हंगकंगको अनुशासित बलिंगको अगाडी भारतको सामान्य ब्याटिंग



  • विकेटनेपाल, असोज २ 

युएईमा जारि एसिया कप क्रिकेट अन्तर्गत समुह ‘ए’ को खेलमा हंगकंगले भारतको सामना गर्दैछ। पहिलो इनिंगको समाप्तिमा भारतले २८५ रनको योगफल तयार गरेको हो।

टस हारेर ब्याटिंगको निम्तो पाएको भारतले निर्धारित ५० ओभरमा ७ विकेट गुमाएर २८५ रनको योगफल तयार गर्यो। नियमित कप्तान विराट कोहली बिनानै एसिया कप खेल्न युएई पुगेको भारतको ब्याटिंगमा कोहलीको अभाव खड्किएको देखियो।

ओपनर शिखर धवनले शतकीय पारि खेल्दै १२७ रन जोडेपनि अन्य ब्याट्सम्यानले सोचे अनुरुप प्रदर्शन गर्न सकेनन्। मात्र १२० बलको सामना गरेका धवनले १५ चौका र २ छक्का सहित १२७ रन जोडे। यस्तै लामो समय पछि भारतीय टोलीमा फर्किएका अम्बाती रायडुले ६० रनको योगदान गरे।

धवन र रायडु बीच दोस्रो विकेटको लागि ११६ रनको साझेदारी गर्दै भारतको इनिंगलाई ठूलो योगफलतर्फ लैजाने प्रयास गरेका थिए। तर रायडु र धवनको विकेट पछि अन्य ब्याट्सम्यानले साझेदारी बनाउन विफल रहंदा भारतले २८५ रनमा रोकिनु पर्यो। दिनेश कार्तिक ३३, धोनी खाता नखोली आउट हुँदा केदार जाधबले अविजित २८ रन योगदान दिए।

हंगकंगका लागि अनुशासित बलिंग गर्ने क्रममा किन्चित साहले सर्वाधिक ३ विकेट हात पारे। ९ ओभरको स्पेलमा ३९ रन खर्चिएका साहले धवन, दिनेश कार्तिक र भुवनेश्वर कुमारलाई पभेलियनको बाटो देखाएका थिए। यस्तै एहसान खानले व्यक्तिगत २ तथा एहसान नवाज र ऐज़ज़ खानले समान १-१ विकेट चट्काए।

केहि साता अघि मात्र मलेसियामा सम्पन्न एसिया कप छनौटको बिजेता बन्दै हंगकंगले एसिया कपमा आफ्नो स्थान बनाएको हो। भारत र पाकिस्तानसंग समुह ‘ए’ मा रहेको हंगकंग आफ्नो पहिलो खेलमा भने पाकिस्तानसंग ८ विकेटले पराजित भएको थियो।

फोटोहरु : (@ACC)





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]