आईपीएल २०२१ : संजु स्याम्सनको शतक बाबजुद राजस्थान पराजित



१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु स्याम्सन कप्तानीको राजस्थान रोयल्सलाई ४ रनले पराजित गर्दै विजयी सुरुवात गरेको छ।

मुम्बई स्थित वान्खेडे स्टेडियममा सम्पन्न खेलमा २२२ रनको विशाल लक्ष्य पछ्याएको राजस्थानले निर्धारित २० ओभरमा ७ विकेट गुमाएर २१७ रन मात्र बनाउन सक्यो। संजु स्याम्सनले शतकीय पारि खेलेता पनि टिमलाई जित दिलाउन भने सकेनन्।

खराब सुरुवात गरेको राजस्थानले २५ रनको योगफलमा ओपनरद्वय बेन स्टोक्स र मनन बोहोरालाई गुमायो। खाता नखोली स्टोक्स पहिलो ओभरमा मोहम्मद शामिबाट कट एण्ड बोल्ड आउट भए भने १२ रन बनाएका बोहोरालाई अक्षदीप सिंहले चौथौं ओभरमा कट एण्ड बोल्ड आउट पारे।

त्यसपछि कप्तान स्याम्सनले जोश बटलरसँग तेस्रो विकेटका लागि ५० रनको साझेदारी गर्दै राजस्थानको इनिन्ग्स अघि बढाए। १३ बलमा ५ चौकाको मद्धतमा २५ रन बनाएका बटलर झे रिचर्डसनको स्लअर योर्कर बलमा बिट हुँदै आठौँ ओभरमा बोल्ड भएका थिए। बटलर आउट भएपछि स्याम्सनले शिवम दुबेसँग चौथौं विकेटका लागि ५३ तथा रियान परागसँग ५२ रनको साझेदारी गर्दै राजस्थानलाई खेलमा जीवित राखे। १५ बलमा २३ रन बनाएका दुबेलाई अक्षदीपले हुड्डाबाट गराए। यस्तै ११ बलमा १ चौका र ३ छक्काको मद्धतमा २५ रन बनाएका परागलाई मोहम्मद शामिले विकेटकिपर राहुलबाट क्याच आउट गराए।

एक किनार सम्हालेका स्याम्सोनले ६३ बलमा १२ चौका र ७ छक्काको मद्धतमा ११९ रन बनाएता पनि टिमलाई जित दिलाउन सकेनन्। उनि खेलको अन्तिम बलमा आउट भएका थिए।

किंग्स पन्जाबलाई  जितका लागि अन्तिम २ ओभरमा २१ रनको आवश्यकता रहेको थियो। राइल मेरेडिथले १९ औं ओभरमा राहुल तेवाटियाको विकेटसँगै मात्र १ छक्कासहित ८ रन  र्चिएपछि पन्जाबलाई अन्तिम ओभरमा १३ रनको खाँचो थियो। अक्षदीपले अन्तिम ओभरको पहिलो बलमा रन दिएनन्। दोस्रो बलमा स्याम्सनले १ रन  लिदै मोरिसलाई  स्ट्राइक  दिए। तेस्रो बलमा मोरिसले मात्र १ रन  लिन सके। त्यसपछि चौथौं बलमा स्याम्सनले छक्का प्रहार गर्दै राजस्थानलाई खेलमा फर्काए। पाचौं बलमा स्याम्सनले रन नलिएपछि राजस्थानलाई  जितका लागि अन्तिम बलमा ५ रनको आवश्यकता रहेको थियो। अन्तिम बलमा स्याम्सन क्याच आउट हुन पुगे।

पपन्जाब किंग्सको बलिंगतर्फ अक्षदीप नाथले (४-०-३५-३) सर्वाधिक ३ विकेट लिए। यस्तै  मोहम्मद शामीले (४-०-३३-२) २ तथा झे रिचर्डसन (४-०-५५-१) र राइल मेरेडिथले  (४-०-४९-१) समान १ विकेट लिए।

यसअघि टस हारेर पहिले ब्याटिंगको निम्तो पाएको पन्जाब किंग्सले निर्धारित २० ओभरमा ६ विकेट गुमाएर २२१ रन बनाउँदै राजस्थान रोयल्सलाई २२२ रनको विशाल लक्ष्य प्रस्तुत गरेको थियो। पन्जाब किंग्सलाई विशाल लक्ष्यतर्फ उन्मुख पार्न कप्तान राहुल र हुड्डाले विस्फोटक ब्याटिंग गरे।

राजस्थानको सुरुवात खराब रह्यो। १४ रन बनाएका ओपनर मायाँक अग्रवाललाई चेतन सकारियाले आईपीएलमा (डेब्युटन्ट) आफ्नो पहिलो विकेट लिने क्रममा विकेटकिपर सन्जु स्याम्सनबाट क्याच आउट गराए। त्यसपछि अर्का ओपनर केएल राहुलले क्रिस गेलसँग दोस्रो विकेटका लागि ६७ रनको अर्धशतकीय साझेदारी गर्दै पन्जाब किंग्सको इनिन्ग्स सम्हाले। १० औं ओभरमा रियान परागले २८ बलमा ४ चौका र २ छक्काको मद्धतमा ४० रन बनाएका गेललाई स्टोक्सबाट लंग अनमा क्याच आउट गराउँदै साझेदारी तोडे।

त्यसपछि राहुलले दिपक हुड्डासँग तेस्रो विकेटका लागि १०५ रनको विस्फोटक शतकीय साझेदारी गरे। हुड्डालाई १८ औं ओभरमा क्रिस मोरिसले रियान परागबाट क्याच आउट गराए। त्यसअघि उनले २८ बलमा ४ चौका र ६ छक्काको मद्धतमा ६४ रन बनाए। हुड्डाले शिवम दुबेले गरेको १३ औं ओभरमा २ छक्का तथा श्रेयस गोपालको १४ औं ओभरमा ३ छक्का प्रहार गरेका थिए। सोहि ओभरमा मोरिसले निकोलास पुरनलाई खाता नखोली सकारियाबाट क्याच आउट गराए।

शतकबाट ९ रन टाँढा रहेका कप्तान राहुललाई सकारियाले अन्तिम ओभरमा राहुल तेवाटियाबाट क्याच आउट गराए। राहुलले ५० बलमा ७ चौका र ५ छक्काको मद्धतमा सर्वाधिक बनाए। यससंगै राहुलले पन्जाबको प्रतिनिधित्व गर्दै २००० रन पनि पुरा गरेका छन्। इनिन्ग्सको अन्तिम बलमा सकारियाले झे रिचर्डसनलाई आउट पार्दै तेस्रो विकेट लिए।

राजस्थान रोयल्सको बलिंगमा चेतन सकारियाले (४-०-३१-३) सर्वाधिक ३ तथा क्रिस मोरिसले (४-०-४१-२) २ विकेट लिए। यस्तै रियान परागले एक विकेट हात पारे भने अन्य बलर विकेटविहिन रहे।

लिग अन्तर्गत भोलि कोलकाता नाइट राइडर्स र मुम्बई इन्डियन्सबीच प्रतिस्पर्धा हुदैछ। खेल नेपाली समय अनुसार रातिको ७:४५ बजे चेन्नाई स्थित एमए चिदम्बरम स्टेडियममा सुरु हुनेछ।





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]