अफगानिस्तान बिरुद्धको टेस्टका लागि स्पिन सहयोगी पिच नबनाउन भारतलाई चेतावनी

Rashid Khan


  • विकेटनेपाल – २४ जेष्ठ, बिहिवार 

बर्तमान विश्व क्रिकेटमा अब्बल स्पिन जोडीको रुपमा उदाउँदै गरेका दुई खेलाडी हुन् रशिद खान र मुजिब उर् रहमान। अफगानिस्तानका यी दुई खेलाडीले आफ्नो स्पिनको जालोमा विश्वकै उत्कृस्ट ब्याट्सम्यानहरुलाई फसाई सकेका छन्।

गत बर्षको जुनमा अन्तर्राष्ट्रिय क्रिकेट परिषद् (आइसीसी) बाट टेस्ट राष्ट्रको मान्यता पाएसँगै अफगानिस्तानले आउँदो जुनमा भारत बिरुद्ध टेस्ट डेब्यु गर्दैछ। टेस्ट बरियतामा शिर्ष स्थानमा रहेको भारत बिरुद्धको टेस्ट अफगानिस्तानलाई सजिलो पक्कै हुनेछैन तर नव प्रवेशी मुलुक अफगानिस्तानको स्पिन क्षमतासँग भारत समेत सजग भैसकेकोछ। भारतको बैंगलोरमा जुन १४ देखि सुरुहुने टेस्टका लागि स्पिनरलाई सहयोगी पिच नबनाउन पुर्व भारतीय खेलाडी तथा अफगानिस्तानका पुर्व प्रशिक्षक लालचन्द राजपुतले चेतावनी दिएका छन्।

“स्पिन सहयोगी पिचमा राशिद खान घातक बन्न सक्छन्। उनीहरुसंग २-३ जना स्तरीय स्पिनर छन् र स्पिन सहयोगी पिच हामीलाई घातक हुन सक्छ” राजपुतले टाइम्स अफ इन्डियासँग भने। अफगानिस्तानले भारत बिरुद्धको टेस्टका लागि ५ स्पिनरलाई टोलीमा लिएको छ। राशिद खान, मुजिब उर् रहमान, जाहिर खान, मोहम्मद नाबी र अमिर हम्जा अफगानिस्तानको टोलीमा रहेका छन्।

उत्कृस्ट लयमा रहेका राशिद खान र मुजिब उर् रहमानले भर्खरै सम्पन्न इन्डियन प्रिमियर लिगमा समेत शानदार प्रदर्शन गरेका थिए। सनराइजर्स हैदरावादलाई फाइनल सम्म पुर्याउने क्रममा राशिद खानले २१.८० को औसतमा २१ विकेट लिएका थिए। यस्तै मुजिब उर् रहमानले समेत किंग्स एलेभेन पन्जाबको बलिंगमा महत्वपूर्ण भुमिका निभाएका थिए।

अफगानिस्तान बिरुद्धको टेस्टका लागि बैंगलोरको पिच तिब्र गतिका बलरलाई सहयोगी बनाएमा भारतले खेल सजिलै जित्न सक्ने राजपुतको ठम्याई छ। राजपुत भन्छन्, “अफगानिस्तानको कमजोरी भनेको तिब्र गतिका बलरको कमि हो। उनीहरुको टोलीमा दौलत जद्रान घाइते छन् र शापुर जद्रान टोलीमा नै छैनन्। हामीले हरियो पिच बनायौं भने ३ दिन भित्र खेल जित्न सक्छौँ।” भारतीय टोलीमा भने उमेश यादव, मोहम्मद शामी, इशान्त शर्मा, शार्दुल ठाकुर र हार्दिक पान्ड्या गरेर ५ तिब्र गतिका बलर रहेका छन्। राजपुतले राशिद खानको बिषयमा थपे, “यस्तो दिनपनि आउनेछ जुन दिन राशिद खानलाई ब्याट्सम्यानहरुले सजिलैसँग खेल्न सक्नेछन्। अजन्था मेन्डिस (श्रीलंका) समेत कुनै समय यस्तै घातक बलर थिए तर पछि सबै ब्याट्सम्यानहरुले उनलाई खेल्न सक्ने भए।”

सन् २००७ मा भारतले विश्वकप जित्दा भारतीय टोलीका म्यानेजर रहेका राजपुत, अफगानिस्तानको समेत प्रशिक्षक रहिसकेका छन्

बैंगलोर मैदानमा अन्तिम पटक भारतले अष्ट्रेलिया बिरुद्ध टेस्ट खेलेको थियो। स्पिन बलरको दबदबा रेहको सो टेस्ट म्याचमा भारतले ७५ रनको रोमान्चक जित हात पारेको थियो। सो खेलमा खसेका कुल ४० विकेट मध्ये २६ विकेट स्पिनरले चट्काएका थिए। अष्ट्रेलियन स्पिनर नाथन लायनले पहिलो इनिंगमा एक्लै ८ विकेट लिएका थिए। यस्तै भारतीय स्पिनर रविन्द्र जडेजाले पहिलो इनिंगमा ६ र रविचन्द्रन अश्विनले दोस्रो इनिंगमा ६ विकेट लिएका थिए।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]