हाईस्कोरिंग खेलमा कोलकातालाई हराउदै चेन्नाई शिर्षमा



कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ।

मुम्बईको वानखेडे स्टेडियममा सम्पन्न खेलमा चेन्नाईले दिएको २२१ रनको लक्ष्य पछ्याउने क्रममा कोलकाताले १९.१ ओभरमा सम्पूर्ण विकेट गुमाएर २०२ रन मात्र बनाउन सक्यो।

लक्ष्य पछ्याउने क्रममा अत्यन्त खराब सुरुवात गरेको कोलकाताले पहिलो ५ विकेट ३१ रनको योगफलमै गुमाउन पुग्यो। दिपक चाहरले नितिश राना, शुबमन गिल, ओएन मोर्गन र सुनिल नारायणलाई पेभेलियन फर्काए।

पाँचौ विकेटको लागि दिनेश कार्तिक र आन्द्रे रसेलले मात्र ३६ बलमा ८१ रनको साझेदारी गरे।

प्याट कमिन्स

२२ बलमा ६ छक्का र ३ चौका मद्दतले ५४ रन बनाएका रसेल १२ औं ओभरमा स्याम करनबाट बोल्ड भए। त्यसपछि १५ औं ओभरमा दिनेश कार्तिक पनि लुंगी एनगीडीबाट एलबिडब्लु भए। कार्तिकले २४ बलमा ४ चौका र २ छक्का मद्दतले ४० रन बनाए।

कार्तिकको विकेटपछि प्याट कमिन्सले २३ बलमा आक्रामक अर्धशतक बनाउदै जितको आशा कायमै राखे। तर अर्को किनारमा लगातार विकेट जाँदा कोलकाता जितसम्म पुग्न असफल रह्यो।

कमिन्सले ३४ बलमा ४ चौका र ६ छक्का मद्दतले अविजित ६६ रन बनाएता पनि जितको लागि पर्याप्त भएन।

चेन्नाईको बलिंगमा दिपक चाहरले सर्वाधिक ४ विकेट लिए जुन क्रममा ४ ओभरमा २९ रन खर्चिए। लुंगी एनगीडीले ३ विकेट ( ४-०-२८-३ ) लिए भने स्याम करनले १ विकेट लिए।

फाफ डु प्लेसीले अविजित ९५ रन बनाए

यस अघि टस हारेर ब्याटिंग गरेको चेन्नाईले निर्धारित २० ओभरमा ३ विकेट क्षेतीमा २२० रन बनाएको थियो।

चेन्नाईको लागि फाफ डु प्लेसीले अविजित इनिंग्स खेल्ने क्रममा सर्वाधिक ९५ रन बनाए जुन क्रममा ६० बलमा ९ चौका र ४ छक्का प्रहार गरे। रुतुराज गायकवाडले ४२ बलमा ६ चौका र ४ छक्का मद्दतले ६४ रन बनाए। मोइन अलिले १२ बलमा २ चौका र २ छक्का मद्दतले २५ रन, महेन्द्र सिंह धोनीले ८ बलमा २ चौका र १ छक्का मद्दतले १७ रन तथा रभीन्द्र जडेजाले अविजित ६ रन बनाए।

डु प्लेसीले गायकवाडसंग ११५ रनको ओपनिंग साझेदारी गरे भने मोइन अलिसंग ५० रनको तथा धोनीसंग ३६ रनको साझेदारी गरे।

इनिंग्सको अन्तिम ५ ओभरमा चेन्नाईले ७६ रन बनाएको थियो।

कोलकाताको बलिंगमा वरुण चक्रवर्ती, सुनिल नारायण र आन्द्रे रसेलले समान १ विकेट लिए।

जित पछि ४ खेलमा ३ जित र १ हार बेहोरेको चेन्नाई ६ अंक बटुल्दै अंकतालिकाको शिर्षस्थानमा पुगेको छ। समान ६ अंक रहेता पनि बैंगलोर र दिल्ली नेट रन रेटमा पछि पर्दै दोश्रो र तेश्रो स्थानमा रहेको छ। हार पछि ४ खेलमा १ जित र ३ हार बेहोरेको कोलकाता २ अंक सहित छैठौं स्थानमा रहेको छ।

यो पनि पढ्नुस 

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पाकिस्तानको जितमा रिजवान र कादिर उत्कृस्ट





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]