२०१९ विश्वकप खेल्ने भारतीय टोली घोषणा, पन्त र रायडू परेनन्



  • विकेटनेपाल – २ बैशाख, सोमबार

आगामी मे ३० तारिकबाट इंग्ल्याण्ड र वेल्समा आयोजना हुने एक दिवसीय विश्वकप क्रिकेट २०१९ का लागि भारतले १५ सदस्यीय टोली सार्वजनिक गरेको छ।

सोमबार बिहानै अष्ट्रेलियाले समेत विश्वकप खेल्ने टोलीको घोषणा गरेको थियो भने न्युजिल्याण्डले पनि आफ्नो टिम घोषणा गरिसकेको छ।

सोमबार घोषित भारतीय टोलीमा रिसभ पन्त र अम्बाती रायडूले आफ्नो स्थान बनाउन सकेनन्। जारी इन्डियन प्रिमियर लिगमा राम्रो लयमा रहेका रिसभ पन्तले अन्तिम १५ मा स्थान बनाउने अपेक्षा गरिएपनि पन्तको स्थानमा दिनेश कार्तिकलाई टोलीमा लिइएको टिम चयनकर्ता एमएसके प्रसादले बताए।

यस्तै पछिल्लो केहि समय यता भारतीय टोलीको मध्यक्रममा ब्याटिंग गरिरहेका अम्बाती रायडूले समेत अन्तिम १५ मा स्थान बनाउन सकेनन्। रायडूको स्थानमा टोलीले विजय शंकरलाई छनोट गरेको हो। शंकरले हालसम्म ९ वटा एकदिवसीय अन्तर्राष्ट्रिय खेलेका छन् जसमा ३३ को एभरेस्टले १६५ रन बनाएका छन् भने २ विकेट लिएका छन्।


विराट कोहलीको कप्तानीमा रहेको १५ सदस्यीय टोलीमा रोहित शर्मा, शिखर धवन, केएल राहुल, केदार जाधव, एमएस धोनी, दिनेश कार्तिक, विजय शंकर, हार्दिक पान्ड्या, रबिन्द्र जडेजा, कुलदिप यादव, युज्भेन्द्र चहल, भुवनेश्वर कुमार, मोहम्मद शामी र जस्प्रित बुम्राह रहेका छन्।

पछिल्लो पटक सन् २०११ मा घरेलु जमिनमा विश्वकप ट्रफी जितेको भारतलाई यस संस्करण मुख्य दाबेदारका रुपमा हेरिएको छ। २०१५ को एकदिवसीय विश्वकपमा भारत सेमीफाइनलमा अस्ट्रेलियासंग ९५ रनले पराजित भएको थियो।

विश्वकप अन्तर्गत भारतले आफ्नो पहिलो खेल जुन ५ मा दक्षिण अफ्रीका बिरुद्ध खेल्नेछ।

यस अघि आजै अस्ट्रेलियाले पनि विश्वकप खेल्ने १५ सदस्यीय टिम सार्वजनिक गरेको थियो। अष्ट्रेलियाको कप्तानी सम्हालेका स्टिभ स्मिथको टोलीमा पुनरागमन भएपनि विश्वकपमा अष्ट्रेलियाको कप्तानी भने एरन फिंचले सम्हाल्ने छन्।

Australian Squad

अष्ट्रेलियन टोलीमा कप्तान फिंचसंगै जेसन बेरेनड्रफ, एलेक्स केरी, नेथन कुल्टर नाइल, प्याट कमिन्स, उश्मान ख्वाजा, नेथन लायन, शन मार्श, ग्लेन म्याक्स्वेल, झाए रिचार्डसन्, स्टिभ स्मिथ, मिचल स्टार्क, मार्कस स्टोइनिस, डेभिड वार्नर र एडम जाम्पा रहेका छन्।

न्युजिल्यान्ड टिम :- केन विलियम्सन (कप्तान), टोम ब्लुण्डेल, ट्रेन्ट बोल्ट, कोलिन डी ग्राण्डहोम, ल्युक फर्गुसन, मार्टिन गप्तिल, म्याट हेनरी, टोम लाथम, कोलिन मुन्रो, जिम्मी निशम, हेनरी निकोलस, मिचेल स्यान्टनर, इश सोढी, टिम साउदी, रोस टेलर

 





थप समाचार

T20WC : कोहलीले बनाए दुई विश्वकीर्तिमान

युएईमा जारि टि-ट्वान्टी विश्वकप अन्तर्गत चिर प्रतिद्वन्द्वी पाकिस्तान बिरुद्ध अर्धशतक बनाएका भारतीय कप्तान कोहलीले नयाँ विश्वकीर्तिमान बनाएका छन्। दुबई अन्तर्राष्ट्रिय स्टेडियममा […]

T20WC : अफ्रिदीको घातक बलिंग, संकटमा कोहलीले उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]