रोहित र धवनको शतक, भारतको बिशाल जित : एसिया कप



  • विकेटनेपाल, असोज-८ 

युनाइटेड अरब इमिरेट्समा जारि एसिया कप क्रिकेट अन्तर्गत भारतले सुपर-४ चरणको दोश्रो खेलमा पाकिस्तानलाई ९ विकेटको बिशाल अन्तरले पराजित गरेको छ।

टस जितेर ब्याटिंग गर्दै पाकिस्तानले दिएको २३८ रनको लक्ष्य पछ्याउने क्रममा भारतले मात्र १ विकेट गुमाएर ३९.३ ओभरमा पुरा गर्यो। जितसंगै सुपर-४ को अंकतालिकामा २ मा २ जित सहित भारत शिर्ष स्थानमा कायम रहेको छ।

भारतको जितमा शिखर धवन र रोहित शर्माले पहिलो विकेटको लागि २१० रनको बिशाल साझेदारी गर्दै अहम योगदान दिए। ३४ औं ओभरमा पहिलो विकेटको रुपमा रन आउट हुनु अघि धवनले ११४ रन बनाए। यस क्रममा उनले १०० बलमा १६ चौका र २ छक्का प्रहार गरे। एकदिवसीयमा धवनको यो १५ औं शतक हो।

धवनको विकेट पछि अर्का ओपनर रोहित शर्माले पनि एकदिवसीय क्रिकेटमा १९ औं शतक पुरा गरे। अविजित १११ रन बनाएका शर्माले ११९ बलमा ४ छक्का र ७ चौका प्रहार गरे। एकदिवसीय क्रिकेटमा शर्माले ७ हजार रन समेत पुरा गरेका छन्। अम्बाती रायडूले अविजित १२ रन बनाए।

पाकिस्तानका कुनै पनि बलरहरुले विकेट लिन सकेनन्।

पाकिस्तानको ब्याटिंग 

यस अघि ५० ओभरमा ७ विकेट गुमाएर पाकिस्तानले २३७ रनको योगफल तयार गेरको थियो।

खराब सुरुवात गर्ने क्रममा पाकिस्तानले ५८ रनको योगफलमा पहिलो ३ विकेट गुमाईसकेको थियो। ओपनर इमाम उल हक ( १० ) , बाबर आजम ( ९ ) तथा फखार जमन ( ३१ ) आउट हुँदा समस्यामा परेको इनिंगलाई कप्तान सरफराज अहमद र शोयब मलिकको साझेदारीले उकास्यो।

चौथो विकेटको लागि मालिक र अहमदले १०७ रनको साझेदारी गरेपछि अहमदलाई कुलदिप यादबले व्यक्तिगत ४४ रनको स्कोरमा पेभेलियन फर्काए। त्यसपछि मलिकले पाँचौ विकेटको लागि आसिफ अलिसंग ३८ रनको साझेदारी गरे।

अफगानिस्तानसंग अघिल्लो खेलमा अविजित ५१ रनको शानदार इनिंग खेलेका मलिकले पुनः ७८ रनको महत्वपूर्ण इनिंग खेल्दै ४४ औं ओभरमा आउट हुन पुगे। त्यस अघि उनले ९० बलमा ४ चौका र २ छक्का प्रहार गरे। २१ बलमा २ छक्का र १ चौका मदतले ३० रन बनाएर असिफ अलि पनि आउट हुँदा पाकिस्तानले २०० रन पार गरिसकेको थियो।

भारत मलिक र अलिको इनिंग पछि रनमा अंकुस लगाउन सफल रहे पनि ४० ओभरमा १६९ बाट अन्तिम १० ओभरमा पाकिस्तानले ६८ रन बटुल्न सक्यो।

भारतको लागि जस्प्रित बुम्राह ( १०-१-२९-२ ) , कुलदिप यादब ( १०-०-४१-२ ) र युज्भेन्द्र चाहल ( ९-०-४६-२ ) ले समान २/२ विकेट हात पारे।

सुपर-४ चरणको आगामी खेल मंगलबार भारत र अफगानिस्तान बीच तथा बुधबार पाकिस्तान र अफगानिस्तान बीच खेलिनेछ। ४ टिम मध्ये अंकतालिकामा उत्कृस्ट हुने २ टिम शुक्रबार हुने फाइनल खेल्न छनौट हुनेछ।

सुपर-४ चरण अन्तर्गत भारतले पहिलो खेलमा बंगलादेशलाई ७ विकेटले तथा पाकिस्तानले अफगानिस्तानलाई ३ विकेटले पराजित गरेको थियो। समुह चरणको खेलमा पाकिस्तानलाई भारतले सहजै ८ विकेटले पराजित गरेको थियो।





थप समाचार

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )

इन्डीएन प्रिमियर लिग ( आईपीएल ) को १४ औं सिजन यो वर्ष अप्रिल ९ तारिख देखि सुरु हुने भएको छ। […]

रुपन्देही सुपर लिग : वेष्टर्न सेमिफाइनलमा

प्रकाश न्यौपाने, भैरहवा, फागुन २३ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत आइतबार भएको डिभिजन ‘ए’को समूह […]

एपीएफको लगातार दोस्रो जित, पुलिस १ विकेटले पराजित

काठमाडौं । विभागीय टोली एपीएफले काठमाडौं मेयर्स कप क्रिकेटमा लगातार दोस्रो जित निकालेको छ । टियु क्रिकेट मैदानमा भएको खेलमा […]

सन्दीपको अलराउण्ड प्रदर्शनमा काठमाडौं मेयर्स ११ विजयी, बागमतिको लगातार दोस्रो हार

काठमाडौं । सन्दीप लामिछाने कप्तान रहेको काठमाडौं मेयर्स ११ ले बागमती प्रदेशलाई पराजित गरेको छ । आइतबार मुलपानि क्रिकेट मैदानमा […]

काठमाडौं मेयर ११ ले दियो बागमतिलाई २४५ रनको लक्ष्य

मुलपानी । पछिल्ला क्रममा खेलाडीले उत्कृष्ट ब्याटिङ गरेपछि काठमाडौं मेयर्स ११ ले मेयर्स कप क्रिकेटमा बागमति प्रदेशलाई २४५ रनको लक्ष्य […]

लिटल फ्लावर लिग: बाल बाटिका सेमिफाइनलमा, होलिल्याण्डको दोस्रो जित

धनगढी : कैलालीको बौनियाको बाल बाटिका स्कुल धनगढीमा जारी चण्डिका ग्रुप लिटल फ्लावर प्रिमियर लिग (एलपीएल) क्रिकेटमा लगातार तेस्रो जित […]