भारतको लज्जास्पद ब्याटिंग



  • विकेटनेपाल, मङ्सिर २४ – आइतबार 

भारत र श्रीलंका बीच सुरु भएको एकदिवसीय शृंखलाको पहिलो वान-डेमा भारतले अत्यन्त खराब प्रदर्शन गरेको छ।

हिमान्चल प्रदेश, धर्मशाला मैदानमा टस जितेर बलिंग रोजेको श्रीलंकाले भारतलाई ११२ रनमै अलआउट गरेको हो। उत्कृस्ट बलिंग गरेको लंकाले भारतको पहिलो ७ विकेट २९ रनको स्कोरमै झारेको थियो।

२९/७ को स्कोरबाट ११२ सम्म पुर्याउन भारतीय पुर्वकप्तान महेन्द्र सिंह धोनील ६५ रनको इनिंग खेले। अन्तिम विकेटको रुपमा आउट भएका धोनीले ८७ बलमा १० चौका र २ छक्का प्रहार गरेका थिए।

सुरंगा लक्मलले ४ विकेट हात पारे 

बिराट कोहलीको अनुपस्थितिमा कप्तानी गरेका रोहित शर्मा २, शिखर धवन ० , श्रेयस ऐयर ९, दिनेश कार्तिक ० , मनिष पाण्डे २, हार्दिक पान्ड्या १० तथा भुवनेश्वर कुमार ० रनमै आउट भएपछि भारतको इज्जत धोनीले जोगाएका थिए। सातौ विकेट गएपछि धोनीले कुलदिप यादबसंग आठौं विकेटको लागि ४१ रनको महत्वपूर्ण साझेदारी गरेका थिए। कुलदिपले दोश्रो सर्बाधिक रन प्रहार गर्ने क्रममा ४ चौका मदतले १९ रन बनाए।

श्रीलंकन बलर सुरंगा लक्मलले उत्कृस्ट बलिंग गर्दै सर्बाधिक ४ विकेट हात पारे। १० ओभरमा ४ मेडन सहित १३ रन खर्चेका लक्मलले रोहित शर्मा, दिनेश कार्तिक, मनिष पाण्डे र भुवनेश्वर कुमारको विकेट लिएका थिए। नुवान प्रदिपले २ विकेट ( १०-४-३७-२ ) हात पारे भने एन्जेलो म्याथुज, थिसारा परेरा, अकिला धनन्जय र सचिथ पथिरानाले समान १ विकेट हात पारे।

भारतको १४ औं कम स्कोर 

भारतले अन्तर्राष्ट्रिय क्रिकेटमा बनाएको यो सबैभन्दा १४ औं कम टिम स्कोर हो। सन् २००० मा भारत श्रीलंकासंग ५४ रनमै अलआउट भएको थियो जुन भारतको हालसम्मको कम स्कोर हो। सन् १९८१ मा भारतलाई अस्ट्रेलियाले ६३ रनमा, सन् १९८६ मा श्रीलंकाले ७८ रनमा, सन् १९७८ मा पाकिस्तानले ७९ रनमा तथा सन् २०१० मा न्युजिल्याण्डले ८८ रनमा भारतलाई अलआउट गरेको थियो।

रेकर्ड श्रोत 

भारतको लाज ढाकेका धोनीले अन्तर्राष्ट्रिय क्रिकेटमा १६ हजार रन पुरा गरे

धोनीको १६ हजार रन पुरा 

भारतको इज्जत ढाक्ने क्रममा उत्कृस्ट इनिंग खेलेका धोनीले अन्तर्राष्ट्रिय क्रिकेटमा १६ हजार रन पुरा गरेका छन्। उनले नुवान प्रदिपको बलमा चौका प्रहार गर्दै उक्त रन पुरा गरेका थिए। अन्तर्राष्ट्रिय क्रिकेटमा १६,००० रन पुरा गर्ने धोनी छैठौं खेलाडी हुन्। उनि भन्दा अघि सचिन तेन्दुलकर, राहुल द्रविड , सौरभ गांगुली, बिरेन्द्र सहवाग र बिराट कोहलीले मात्र यति रन बनाउन सकेका छन्।

१६ हजार अन्तर्राष्ट्रिय रन पुरा गर्ने क्रममा अन्तर्राष्ट्रिय स्तरमा भने उनि २७ औं खेलाडी हुन्। विकेटकिपर ब्याट्सम्यानहरुको कुरा गर्नेहो भने धोनी यति रन बनाउने दोश्रो विकेटकिपर ब्याट्सम्यान हुन्। श्रीलंकन खेलाडी कुमार संगाकाराले उनि भन्दा अघि १६ हजार रन पुरा गरिसकेका छन्।

( फोटो – बिसीसीआई )

 





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]