चाहलको स्पिन नबुझ्दा दक्षिण अफ्रीकाको घरमा इतिहासकै कमजोर ब्याटिंग



  • विकेटनेपाल, माघ २१ – आइतबार

भारतको दक्षिण अफ्रिका भ्रमण अन्तर्गत आज भएको दोश्रो एकदिवसीय क्रिकेटमा भारतले दक्षिण अफ्रिकालाई ९ विकेटको फराकिलो अन्तरले पराजित गरेको छ । यो सँगै भारतले ६ खेलको सिरिजमा २-० को अग्रता लिएको छ । यसअघि भएको पहिलो एकदिवसीयमा पनि भारत ७ विकेटले बिजयी भएको थियो ।

इतिहासकै कमजोर दक्षिण अफ्रिकी ब्याटिंग , चाहलको उत्कृस्ट बलिंग

यसअघि टस हारेर पहिले ब्याटिंग गरेको दक्षिण अफ्रिकाले मात्र ११८ रन बनाउदा ३२.२ ओभरमा सबै विकेट गुमाउन पुगेको थियो।

दक्षिण अफ्रीकाले आफ्नो घरेलु मैदानमा तयार गरेको इतिहासकै यो सबैभन्दा कम स्कोर थियो। यो भन्दा अघि सन् २००९ मा इंग्ल्याण्डसंग घरेलु मैदानमा अफ्रिकी टिमले ११९ रन बनाएको थियो। सन् १९९३ मा अस्ट्रेलियासंग ६९ रनमै दक्षिण अफ्रीका अलआउट भएको थियो जुन हालसम्मकै कम योगफल हो।

एबि डी भिल्लर्स र फाफ डु प्लेसिस घाइते भएपछि अनुपस्थित हुँदा घरेलु टिमका लागि डेब्यु गरिरहेका खाया जोन्ड़ोले २५ रन बनाउदा जेपी डुमिनीले पनि समान २५ रन बनाए । हसिम अमलाले २३, क्विन्टन डी कक् ले २० रन तथा क्रिस मोरिसले १४ रन बाहेक अन्य खेलाडीहरुले दोहोरो अंक बनाउन सकेनन् ।

चाहल (फोटो: बिसिसिआई)

दक्षिण अफ्रिकालाई सस्तैमा रोक्न भारतका लेग स्पिनर युज्बेन्द्र चाहलले करियरकै उत्कृस्ट बलिंग गर्दै ५ विकेट लिन ८.२ ओभरमा १ मेडन राख्दै २२ रन खर्चिए । कुलदीप यादवले पनि ३ विकेट लिन २० रन खर्चिए । एकदिवसीय क्रिकेटमा पहिलोपल्ट ५ विकेट लिएका चाहल म्यान अफ द म्याच घोषित भए ।

भारतले सजिलै लक्ष्य भेट्टायो

सेन्चुरीयनमा भएको खेलमा घरेलु टोलीले दिएको ११९ रनको लक्ष्य भारतले २०.३ ओभरमा मात्र १ विकेट गुमाएर पुरा गरेको थियो । भारतका लागि रोहित शर्मा र शिखर धवनले पहिलो विकेटको लागि २६ रनको साझेदारी गरेका थिए । रोहित शर्मा १५ रन बनाउदै आउट भए।

रन लिने प्रयासमा कोहली ( फोटो – बिसीसीआई )

त्यसपछि धवनले कप्तान विराट कोहलीसँग मिलेर दोश्रो विकेटको लागि अविजित ९३ रनको साझेदारी गर्दै खेललाई सहज रुपमा जिताए । धवनले अविजित ५१ रन बनाउने क्रममा ५६ बलमा ९ चौका प्रहार गर्दा कोहलीले अविजित ४६ रन (५० बल, ४ चौका, १ छक्का) बनाए ।

यस्तो छ खेलतालिका:

तेस्रो एकदिवसीय: ७ फेब्रुअरी, केप टाउन

चौथो एकदिवसीय: १० फेब्रुअरी, जोहानेसवर्गमा

पाचौं एकदिवसीय: १३ फेब्रुअरी, पोर्ट एलिजावेद

छैठौं एकदिवसीय: १६ फेब्रुअरी, सेन्चुरियन

सम्बन्धित:

दक्षिण अफ्रिकाको नयाँ कप्तान घोषणा

पहिलो एकदिवसीय: कोहलीको शतकमा दक्षिण अफ्रिका पराजित

डी भिल्लियर्स पछि डु प्लेसिस पनि नखेल्ने

एबी डी भिल्लियर्स घाइते, एकदिवसीय सिरिज अघि दक्षिण अफ्रीकालाई झट्का !

 





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]