पहिलो दिन भारतको दबदबा



  • विकेटनेपाल, मङ्सिर ८ – शुक्रबार 

भारतमा जारि श्रीलंका र भारत बीचको टेस्ट शृंखला अन्तर्गतको दोश्रो टेस्ट नागपुरमा सुरु भएको छ।

पहिलो दिनको खेल सकिंदा भ्रमण टोलि श्रीलंकाले टस जितेर ब्याटिंग गर्दै २०५ रनमै सबै विकेट गुमाएपछि भारतले ब्याटिंग सुरुवात गरेको छ। १ विकेट गुमेर ११ रन बनाउदा दिनको समाप्ति हुँदा ओपनर लोकेश राहुल ७ रनमा आउट भइसकेका छन् भने मुरली विजय र चेतेश्वर पुजारा समान २ रनमा नटआउट छन्। पहिलो इनिंगमा भारत १९४ रनले पछि रहेकोछ।

सुरुवात देखि लगातार विकेट गुमाएको श्रीलंकाको लागि ओपनर डिमुथ करुनारत्ने र कप्तान दिनेश चण्डीमालले अर्धशतकीय योगदान दिएपनि अन्य ब्याट्सम्यानले ठुलो स्कोर बनाउन सकेनन्। ओपनर सदिरा समरबिक्रमा १३, लहिरु थिरमाने ९, एन्जेलो म्यथुज १०, निरोशन डिकवेला २४ तथा दासुन शानाका २ रन बनाएर पेभेलियन फर्किए।

डिमुथ करुनारत्ने र कप्तान दिनेश चण्डीमालले अर्धशतक प्रहार गरे

करुनारत्नेले ५१ रन बनाउन १४७ बलमा ६ चौका प्रहार गरे भने चण्डीमालले ५७ रन बनाउन १२२ बलमा १ छक्का र ४ चौका प्रहार गरेका थिए। करुनारत्नेलाई इशान्त शर्माले बोल्ड गरेका थिए भने चण्डीमाल रबिचन्द्रन आश्विनको बलमा एलबिडब्लु भए। दुवैले चौथो विकेटको लागि ६२ रनको साझेदारी गरेका थिए भने डिकवेला र चण्डीमालले ३८ रनको साझेदारी गरेपनि श्रीलंकन ब्याट्सम्यानहरु धेरै बेर विकेटमा जम्न नसक्दा ७९.१ ओभरमै सबै विकेट गुमाएको थियो।

इशान्त शर्माले ३ विकेट हात पारे

भारतको लागि रबिचन्द्रन आश्विनले सर्बाधिक ४ विकेट हात पारे भने इशान्त शर्मा र रबिन्द्र जडेजाले समान ३/३ विकेट आफ्नो नाम गरे। आश्विनले २८.१ ओभरमा ७ मेडन ओभर सहित ६७ रन खर्चिएका थिए ।  इशान्तले १४ ओभरमा ३ मेडन ओभर सहित ४३ रन खर्चे भने जडेजाले २१ ओभरमा ५६ रन खर्चादा ४ मेडन ओभर फाले।

यसअघि कोलकातामा सम्पन्न रोमान्चाक पहिलो टेस्ट बराबरीमा सम्पन्न भएको थियो। टेस्ट शृंखला पछि दुवै टिमले ३ वटा एकदिवसीय र त्यसपछि ३ वटा टि-२० सिरिज खेल्नेछ।

ड्रिक्स ब्रेकको दौरान स्पाइडर क्यामरा नियाल्दै रोहित शर्मा
आश्विनले ४ विकेट आफ्नो नाम गरे

( फोटोहरु – भारतीय क्रिकेट बोर्ड – बिसीसीआई )





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]