पाकिस्तान फराकिलो अन्तरमा पराजित, भारत फाइनलमा



  • विकेटनेपाल, माघ १६ – मंगलबार

न्युजिल्याण्डमा जारि यु१९ विश्वकप क्रिकेटको दोश्रो सेमिफाइनलमा पाकिस्तानलाई २०३ रनको फराकिलो अन्तरले पराजित गर्दै भारतले फाइनलमा स्थान बनाएको छ । उसले फाइनलमा अस्ट्रेलियाको सामना गर्ने छ ।

भारतको बलिंगसामु घुडा टेक्यो पाकिस्तान

क्राइस्टचर्चमा भएको खेलमा भारतले दिएको २७३ रनको लक्ष्य लिएर मैदानमा उत्रेको पाकिस्तानले ६९ रन बनाउदा २९.३ ओभरमा सबै विकेट गुमाउदै पराजित भयो ।

पाकिस्तानलाई सस्तैमा समेट्न भारतका लागि इशान पोरेलले सुरुवातका ४ विकेट झार्दै १७ रन खर्चे भने रियान पराग तथा शिव सिंहले २/२ विकेट हात पार्दा अनुकुल रोए र अभिषेक शर्माले १/१ विकेट लिए ।

पाकिस्तानको ब्याटिंगमा रोहिल नाजिरले १८ रन तथा साद खानले १५ रन र मोहम्मद मुसाले अविजित ११ रन बनाएपनि अन्य खेलाडीहरु भारतीय बलरसामु घुडा टेक्न पुगे ।

शुबनम गिलको शतकमा भारतको सम्हालिएको ब्याटिंग

यसअघि टस जितेर पहिले ब्याटिंग गरेको भारतले शुबनम गिलको अविजित १०२ रनको पारिमा ५० ओभरमा ९ विकेट गुमाएर २७२ रनको योगफल तयार पारेको थियो ।

पहिलो विकेटका लागि कप्तान पृथ्वी श र मंजोत कालराले ८९ रनको साझेदारी गर्दै राम्रो सुरुवात दिलाएका थिए । पृथ्वी शले ४१ रन बनाउन ४२ बलमा ३ चौका र १ छक्का प्रहार गरे भने मंजोत   कालरा  ले ४७ रन बनाउन ५९ बलमा ७ चौका प्रहार गरे ।

त्यसपछि लगातार विकेट गुमाएको भारतका लागि शुबनम गिलले ९४ बलमा ७ चौका प्रहर गर्दै एकतिरको ईन्ड सम्हाल्दै पारिलाई उकास्ने काम गरे ।

अनुकुल रोएले ३३ रन बनाउन ४५ बलमा ४ चौका प्रहार गर्दा हार्विक देसाईले तेस्रो विकेटका लागि गिलसँग ५४ रनको साझेदारी गर्दै २० रन प्रहार गरे ।

पाकिस्तानका लागि मुहम्मद मुसाले ४ विकेट लिन १० ओभरमा ६७ रन खर्चिदा अर्षद इकबालले ३ विकेटमा ५१ रन खर्चे ।

खेलमा म्यान अफ द म्याच अविजित शतक प्रहार गरेका भारतका शुबनम गिल घोषित भए ।

यसअघि अस्ट्रेलियाले अफगानिस्तानलाई पराजित गर्दै फाइनलमा स्थान सुरक्षित गरेको छ । फाइनल खेल फेब्रुअरी ३ तारिखमा बेअ ओभलमा हुनेछ ।





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]