भारतको लाजमर्दो ब्याटिंग



  • विकेटनेपाल, माघ १० – बुधबार

दक्षिण अफ्रिका भ्रमण अन्तर्गत तेश्रो तथा अन्तिम टेस्टमा पनि पाहुना टोलि भारतले खराब सुरुवात गरेको छ। पहिलो २ टेस्टमा भारत पराजित भएपछि २-० ले शृंखला दक्षिण अफ्रीकाले जितीसकेको छ।

जोहानेस्बर्गमा बुधबार सुरु भएको टेस्टमा टस जितेर पहिले ब्याटिंग गरेको भारतले मात्र १८७ रन बनाउने क्रममा सबै विकेट गुमाएको हो।

जवाफमा उत्रेको दक्षिण अफ्रिकाले दिनको समाप्तीमा १ विकेट गुमाउदै ६ रन बनाएको छ र भारतभन्दा १८१ रनले पछाडी छ । उसका अईडेन मार्क्रमलाई २ रनको व्यक्तिगत स्कोरमा भुवनेश्वर कुमारले पार्थिव पटेलको हातबाट क्याच गराए । क्रिजमा डीन एल्गर ४ रन तथा नाइट वाचम्याच कागीसो रबाडा शुन्य रनमा खेलिरहेका छन् ।

भारतको ब्याटिंग फेरी फ्लप 

भारतले खराब सुरुवात गर्दा पहिलो विकेटका लागि ओपनरद्वय लोकेश राहुल र मुरली विजयले मात्र ७ रनको योगदान गरे। राहुलले खाता नखोली मात्र ७ बलमा फिलान्डरको बलमा विकेट किपरको हातबाट समातिए । विजयपनि टिमको स्कोर १३ रन हुदा व्यक्तिगत ८ रनमा रबाडाको  बलमा विकेट किपरकै हातबाट समातिए ।

त्यसपछि कप्तान विराट कोहली र चेतेश्वर पुजाराले तेस्रो विकेटका लागि ८४ रनको साझेदारी गरेका थिए। तर कोहली टिमको स्कोर ९७ हुँदा व्यक्तिगत ५४ रन (१०६ बल, ९ चौका) बनाउदै लुंगी न्गिडीको बलमा तेस्रो स्लिपमा एबि डी भिल्लियार्सको हातबाट समातिए।

चेतेश्वर पुजारापनि अर्धशतक प्रहार गरेपछि फेह्लुक्वायोको बलमा आउट भए । पुजाराले ५० रनको पारि खेल्नेक्रममा १७९ बलमा ८ चौका प्रहार गरे। अजिंक्या रहानेलाई ९ रनको स्कोरमा मोर्ने मोर्केलले पेभेलियनको यात्रा गराए। त्यसपछि हार्दिक पान्ड्या र इशान्त शर्मा खाता नखोली आउट हुँदा मोहम्मद शामीले १ चौका सहित ८ रन बनाए।

२६ रन अतिरिक्त पाएको भारतलाई अन्तिम विकेटका लागि २१ रनको साझेदारी गर्नेक्रममा भुवनेश्वर कुमारले ३० रनको योगदान दिए भने जस्प्रित बुम्राहले खाता नखोली साथ दिए। भुवनेश्वर अन्तिम विकेटको रुपमा ४९ बल खेल्दै ४ चौका प्रहार गरेपछि रबाडाको बलमा आउट भए।

दक्षिण अफ्रिकाका लागि कागीसो रबाडाले ३९ रन खर्चेर ३ विकेट हात पार्दा फेह्लुक्वायो, फिलान्डरले र मोर्केलले समान २ विकेट हात पारे। १ विकेट हात पार्नेक्रममा लुंगी न्गिडीले विराट कोहलीको विकेट झारे ।

 

 

भुवनेश्वर कुमारले १ विकेट हात पारे

( फोटोहरु – बिसीसीआई )





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]