कोहली कप्तानीमा भारत पहिलो पटक घरेलु एक दिवसीय शृंखलामा पराजित



  • विकेटनेपाल – २९ फाल्गुन, बुधवार

घरेलु टोली भारतलाई पाँचौं तथा अन्तिम एक दिवसीय खेलमा ३५ रनले पराजित गर्दै अष्ट्रेलियाले ५ खेलको एक दिवसीय शृंखला ३-२ ले आफ्नो नाम गरेको छ। शृंखलाको पहिलो  दुई खेल हारेपछि लगातार बाँकी तिन खेल जित्दै अष्ट्रेलियाले सिरिज आफ्नो नाम गर्यो।

भारतीय टोलीले भने सन् २०१५ मा दक्षिण अफ्रिका बिरुद्धको शृंखला पछि पहिलो पटक घरेलु मैदानमा एक दिवसीय शृंखला गुमाएको हो। यस्तै बिराट कोहलीको कप्तानीमा भारतको यो पहिलो घरेलु एक दिवसीय शृंखला हार समेत हो।

Australia
Australia

दिल्ली स्थित कोट्ला मैदानमा टस जित्दै पहिले ब्याटिंग गरेको अष्ट्रेलियाले निर्धारित ५० ओभरमा ९ विकेट गुमाएर २७२ रन जोडेको थियो। अष्ट्रेलियालाई ठूलो स्कोरसम्म पुर्याउन शृंखलाका उत्कृस्ट खेलाडी घोषित उस्मान ख्वाजाले सानदार शतक प्रहार गरे। १०६ बलको सामना गरेका ख्वाजाले १० चौका र २ छक्काको सहयोगमा १०० रनको इनिंग खेलेका थिए।

Usman Khwaja
Usman Khwaja

कप्तान एरन फिंचसंग पहिलो विकेटका लागि ७६ रनको साझेदारी गरेका ख्वाजाले दोस्रो विकेटका लागि पिटर ह्यान्डस्कम्बसंग ९९ रनको साझेदारी गरेका थिए। फिंच व्यक्तिगत २७ रन ( ४३ बल, ४ चौका ) तथा ह्यान्ड्स्कम्ब ५२ रन ( ६० बल, ४ चौका ) जोड्दै पभेलियन फर्किएका थिए।

यस्तै झाए रिचर्डसन्ले २९ तथा मार्कस स्टोइनिस र एस्टन टर्नरले समान २०-२० रन जोडेका थिए।

भारतको बलिंगतर्फ भुवनेस्वर कुमारले सर्वाधिक ३ विकेट हात पारे। यस्तै मोहम्मद शामी र रबिन्द्र जडेजाले समान २-२ विकेट हात पार्दा कुलदिप यादवको नाममा १ विकेट रह्यो।

भारतको ब्याटिंग : 

२७३ रनको लक्ष्य पछ्याउन मैदान उत्रिएको भारतले निर्धारित ५० ओभरमा सबै विकेट गुमाएर २३७ रन मात्र जोड्न सक्यो र ३५ रनको हार बेहोर्यो। भारतका लागि रोहित शर्माले सर्वाधिक ५६, केदार जाधवले ४४ र भुवनेश्वर कुमारले ४६ रन जोडेपनि टोलीलाई जित दिलाउन सकेनन्।

कुनै समय ६८/१ को अवस्थामा रहेको भारतले लागातार अन्तरालमा विकेट गुमाउंदा १३२/६ को अवस्थामा पुगेको थियो। भारतका लागि कप्तान कोहली २०, शिखर धवन १२, रिसभ पन्त र बिजय शंकर समान १६ – १६ तथा रबिन्द्र जडेजा ० रनको स्कोरमा पभेलियन फर्किएका थिए।

अष्ट्रेलियाको बलिंगमा एडम जाम्पाले सर्वाधिक ३ विकेट हात पारे। यस्तै प्याट कमिन्स, झाए रिचर्डसन् र मार्कस स्टोइनिसले समान २-२ विकेट चट्काए।

Photos : (@ICC)

 





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]