बिश्वकप जित्न भारतलाई २१७ रनको लक्ष



  • विकेटनेपाल- २० माघ , शनिबार 

न्युजिल्याण्डमा आयोजित अन्डर-१९ बिश्व कप क्रिकेटको फाइनल खेलमा अहिले भारत र अस्ट्रेलिया प्रतिस्पर्धा गरिरहेका छन्। सेमीफाइनलमा अस्ट्रेलियाले अफगानिस्तानलाई तथा भारतले पाकिस्तानलाई पराजित गर्दै फाइनलमा स्थान बनाएका थिए।

टस जितेर पहिले ब्याटिंग गर्ने निर्णय गरेको अस्ट्रेलियाले ४७.२ ओभरमा २१६ रनमै सम्पूर्ण विकेट गुमाएपछि जितको लागि भारतले २१७ रनको लक्ष पाएको छ।

सुरुवात देखि निरन्तर अन्तरालमा विकेट गुमाएको अस्ट्रेलियाले पहिलो ३ विकेट ५९ रनमै गुमाएको थियो। जसपछि चौथो विकेटको लागि जोनाथन मेर्लो र परम उप्पलले ७५ रनको साझेदारी गर्दै टिमको योगफल उकासेका थिए।

उप्पल ३४ रन बनाएर आउट भएपछि पाँचौ विकेटको साझेदारीको रुपमा मेर्लोले नाथन म्याकस्वीनेसंग ४९ रनको साझेदारी गरे। म्याकस्वीने २३ रन बनाएर आउट भए जसपछि मेर्लो पनि ७६ रनको व्यक्तिगत स्कोरमा आउट हुँदा अस्ट्रेलियाको इनिंग धरासायी बन्न पुग्यो। मेर्लोले १०२ बलमा ६ चौका प्रहार गरे।

अस्ट्रेलियालाई सानो योगफलमै रोक्न भारतीय बलर शिभ सिंह, इशान पोरेल, कमलेश नगरकोटी र अनुकुल रोयले समान २ विकेट आफ्नो नाम गरे भने शिभम माभीले १ विकेट हात पारे।

सन् १९८८ देखि सुरु भएको यु-१९ बिश्वकपको यो १२ औ संस्करण हो। भारत र अस्ट्रेलियाले हालसम्म ३/३ पटक यु-१९ बिश्वकप जितेको छ। सन् २०१६ बिश्वकपको उपाधि जितेको वेस्ट इन्डिज यो पटक पहिलो चरणबाटै बाहिरियो।

( फोटोहरु – आईसीसी )





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]