कोहलीको शतकमा दक्षिण अफ्रिका पराजित



  • विकेटनेपाल, माघ १८ – बिहिबार

दक्षिण अफ्रिका र भारतबीच आजदेखि ६ वटा एकदिवसीय क्रिकेटको सिरिज सुरु भएको छ।

सिरिज अन्तर्गत डर्बनमा आज भएको पहिलो एकदिवसीय क्रिकेटमा भारतले दक्षिण अफ्रिकालाई ६ विकेटको अन्तरले पराजित गरेको छ ।

भारतको इनिंग

दक्षिण अफ्रिकाले दिएको २७० रनको लक्ष्य भारतले मात्र ४५.३ ओभरमा ४ विकेट गुमाउदै पुरा गरेको हो । भारतको जितमा कोहलीले आफ्नो एकदिवसीय करियरको ३३ औं शतक प्रहार गरे । ११२ रन बनाएका उनले ११९ बलमा १० चौका प्रहार गरे ।

यस्तो तेस्रो विकेटको लागि कोहलीले रहानेसँग मिलेर १८९ रनको साझेदारी गरे जुन भारतका लागि दक्षिण अफ्रिका बिरुद्द दक्षिण अफ्रिकामा दोश्रो सर्बाधिक धेरै हो । पहिलो स्थानमा सचिन तेन्दुलकर र सौरव गांगुलीले सन् २००१ मा बनाएको १९३ रन रहेको छ । रहाने ले ७९ रन प्रहार गर्नेक्रममा ८६ बलमा ५ चौका र २ छक्का हाने ।

यस्तै शिखर धवनले ३५ रन (२९ बल, ६ चौका) तथा रोहित शर्माले २० रन (३० बल, २ चौका, १ छक्का) प्रहार गर्दै पहिलो विकेटको लागि ३३ रनको साझेदारी गरेका थिए ।

पहिलो विकेटको रुपमा रोहित आउट भएपछी धवनले कोहलीसँग मिलेर दोश्रो विकेटको लागि ३४ रनको साझेदारी गरेका थिए ।

धोनीले चौका (४ रन, ३ बल) प्रहार गरेपछि भारतले डर्बान मैदानमा पहिलो जित दर्ता गरेको छ । हार्दिक पान्ड्यले ३ रनमा अविजित रहे ।

दक्षिण अफ्रिकाको लागि एन्डीले फेह्लुक्वायोले  २ विकेट लिए भने मोर्ने मोर्केलले १ विकेट हात पारे ।

दक्षिण अफ्रिकाको इनिंग

यसअघि  टस जितेर पहिले ब्याटिंग गरेको घरेलु टोलिले ५० ओभरमा ८ विकेट गुमाएर २६९ रन बनाएको थियो। कप्तान फाफ डु प्लेसिसले आफ्नो करियरको नवौं शतक प्रहार गरे। १२० रन प्रहार गरेका उनले ११२ बलमा ११ चौका र २ छक्का हाने।

हसिम अमलाले १६ रन (१७ बल, १ चौका) र क्विन्टन डीकक् ले ३४ (४९ बल, ४ चौका) रन प्रहार गरे। त्यस्तै एबि डी भिल्लियर्स घाइते भएपछी उनको ठाउँमा आएका एईडेन मार्क्रमले मात्र ९ रन बनाउदा जेपि डुमिनीले १२ तथा डेविड मिलरले ७ रन बनाए ।

कुनै समय १३२/५ को स्थितिमा रहेको दक्षिण अफ्रिकालाई क्रिस मोरिस र कप्तान डु प्लेसिसले छैठौं विकेटको लागि ७४ रनको साझेदारी गरेका थिए । मोरिस ३७ रन (४३ बल, ४ चौका, १ छक्का) बनाएर आउट भए ।

त्यसपछि डु प्लेसिस आउट हुनुअघि एन्डीले फेह्लुक्वायोसँग मिलेर सातौँ विकेटका लागि ५६ रनको साझेदारी गरेका थिए। फेह्लुक्वायोले अविजित २७ रन (३३ बल, १ चौका, १ छक्का) बनाए।

भारतका लागि कुलदीप यादवले ३ विकेट हात पार्न १० ओभरमा ३४ रन खर्चिदा चाहलले पनि ४५ रन खर्चेर २ विकेट हात पारे। जस्प्रित बुम्राह र भुवनेश्वर कुमारले १/१ विकेट लिए ।

खेलमा विराट कोहली म्यान अफ द म्याच घोषित भए ।

यो सँगै भारतले सिरिजमा १-० को अग्रता लिएको छ ।

यस्तो छ खेलतालिका:

दोश्रो एकदिवसीय: ४ फेब्रुअरी, सेन्चुरियन

तेस्रो एकदिवसीय: ७ फेब्रुअरी, केप टाउन

चौथो एकदिवसीय: १० फेब्रुअरी, जोहानेसवर्गमा

पाचौं एकदिवसीय: १३ फेब्रुअरी, पोर्ट एलिजावेद

छैठौं एकदिवसीय: १६ फेब्रुअरी, सेन्चुरियन

(Pictures: @BCCI.TV)





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]