तेश्रो दिन समाप्तिमा भारत बलियो



  • विकेटनेपाल, मङ्सिर २२ – शनिबार

अस्ट्रेलिया भ्रमण अन्तर्गत ४ टेस्ट खेलको शृंखलाको पहिलो टेस्टको तेस्रो दिन पाहुना टिम भारतले सुधारिएको ब्याटिंग प्रस्तुत गरेको छ।

एडिलेडमा जारि खेलको तेस्रो दिनको समाप्तीमा भारतले ३ विकेटको क्षतिमा १५१ रनको योगफल बनाउँदै अस्ट्रेलिया बिरुद्द दोश्रो पारीमा १६६ रनको अग्रता लिएको छ। पहिलो पारीमा २५० रन बनाएको उसले अस्ट्रेलियासँग १५ रनको अग्रता लिएको थियो।

अस्ट्रेलियाको ब्याटिंग

दोश्रो दिनको समाप्तीमा ७ विकेट गुमाएर १९१ रन बनाएको घरेलु टिमले तेस्रो दिन बर्षाले प्रभावित भएपछी पहिलो सत्रको समाप्तीमा थप ३ विकेट गुमाउँदै ४४ रन जोड्दा २३५ रनमा समेटियो।

अस्ट्रेलियाका लागि अविजित ६१ रन बनाएर खेलिरहेका हेड ७२ रन बनाउंदै आउट हुँदा स्टार्कले १५ रन, नेथन लायनले अविजित २४ रन बनाए भने जोश हेजलवूड गोल्डेन डकको सिकार भए। भारतको लागि दिनको पहिलो विकेट बुम्राहले हात पारेका थिए भने थप दुई विकेट मोहम्मद शामीको नाममा रह्यो।

यो सँगै पहिलो पारिमा अस्ट्रेलियाको लागि हेडको ७२ रनको अलावा पिटर ह्याम्ड्सकमले ३४ रन, ख्वाजाले २८ रन बनाएका थिए। बलिंगतर्फ भारतका लागि रविचन्द्रन आश्विन र जस्प्रित बुम्राहले समान ३/३ विकेट लिए भने इशान्त शर्मा र मोहम्मद शामीको नाममा २/२ विकेट रह्यो।

पुजाराको लय जारि 

टेस्टको पहिलो इनिंगमा शतक बनाएका चेतेश्वर पुजाराले दोश्रो पारिमा पनि राम्रो सुरुवात गरेका छन्। उनले दिनको समाप्तीमा अविजित ४१ रन बनाएका छन् भने अर्कोतर्फ अजिंक्या रहाने १ रन बनाएर खेलिरहेका छन्।

पहिलो विकेटको लागि ओपनरद्वय लोकेश राहुल र मुरली विजयले १८.१ ओभरमा ६३ रनको साझेदारी गरेका थिए। पहिलो १० ओभरमा भने धैर्यता देखाउंदै मात्र १९ रन बनाएका थिए। त्यसपछि राहुलले आक्रामक खेल देखाउंदै दोश्रो विकेटको रुपमा आउट हुनुभदा अगाडी ६७ बलको सामना गर्दै ४४ रन बनाएका थिए। मुरली विजयले मात्र १८ रन बनाउन सके।

तेस्रो विकेटको लागि कप्तान कोहली र पुजारा मिलेर ७१ रनको साझेदारी गरेका थिए। ३४ रन बनाउन १०४ बल सामना गरेका कोहली नेथन लायनको बलमा आउट हुन पुगे। अस्ट्रेलियाका हेजलवूड, स्टार्क र लायनले १/१ विकेट लिए।

तेस्रो दिनको खेल फोटोहरुमा (फोटो – आइसीसी)

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]