अस्ट्रेलिया बिरुद्द भारतको बिशाल जित : यु १९ विश्वकप



  • विकेटनेपाल, पौष ३० – आइतबार

समूह ‘बि’ को भारत र अस्ट्रेलियाबिचको खेलमा १०० रनको बिशाल जित दर्ता गर्दै भारतले यु१९ विश्वकपको सुरुवात गरेको छ ।

भारतले दिएको ३२९ रनको लक्ष्य पछ्याउने क्रममा अस्ट्रेलिया मात्र २२८ रनमा समेटिन पुग्यो। अस्ट्रेलियाका लागि ज्याक एडवार्ड्सले ७३ रन बनाउन बाहेक अन्य ब्याट्सम्यानले खुलेर रन बनाउन सकेनन्। ९० बल खेलेका एडवार्ड्सले ६ चौका र १ छक्का प्रहार गर्दै ७३ रन बनाए। उनका ओपनिंग पार्टनर ब्र्यानटले भने २९ रन बनाए।

५७ रनको ओपनिंग साझेदारी पछी लगातार रुपमा विकेट गुमाउदा अस्ट्रेलिया सस्तैमा समेटिन पुग्यो।

भारतको बलिंग तर्फ कमलेश नगरकोटी र सिभम मभिले समान ३/३ विकेट लिए। ८.५ ओभरको स्पेलमा मभिले ४५ रन खर्चेर ३ विकेट लिंदा नगरकोटीले भने ७ ओभरमा मात्र २९ रन खर्चेर ३ विकेट चट्काए।

ज्याक एडवार्ड्स अर्धशतक प्रहार गरेपछि

यसअघि पहिले ब्याटिंग गरेको भारतले निर्धारित ५० ओभरमा ७ विकेटको क्षतिमा ३२८ रन बनाएको थियो। भारतका लागि पृथ्वी शहले ९४ रनको योगदान गरे। १०० बल खेलेका कप्तान पृथ्वीले ८ चौका र २ छक्का प्रहार गर्दै ९४ रन जोडेका थिए। मन्जोत कल्रासंग पहिलो विकेटका लागि १८० रनको साझेदारी गर्दै पृथ्वीले भारतको लागि बलियो सुरवात दिएका थिए।

मन्जोतले भने ९९ बलमा १२ चौका र १ छक्का प्रहार गर्दै ८६ रन जोडेका थिए। यस्तै शुब्मान गिलले ६३ रनको योगदान गरे। मात्र ५४ बल खेलेका गिलले ६ चौका र १ छक्का प्रहार गरेका थिए।

मन्जोत र शहले पहिलो विकेटको लागि १८० रनको साझेदारी गरे

अस्ट्रेलियाको बलिंगमा ज्याक एडवार्ड्सले ४ विकेट लिएका थिए। ९ ओभर बलिंग गर्दै ६५ रन खर्चेर एडवार्ड्सले भारतलाई ४ झट्का दिएका थिए। यस्तै अस्टिन वाः, उप्पल र विल सुथरल्याण्डले पनि १ -१ विकेट लिए। अस्टिन वाः अस्ट्रेलियाका पुर्वा कप्तान स्टिभ वाः का छोरा हुन्।

यस्तै आज नै भएका अन्य खेलमा भने श्रीलंका र दक्षिण अफ्रिका बिजयी भएका छन्। केन्या बिरुद्धको खेलमा दक्षिण अफ्रिकाको युवा टोलिले ठुलो जित हात पार्यो। दक्षिण अफ्रिकासंग केन्यको टोलि १६९ रनले पराजित हुनपुग्यो। त्यस्तै श्रीलंकाले भने आएरल्याण्डलाई ७ विकेटले पराजित गर्यो।

(Pictures: @cricketworldcup)





थप समाचार

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]

प्रतिस्पर्धात्मक खेलमा ओमानद्वारा अमेरिका पराजित

प्रतिस्पर्धात्मक खेलमा अमेरिकालाई ४ विकेटले पराजित गर्दै ओमानमा जारी त्रिकोणात्मक एकदिवसीय अन्तर्राष्ट्रियमा ओमानले लगातार दोश्रो जित दर्ता गरेको छ। अल […]

ICCWCL2 : नेपालको तेश्रो खेल अमेरिकासंग, यस्ता छन् नेपालको बलियो र कमजोर पक्ष

ओमानमा जारि आईसीसी विश्व कप लिग-२ अन्तर्गतको त्रिकोणात्मक सिरिज अन्तर्गत आफ्नो तेश्रो खेलमा नेपालले अमेरिकासंग प्रतिस्पर्धा गर्दैछ। अल अमिरात मैदानमा […]