यू-१६ इन्टर एकेडेमी क्रिकेटमा नेक्सस र ग्रेट हिमालयको बिजयी सुरुवात



  • विकेटनेपाल- ७ मङ्सिर, शुक्रवार (काठमाण्डौ)

नेक्सस क्रिकेट एकेडेमीको आयोजनामा काठमाण्डौको मुलपानी क्रिकेट मैदानमा शुक्रबारबाट मिलानो नेक्सस कप यू-१६ टि ट्वान्टी क्रिकेट प्रतियोगिता शुरु भएको छ। शुक्रवार बिहान आयोजित समारोह बिच प्रतियोगिताको उद्घाटन कागेश्वरी मनोहरा नगरपालिकाका प्रमुख कृष्णहरि थापाले गर्नु भएको थियो।

प्रतियोगिताको पहिलो दिन आयोजक नेक्सस क्रिकेट एकेडेमी, काठमाडौं र ग्रेट हिमालय क्रिकेट एकेडेमी, काठमाडौंले जित हात पारेका छन्। नेक्ससले स्याङ्जा क्रिकेट एकेडेमी र ग्रेट हिमालयले नेक्सस क्रिकेट एकेडेमी “बि” लाई पराजित गरे।

 प्रतियोगिताको उद्घाटन गर्दै कागेश्वरी मनोहरा नगरपालिकाका प्रमुख कृष्णहरि थापा
प्रतियोगिताको उद्घाटन गर्दै कागेश्वरी मनोहरा नगरपालिकाका प्रमुख कृष्णहरि थापा

दिनको पहिलो खेलमा नेक्ससले स्याङजा क्रिकेट एकेडेमीलाई ८ विकेटले पराजित गर्यो। टस हारेर पहिलो ब्याटिङको निम्तो पाएको स्याङजाले १४.२ ओभरमा सबै विकेट गुमाएर  ६९ रन मात्र बनाउन सफल भएको थियो। स्याङजाका किरण भट्टराईले १३ रन (११ बल), सुजन गौतमले १० रन (६ बल), सरोज अर्यालले १० रन (८ बल) बनाउदा अन्य ब्याट्सम्यानले दोहोरो अंकमा रन जोड्न सकेका थिएनन्।

बलिङ तर्फ खेलको प्लेयर अफ दि म्याच समेत चुनिएका नेक्ससका आशिष सुनुवारले सर्वाधिक ३ विकेट प्राप्त गरेका थिए। यस्तै क्रिस कार्कीको नाममा २ विकेट रहेको थियो।

Aashish Sunar
Aashish Sunar

७० रनको झिनो लक्ष्य लिएर ब्याटिङमा उत्रेको नेक्ससले ९.२ ओभरमा २ विकेट गुमाएर लक्ष्य पुरा गर्यो। नेक्ससका बिशाल केसी र बिपीन बिक्रम शाहीले समान २२-२२ रन जोडेका थिए।

यस्तै दिनको दोस्रो खेलमा ग्रेट हिमालय क्रिकेट एकेडेमीले आयोजक नेक्सस “बि”लाई १० विकेटले पराजित गर्यो। टस जितेर ब्याटिङमा उत्रिएको नेक्सस “बि” का लागि  मिकेश ओझाले १३ रन बाहेक अन्य ब्याट्सम्यानले दोहोरो अंकमा रन बनाउन नसक्दा टोलि ४१ रनमा समेटिएको थियो।

ग्रेटर हिमालयको बलिंगतर्फ दिपक बोहाराले सर्वाधिक ३ विकेट लिएका थिए। यतै अमित अर्यालको नाममा २ विकेट रहेको थियो।

४२ रनको झिनो लक्ष्य ग्रेट हिमालयले मात्र ३ ओभरमा कुनै विकेट नगुमाई पुरा गर्यो।  उसको जितमा दिपक बोहोराले मात्र १० बलमा ३२ रन प्रहार गरेका थिए।

Mulpani Cricket Ground
Mulpani Cricket Ground

प्रशिद्ध एक्सन पोलिमर प्राइभेट लिमिटेडको उत्पादन मिलानोको प्रायोजन रहेको प्रतियोगितामा ११ एकेडेमी र १ क्लब गरी १२ टोलीको सहभागिता रहेको छ। सहभागी १२ टोलीलाई ४ समुहमा विभाजन गरिएको छ। हरेक समुहबाट शिर्ष स्थानमा रहने टोलीले सेमिफाइनलमा स्थान बनाउने छन्।

प्रतियोगिताको समुह “ए” मा ओएसिस क्रिकेट एकेडेमी, युनाइटेड क्रिकेट एकेडेमी झापा र युनाइटेड क्रिकेट क्लब बिरगंज रहेका छन्। यस्तै समुह “बि” मा सनराइज क्रिकेट एकेडेमी महेन्द्रनगर, ग्रेटर हिमालय क्रिकेट एकेडेमी काठमाडौं र आयोजक नेक्सस क्रिकेट एकेडेमी “बि” रहेका छन्। उता समुह “सि” तर्फ वेष्टर्न क्रिकेट एकेडेमी बुटवल, चितवन क्रिकेट एकेडेमी र मिड-वेष्टर्न क्रिकेट क्लब कोहलपुर रहंदा समुह “डी” तर्फ नेक्सस क्रिकेट एकेडेमी “ए”, लालीगुराँस क्रिकेट एकेडेमी झापा र स्याङ्जा क्रिकेट एकेडेमी रहेका छन्।

दोस्रो संस्करणको यू-१६ मिलानो नेक्सस इन्टर एकेडेमी टि-२० क्रिकेट प्रतियोगिताको बिजेता टोलीका खेलाडीहरुले रु. १ लाख ११ हजार १ सय ११ बराबरको खेल सामग्री तथा  ट्रफी, मेडल र प्रमाण पत्र प्राप्त गर्ने छन्। यस्तै उप -बिजेताले भने रु. ६१ हजार १ सय ११ बराबरको खेल सामग्री प्राप्त गर्ने समेत आयोजकले जनाएको छ।

यस्तै प्रतियोगिताका ४ उत्कृस्ट खेलाडीहरुलाई नेक्सस क्रिकेट एकेडेमीले १ बर्षका लागि भारतको दिल्लीमा निशुल्क प्रशिक्षण प्रधान गर्ने छ।    प्रतियोगितामा राम्रो प्रदर्शन गर्ने अन्य ५ खेलाडी समेत नेक्सस क्रिकेट एकेडेमीमा १ बर्षका लागि निशुल्क प्रशिक्षण पाउनेछन्।





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]