बलिङ्ग राम्रो तर ब्याटिंग नचल्दा युवा टिम पराजित



  • विकेटनेपाल, भदौ २७ – बुधबार 

भारतको लखनउमा सुरु भएको चौकोणिय एकदिवसीय सिरिज अन्तर्गत पहिलो खेलमा भारत यु-१९ ( बि ) को सामना गरेको नेपालले ४० रनको हार बेहोरेको छ।

जितसंगै भारत यु-१९ ( बि ) ले ३ अंक बटुलेको छ भने आजै सम्पन्न अर्को खेलमा भारत यु-१९ ‘ए’ टिमले अफगानिस्तान यु-१९ टिमलाई १४० रनले पराजित गर्दै ३ अंक बटुल्यो। नेपालले सिरिज अन्तर्गत दोश्रो खेल शुक्रबार ( सेप्टेम्बर १४ ) भारत यु-१९ संग खेल्नेछ।

टस जितेर बलिङ्ग गर्दै भारतीय यु-१९ ( बि ) टिमलाई १६१ रनमै समेटेको नेपालले १६२ रनको लक्ष्य पछ्याउने क्रममा ४१.३ ओभरमा १२१ रन मात्रै बनाउन सक्यो।

खराब सुरुवात गर्ने क्रममा नेपालले २८ रनको योगफलमा पहिलो ४ विकेट गुमाएको थियो जसपछि पाँचौ विकेटको लागि कप्तान आसिफ शेख र भिम शार्कीले ३८ रनको साझेदारी गरे। ओपनर तृत राज दास र रभी शाह समान ८ रन तथा तेश्रो नम्बरका बिपिन रावल २ तथा सन्दिप जोरा ४ रन बनाएर आउट भए।

आसिफ पनि १७ रन बनाएर आउट भएपछि भिमले पवन शर्राफसंग छैठौं विकेटको लागि २२ रनको साझेदारी गरे।

भिम ३० रन ( ५७  बल,४ चौका ) बनाएर आउट भए पछि नेपालले लगातार विकेट गुमाउन पुग्यो र ४१.३ ओभरमा १२१ मा सबै विकेट गुमाउन पुग्यो। अन्तिममा कमल ऐरिले २२ रन बनाए पनि जितको लागि पर्याप्त हुन सकेन। भारतीय बलर पंकज यादब र शुभांग हेग्डेले समान ३/३ विकेट लिए।

Kamal Airee

यस अघि पहिलो इनिंगमा भारतीय यु-१९ बि टिमले पहिले ब्याटिंग गर्दै ४९ ओभरमा सबै विकेट गुमाएर १६१ रन मात्रै बनाउन सकेको थियो।

नेपालको लागि तिब्र गति ओपनिङ्ग बलर कमल सिंह ऐरिले सर्वाधिक ३ विकेट , अफ स्पिनर पवन सर्राफले लिए भने किशोर महतो, संसाद आलम र सागर ढकालले समान १ विकेट हात पारे।

भारतीय टिमका ओपनिङ्ग ब्याट्सम्यान कमरान इकबालले सर्वाधिक ५० रन योगदान दिए भने दोश्रो सर्वाधिक रन रिशभ चौहानको १९ रन बन्यो। नेपाली बलरहरुले अनुशाशित बलिङ्ग गर्ने क्रममा मात्र ९ अतिरिक्त रन खर्चिए।

खेलको प्लेयर अफ द म्याच कमरान इक्बाल घोषित भए।

सिरिजमा नेपालको आगामी खेल तालिका –

सेप्टेम्बर १४ – नेपाल यु-१९ Vs भारत यु-१९ ( ए )
सेप्टेम्बर १६ – नेपाल यु-१९ Vs अफगानिस्तान यु-१९
सेप्टेम्बर १८ – फाइनल र प्ले-अफ ( तेश्रो र चौथो )





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]