रोहित-धवनको साझेदारीले भारतसँग आयरल्याण्ड पराजित



  • विकेटनेपाल, असार १४ – बिहिबार

जुलाई ३ तारिखदेखि इंग्ल्याण्डमा हुन लागेको महत्त्वपूर्ण सिरिजको तयारीको लागि आयरल्याण्ड भ्रमणमा रहेको भारतले पहिलो टि२० अन्तर्राष्ट्रिय खेलमा घरेलु टिमबिरुद्द ७६ रनको फराकिलो जित हात पारेको छ। आफ्नो सयौँ टि२० अन्तर्राष्ट्रिय खेल खेलेको भारतले निर्धारित २० ओभरमा ५ विकेट गुमाएर २०८ रन बनाएको थियो।

भारतको जितमा रोहित शर्माले शतकबाट मात्र ३ रनले चुक्दै ६१ बलमा ८ चौका र ५ छक्का तथा शिखर धवनले ७४ रन (४५ बल, ५ चौका, ५ छक्का) बनाउँदै पहिलो विकेटका लागि १६ ओभरमा १६० रनको साझेदारी गरेका थिए। त्यसपछि भने भारतको मध्यक्रम सस्तै मा समेटीए पनि मात्र अन्तिम बल सामना गरेका हार्दिक पान्ड्यले छक्का प्रहार गरेका थिए।

सुरेश रैनालाई मात्र १० रनमा आउट गरेका पिटर चेसले पारिको अन्तिम ओभरको पहिलो ४ बलमा महेन्द्रसिंह धोनी, रोहित शर्मा र विराट कोहलीलाई आउट गरेका थिए, उक्त क्रममा उनले ४ ओभर बलिंग गर्दै ३५ रन खर्चिए। विराट कोहलीको यो टि२० अन्तर्राष्ट्रिय करियरमा मात्र दोश्रो डकआउट थियो।

जवाफमा म्यान अफ द म्याच कुलदीप यादवले ४ विकेट लिन २१ रन तथा युजवेन्द्र चाहलले ३ विकेट लिन ३८ रन खर्चेपछी टस जितेर लक्ष्य पछ्याउने निर्णय गरेको घरेलु टिम २० ओभरमा ९ विकेट गुमाएर १३२ रनमा समेटिएको थियो। उसका लागि जेम्स स्यान्ननले ६० रनको पारि खेल्न ३५ बलमा ५ चौका र ४ छक्का प्रहार गरेपनि जितका लागि पर्याप्त हुन सकेन। यस्तै जस्प्रित बुम्राहले पनि २ विकेट लिए।

भारतले आजको खेलसँगै सिरिजमा १-० को अग्रता लिएको छ भने सिरिजको अन्तिम तथा दोश्रो खेल शुक्रबार हुनेछ।





थप समाचार

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]

भारतीय टेस्ट कप्तानबाट कोहलीको राजिनामा

भारतीय क्रिकेटर बिराट कोहलीले भारतको टेस्ट क्रिकेटको कप्तानी तुरन्त लागु हुने गरि छाड्ने घोषणा गरेका छन्। सन् २०१४ मा पहिलो […]

गण्डकीलाई ४० रनले हराउँदै बागमती सेमिफाइनलमा

गण्डकी प्रदेशलाई ४० रनले हराउँदै बागमती प्रदेश जारि प्रधानमन्त्री टि-ट्वान्टी राष्ट्रिय प्रतियोगिताको सेमिफाइनल प्रवेश गरेको छ। यस अघि नै नेपाल […]