लालचन्द राजपुत जिम्बाबेको प्रशिक्षकमा नियुक्त



  • विकेटनेपाल, भदौ ९ – शनिबार

भारतका पुर्व खेलाडी लालचन्द राजपुत जिम्बाबेको पुर्णकालिन मुख्य प्रशिक्षकमा नियुक्त भएका छन्। हीथ स्ट्रिकको कार्यकालमा टिमले २०१९ मा आयोजना हुने विश्वकपमा छनौट हुन नसकेपछि बर्खास्तमा पर्दा लालचन्द राजपुतले जुन देखि प्रशिक्षकको भूमिका सम्हाल्दै आएका थिए।

मुम्बईका ब्याट्सम्यान राजपुतले यसअघि २००७ मा दक्षिण अफ्रिकामा आयोजित पहिलो टी-२० विश्वकपमा विश्वबिजेता भारतीय टिमको ब्यबस्थापकको भूमिका निर्वाह गरेका थिए। त्यसपछि २००८ मा इन्डियन प्रिमियर लिग टिम मुम्बई इन्डियन्सको प्रशिक्षकको भूमिकामा रहेका ५६ बर्षीय राजपुतले सन् २०१६ मा पाकिस्तानका पुर्व कप्तान इन्जमाम उह हकलाई बिस्थापित गर्दै अफगानिस्तानको प्रशिक्षक बनेका थिए।

उनको कार्यकालमा अफगानिस्तानले एकदिवसीय क्रिकेटमा वेस्ट इन्डिजलाई पराजित गर्यो भने टेस्ट मान्यता प्राप्तीको समेत घोषणा भएको थियो।

जिम्बाबे क्रिकेटका अध्यक्ष ताभेन्ग्वा मुख्लानीले राजपुतको अहिलेसम्मको पार्ट टाइम प्रशिक्षणकाल र टिम ब्यबस्थापन तथा प्रशिक्षण अनुभवलाई मध्यनजर गर्दै पूर्णकालीन प्रशिक्षकमा नियुक्ति गरिएको जनाएका छन्। “म उनको काम गर्ने तरिका र प्रत्येक कुराको बिस्तृत अध्ययन तथा विश्लेषण गर्ने र अनुशासनबाट प्रभावित भएको छु।” अध्यक्षले क्रिकबजसँगको कुराकानीमा भनेका छन्।

राजपुतले पूर्णकालिन प्रशिक्षकको जिम्मेवारीको रुपमा सेप्टेम्बर ३० देखि सुरुहुने दक्षिण अफ्रिका भ्रमणबाट सम्हाल्नेछन् भने त्यसपछि टिमले बंगलादेशको भ्रमण गर्नेछ। राजपुतले सन् १९८५ देखि ८७ सम्म भारतका लागि २ टेस्ट र ४ एकदिवसीय खेलमा प्रतिनिधित्व गरेका थिए।





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]