टेस्ट जित्न भारतलाई बिशाल लक्ष, इंग्ल्याण्ड हावी



  • विकेटनेपाल,भदौ २५ 

भारत र इंग्ल्याण्ड बीच केंनिंगटन ओभल मैदान लन्डनमा जारि पाँचौ टेस्टमा इंग्ल्याण्ड भारत माथि हावी भएको छ।

सिरिजमा ३-१ ले पछि परेको भारतलाई टेस्टको पाँचौ दिन जितको लागि ४०६ रन बनाउनु पर्नेछ। इंग्ल्याण्डले आफ्नो दोश्रो इनिंगमा ४२३/८ को योगफल बनाएर इनिंग समाप्तिको घोषणा गरेपछि भारतले टेस्ट जित्न ४६३ रनको बिशाल लक्ष्य पाएको हो।

लक्ष्य पछ्याउने क्रममा अत्यन्त खराब सुरुवात गरेको भारतले चौथो दिन सकिंदा ५८ रन बनाएर ३ विकेट गुमाईसकेको छ। ओपनर केएल राहुल ४६ रन तथा अजिंके रहाने १० रन बनाएर ब्याटिंग गरिरहेका छन्। सुरुवाती ३ विकेट २ रनको कुल स्कोर हुँदा गुमाउने क्रममा भारतले शिखर धवनलाई १ तथा चेतेश्वर पुजारालाई र कप्तान बिराट कोहलीलाई खाता नखोल्दै गुमाएको थियो। इन्ग्लिश बलर जेम्स एन्डरसनले २ तथा स्टुवार्ट ब्रडले १ विकेट लिएका छन्।

इंग्ल्याण्डको बिशाल स्कोरमा कुक र रुटको शतक 

टेस्टमा टस जितेर ब्याटिंग गरेको इंग्ल्याण्डले पहिलो इनिंगमा ३३२ रन बनाएको थियो जसपछि ब्याटिंग गरेको भारतले २९२ रन बनाएपछि ४० रनको अग्रता पाएको इंग्ल्याण्डले दोश्रो इनिंगमा शानदार ब्याटिंग गर्यो।

इंग्ल्याण्डको लागि अन्तिम टेस्ट खेलीरहेका ओपनर एलेस्टर कुकले १४६ तथा कप्तान जोए रुटले १२५ रनको इनिंग खेलेपछि इंग्ल्याण्डले ८ विकेट गुमाएर ४२३ रन बनाउदै इनिंग समाप्तिको घोषणा गरेको थियो।

टेस्ट करियरको ३३ औं शतक बनाएका कुकले २८६ बलमा १४ चौका तथा रुटले १४ औं शतक पुरा गर्दा १९० बलमा १२ चौका र १ छक्का प्रहार गरे। दुवैले तेश्रो विकेटको लागि २५९ रनको बिशाल साझेदारी गरे।

पहिलो टेस्ट खेलीरहेका भारतीय बलर हनुमा बिहारी र रभिंद्र जडेजाले समान ३/३ तथा मोहम्मद शामीले २ विकेट हात पारे।

भारतले सिरिज अन्तर्गत पहिलो टेस्ट ३१ रनले, दोश्रो टेस्ट इनिंग र १५९ रनले हारेको थियो। तेश्रो टेस्टमा २०३ रनको जित हात पारेपछि चौथोमा भने पुनः इंग्ल्याण्ड ६० रनले बिजयी भएको थियो। यस अघि सम्पन्न टि-२० शृंखला भारतले ( २-१ ) तथा एकदिवसीय शृंखला इंग्ल्याण्डले ( २-१ ) ले जितेको थियो।

( Photo – ICC )





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]