भारतलाई टेस्ट इतिहासकै सबैभन्दा ठूलो जित



  • विकेटनेपाल-२० असोज 

फलो-अन् ब्याटिंग गर्न उत्रिएको विन्डीजको इनिंगमा भारतीय बलर कुलदिप यादवले ५ विकेट हात पारेपछि घरेलु टेस्ट शृंखलाको पहिलो टेस्टमा भारतले इनिंग र २७२ रनको जित हात पारेको छ। जितसंगै २ टेस्टको शृंखलामा भारतले १-० को अग्रता बनाएको छ।

खेलको पहिलो इनिंगमा भारतका लागि शतक बनाएका प्रिथ्भी शा खेलको म्यान अफ द म्याच घोषित भए। आफ्नो डेब्यु टेस्टमा शाले १३४ रनको उत्कृस्ट पारि खेलेका थिए।

पहिलो इनिंगमा ९४/६ को अवस्थाबाट तेस्रो दिनको खेल सुरु गरेको विन्डीज मात्र १८१ रनमा समेटिन पुग्यो। उसका लागि रोस्टन चेजले सर्वाधिक ५३ रन तथा किमो पौलले ४७ रनको योगदान गरेका थिए। भारतको बलिंगमा रबिचंद्रण अश्विनले सर्वाधिक ४ विकेट (११-२-३७-४) हात पारेका थिए।

पहिलो इनिंगको समाप्तिमा भारतको स्कोरभन्दा ४६८ रनले पछि परेपछि भारतले विन्डीजलाई फलो-अन् गर्न बाध्य बनाएको थियो। दोस्रो इनिंगको ब्याटिंगमा समेत १९६ रनमा विन्डीज टोलि समेटीएपछि भारतले एक इनिंग र २७२ रनको बिशाल जित दर्ता गर्यो।

भ्रमणकारी टोलि विन्डीजको दोस्रो इनिंगमा काइरन पावेलले सर्वाधिक ८३ रन तथा रोस्टन चेजले २० रनको योगदान गरेपनि टोलीको हार जोगाउन सकेनन्। पावेलले ९३ बलमा ८ चौका र ४ छक्का प्रहार गर्दै ८३ रन जोडे।

भारतको बलिंगतर्फ कुलदिप यादवले सर्वाधिक ५ विकेट हात पारे। आफ्नो टेस्ट करियरको पहिलो ५ विकेट हात पार्ने क्रममा यादवले ५७ रन खर्चिएर ५ विकेट (१४-२-५७-५) चट्काए। यस्तै रबिन्द्र जडेजाले ३ तथा रबिचंद्रण अश्विनले २ विकेट चट्काए।

यसअघि खेलमा टस जित्दै ब्याटिंग गर्ने निर्णय लिएको भारतले आफ्नो पहिलो इनिंगमा ९ विकेट गुमाएर ६४९ रन जोड्दा पारि समाप्तिको घोषणा गरेको थियो। भारतका लागि कप्तान विराट कोहलीले सर्वाधिक १३९, प्रिथ्भी शाले १३४ तथा रबिन्द्र जडेजाले अविजित १०० रनको योगदान गरेका थिए।

विन्डीजको बलिंगमा देभेन्द्र बिशुले सर्वाधिक ४ (५४-३-२१७-४) विकेट हात पारे। यस्तै शेरमन लेविशको नाममा २ विकेट रहेको थियो।

भारतको टेस्ट इतिहासकै ठूलो जित :

विन्डीज टोलीलाई एक इनिंग र २७२ रनले हराउँदा भारतले आफ्नो टेस्ट इतिहासकै सबैभन्दा ठूलो जित हात पार्यो। यसअघि भारतले अफगानीस्तान बिरुद्धको एक मात्र टेस्टमा समेत एक इनिंग र २६२ रनको जित हात पारेको थियो।

टेस्ट इतिहासमा भारतको सबैभन्दा ठूलो जितहरु :

  • एक इनिंग र २७२ रन (विन्डिज बिरुद्ध, २०१८ राजकोट)
  • एक इनिंग र २६२ रन (अफगानिस्तान बिरुद्ध, २०१८ बैंगलोर)
  • एक इनिंग र २३९ रन (बंगलादेश बिरुद्ध, २००७ ढाका)
  • एक इनिंग र २३९ रन (श्रीलंका बिरुद्ध, नागपुर २०१७)
  • एक इनिंग र २१९ रन (अष्ट्रेलिया बिरुद्ध, कोलकाता १९९८)





थप समाचार

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]