छाडेका छन्। २४ टेस्ट शतक जोड्न सचिनले १२५ तथा गावास्करले १२८ इनिंग खर्चेका थिए भने कोहलीले १२३ इनिंगमा यो उचाई हँसिल गरेका हुन्। मात्र ६६ इनिंगमा २४ टेस्ट शतक जोडेका ड्न ब्राडमेन सो सुचीको शिर्ष स्थानमा रहेका छन्।

सर्वाधिक चांडो २४ टेस्ट शतक जोड्ने खेलाडीहरु :

  • ६६ इनिंग –  ड्न ब्राडमेन
  • १२३ इनिंग -बिराट कोहली
  • १२५ इनिंग -सचिन तेन्दुलकर
  • १२८ इनिंग -सुनिल गावास्कर
  • १३२ इनिंग -मेथ्यु ह्याडेन
  • १३५ इनिंग -मोहमम्द युसुफ
  • १४१ इनिंग -गार्फिल्ड सोबर्स





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]