जेठ १३ गतेदेखी प्रदेश स्तरीय प्रधानमन्त्री कप



(फिचर फोटो: २०७४ को सामुहिक बिजेता आर्मी र पुलिस क्लब)

  • विकेटनेपाल, बैशाख २७ – बिहिबार

प्रदेश स्तरीय प्रधानमन्त्री कप एकदिवसीय क्रिकेट प्रतियोगिता आयोजना हुने भएको छ । रास्ट्रीय खेलकुद परिषद् (राखेप) को आयोजनामा हुन लागेको प्रतियोगिता जेठ १३ गतेदेखि २९ गतेसम्म चल्ने छ ।

आज काठमाण्डौमा आयोजित पत्रकार सम्मेलनमा हरेक प्रदेशबाट १ टिम गरेर ७ वटा प्रदेश टिम र ३ वटा विभागीय टिम त्रिभुवन आर्मी क्लब(टिएसी), नेपाल पुलिस क्लब (एनपिसी) र सशस्त्र प्रहरी बल (एपीएफ) को सहभागीता रहने राखेपका सदस्य सचिव केशब बिस्टले बताए ।

प्रतियोगिता १० टिमलाई दुई समूहमा विभाजन गरेर खेलाईने छ जसबाट प्रत्येक समूहका शीर्ष २ टिमले सेमिफाइनलमा स्थान बनाउनेछन् । पत्रकार सम्मेलनमा बताईएको जानकारी अनुसार समूह ‘ए’ मा त्रिभुवन आर्मी क्लब, सशस्त्र प्रहरी बल (एपीएफ), प्रदेश १, प्रदेश २ र प्रदेश ४ रहेका छन् भने समूह ‘बि’ मा नेपाल पुलिस क्लब, प्रदेश ३, प्रदेश ५, प्रदेश ६ र प्रदेश ७ रहेका छन् ।

किर्तिपुर र मुलपानी मैदानमा हुने प्रतियोगिताको विजेताले पुरस्कार स्वरूप २० लाख रुपैयाँ र ट्रफी प्राप्त गर्ने छ भने उपविजेताले १० लाखमा चित्त बुझाउनुपर्ने छ । यस्तै म्यान अफ द सिरिजले १ लाख र उत्कृस्ट ब्याट्सम्यान तथा बलरले   जनही ५० हजार प्राप्त गर्नेछन् ।

२०७४ सालमा भएको प्रधानमन्त्री कप एकदिवसीय क्रिकेट प्रतियोगितामा फाइनल खेल बर्षाले प्रभावित भएपछी त्रिभुवन आर्मी क्लब र नेपाल पुलिस क्लबले संयुक्त रुपमा ट्रफी उचालेका थिए ।





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]