कोहलीको शतक पछि उत्साहित भारतलाई डी-भिल्लर्सको तगारो



  • विकेटनेपाल, १ माघ- सोमबार 

भारत र दक्षिण अफ्रीका बीच जारि टेस्ट सिरिजको दोश्रो टेस्टको तेश्रो दिनको समाप्तिमा दक्षिण अफ्रीकाले ११८ रनको अग्रता लिएको छ।

तेश्रो दिन भारतको इनिंग ३०७ रनमा रोकिएपछि पहिलो इनिंगमा २८ रनको अग्रता पाएको दक्षिण अफ्रीकाले ब्याटिंग सुरु गर्दै दिनको समाप्तिमा ९० रनमा २ विकेट गुमाएको छ।

३ रनको कुल स्कोरमा २ विकेट गुमाएको घरेलु टिमलाई एबि डी भिल्लर्सले अविजित अर्धशतक प्रहार गर्दै खतरामुक्त अवस्थामा ल्याएका छन्। डी भिल्लर्स ५० रन तथा डीन एल्गर ३६ रन बनाएर ब्याटिंग गर्दा वर्षाको कारण तेश्रो दिनको खेल रोकिएको थियो।

भारतको लागि दुवै विकेट जस्प्रित बुम्राले लिएका हुन् ।

डी भिल्लर्स ५० रनमा अविजित छन् 

कोहलीको २१ औं शतक 

टेस्ट करियरकै उत्कृस्ट मध्येको शतक प्रहार गर्दै कोहलीले २१ औं टेस्ट शतक पुरा गर्दा भारतले भने दक्षिण अफ्रीकाको पहिलो इनिंगको स्कोर पार गर्न सकेन।

दोश्रो दिन सकिंदा ८५ रनमा अविजित रहेका भारतीय कप्तानले तेश्रो दिन पनि संघर्ष गर्दै व्यक्तिगत स्कोर १५० पार गराएका थिए भने टिमलाई पनि ३०० पारको योगफलसम्म पुर्याए। कोहली १५३ रन ( २१७ बल, १५ चौका ) को इनिंग खेल्दै अन्तिम विकेटको रुपमा मोर्ने मोर्केलको बलमा आउट भएका थिए।

कोहलीलाई रबिचन्द्रन आश्विनले व्यक्तिगत ३८ रन बनाएर साथ दिए जोसंग सातौ विकेटको लागि कोहलीले ७१ रनको साझेदारी गरे।हार्दिक पान्ड्या १५, मोहम्मद शामी १, इशान्त शर्मा ३ रन बनाएर आउट भए।

दक्षिण अफ्रिकी बलर मोर्ने मोर्केलले सर्बाधिक ४ विकेट ( २२.१-५-६०-४ ) हात पारे।  केशभ महाराज, भेर्नोन फिलांडर, कासिगो रबाडा र लुंगीसानी गीडीको नाममा समान १ विकेट रह्यो।

हेर्नुस फोटोहरुमा 

( फोटो – बिसीसीआई )

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]