कोहलीले शतक बनाउदा भारतद्वारा विन्डीजलाई २८० रनको लक्ष्य



भारतको वेस्टइन्डिज टुर अन्तर्गत ३ वानडे अन्तर्राष्ट्रियको सिरिज अन्तर्गत दोश्रो एकदिवसीय खेल जारि रहेको छ। पहिलो एकदिवसीय वर्षाको कारण नतिजाविहिन रहेको थियो।

ट्रिनिडाड पोर्ट अफ स्पेनमा जारि खेलमा टस जितेर ब्याटिंग गर्दै भारतले ५० ओभरमा ७ विकेट गुमाएर २७९ रन बनाउदै घरेलु टिमलाई २८० रनको लक्ष्य दिएको छ।

टस जितेर ब्याटिंग गर्ने क्रममा भारतीय ओपनर शिखर धवन २ रन बनाएर पहिलो ओभरमा शेल्डरन कटरेलबाट एलबिडब्लु आउट भए। दोश्रो विकेटको लागि रोहित शर्मा र बिराट कोहलीले ७४ रनको साझेदारी गरे। रोहित १६ औं ओभरमा रोस्टन चेजको बलमा क्याच आउट भए जस अघि ३४ बलमा १८ रन बनाए।

रिशभ पन्त २३ औं ओभरमा ३५ बलमा २० रन बनाएर आउट हुँदा दबाबमा आएको भारतको लागि कोहलीले एक किनार सम्हालीरहे। पाँचौ नम्बरका श्रेयस ऐयरसंग कोहलीले शतकी साझेदारी गर्दै योगफल २०० पार गराए। कोहली गांगुलीको रेकर्ड तोड्दै भारतको लागि ओडीआईमा दोश्रो धेरै रन बनाउने खेलाडी समेत बन्न पुगे। गांगुलीको ११, ३६३ रन रहेको थियो जसलाई पछि छाड्दै कोहलीओ ११,४०६ रन पुगेको छ।

कोहलीले एकदिवसीय करियरको ४२ औं शतक पुरा गरे। ४२ औं ओभरमा ब्राथवेटको बलमा क्याच आउट हुनु अघि उनले १२५ बलमा १४ चौका र १ छक्का मदतले १२० रन बनाए। वेस्टइन्डिज बिरुद्ध कोहलीको यो आठौँ शतक हो।

कोहलीको विकेट पछि श्रेयस ऐयरले पनि तेश्रो अर्धशतक अर्धशतक पुरा गरे। ६८ बलमा ५ चौका र १ छक्का मदतले ७१ रन बनाएका ऐयरलाई ४६ औं ओभरमा जेसन होल्डरले बोल्ड आउट गरे।

Shreyas Iyer

एयरको विकेट पछि केदार जाधव १६ तथा भुवनेश्वर कुमार १ रन बनाएर आउट भए। रभिन्द्र जडेजा १६ रन बनाएर अविजित रहे।

वेस्टइन्डिजको बलिंगमा कार्लोस ब्राथवेटले सर्वाधिक ३ विकेट ( १०-०-५३-३ ) तथा शेल्डन कटरेल ( १०-०-४९-१ ) , जेसन होल्डर ( ९-०-५३-१ ) , रोस्टन चेज ( १०-१-३७-१ ) ले १/१ विकेट लिए।

कोहलीको किर्तिमान 

खेलमा कोहलीले करियरको ४२ औं शतक पुरा गर्ने क्रममा भारतीय पुर्व कप्तान सौरभ गांगुलीको किर्तिमान तोडेका हुन्। कोहली अब भारतको लागि एकदिवसीय अन्तर्राष्ट्रियमा धेरै रन बनाउने सुचीमा गांगुलीलाई पछि छाड्दै दोश्रो स्थानमा उक्लेका छन्।

गांगुलीले कुल ३११ खेल खेल्दा ११ हजार ३ सय ६३ रन बनाएका थिए। १९९२ देखि २००७ सम्म गांगुलीले भारतको लागि खेल्ने क्रममा २२ शतक र ७२ अर्धशतक बनाएका थिए।

कोहलीले २३८ औं खेल खेल्ने क्रममा यो रेकर्ड बनाएका हुन्। २२९ इनिंगमा ब्याटिंग गर्दै कोहलीले ४२ शतक र ५४ अर्धशतक प्रहार गरिसकेका छन्।

यस्तै कोहली वेस्टइन्डिज बिरुद्ध एकदिवसीयमा सबैभन्दा धेरै रन बनाउने ब्याट्सम्यान समेत बनेका छन्। जाभेद मियायादले वेस्टइन्डिज बिरुद्ध १ हजार ९ सय ३० बनाएका थिए जसलाई आज कोहलीले उछिनेका हुन्।

एकदिवसीय अन्तर्राष्ट्रियमा भारतको लागि र विश्वकै धेरै रन बनाउने ब्याट्सम्यान सचिन तेन्दुलकर हुन्। सचिनले १९८९ देखि २०१२ सम्म भारतको लागि एकदिवसीय खेल्ने क्रममा ४६३ खेलमा १८ हजार ४ सय २६ रन बनाएका थिए जुन क्रममा ४९ शतक र ९६ अर्धशतक प्रहार गरेका थिए।

एकदिवसीय अन्तर्राष्ट्रियमा धेरै रन बनाउने सुचीमा कोहली आठौँ स्थानमा रहेका छन्। सचिन पछि दोश्रो स्थानमा १४ हजार २ सय ३४ रन बनाएका श्रीलंकन ब्याट्सम्यान कुमार साँगाकारा रहेका छन्। रिकी पोंटिंग ( १३,७०४ ) तेश्रो, सनथ जयसूर्या ( १३,४३० ) चौथो, महेला जयवर्दने ( १२,६५० ) पाँचौ स्थानमा रहेका छन्। इन्जमाम उल हक ( ११,७३९ ) छैठौं, ज्याक कालिस ( ११,५७९) सातौँ स्थानमा छन्।

एकदिवसीय अन्तर्राष्ट्रियमा सर्वाधिक रन बनाउने ब्याट्सम्यान – सचिन तेन्दुलकर – १८,४२६ , कुमार साँगाकारा – १४,२३४ , रिकी पोंटिंग – १३,७०४ , सनथ जयसूर्या – १३,४३० , महेला जयवर्दने – १२,६५० , इन्जमाम उल हक – ११,७३९ , ज्याक कालिस – ११,५७९ , बिराट कोहली – ११,४०६, सौरभ गांगुली – ११,३६३

कोहली एकदिवसीयमा धेरै शतक बनाउने ब्याट्सम्यानको सुचीमा पनि दोश्रो स्थानमा रहेका छन्। कोहलीले ४१ शतक र ५५ अर्धशतक बनाएका छन्। टपमा रहेका तेन्दुलकरको ४९ शतक रहेको छ। तेश्रो नम्बरमा रहेका पोंटिंगको ३० शतक रहेको छ। रोहित शर्माले २७ शतक बनाएका छन्।

एकदिवसीय अन्तर्राष्ट्रियमा धेरै शतक बनाउने ब्याट्सम्यान :- सचिन तेन्दुलकर – ४९ शतक , बिराट कोहली – ४२ शतक , रिकी पोंटिंग – ३० शतक , सनथ जयसूर्या – २८ शतक , हसिम अमला र रोहित शर्मा – २७ शतक , एबी डी भिल्लियर्स, क्रिस गेल, कुमार साँगाकारा – २५ शतक

टेस्ट क्रिकेटमा कोहलीले ७७ खेलमा ६ हजार ६ सय १३ रन बनाएका छन् जुन क्रममा २५ शतक र ५० अर्धशतक बनाएका छन्। टि-२० मा शतक प्रहार गर्न नसकेका कोहलीले ७० खेलमा २ हजार ३ सय ६९ रन बनाएका छन्। टेस्टमा ५३.७६ , एकदिवसीयमा ५९.७१ र टि-२० मा ४९.३५ को औशतले कोहली रन बनाईरहेका छन्।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]