आईपीएल अनिश्चितकालको लागि स्थगित



बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित भएको छ।

मुम्बई इन्डीयन्स बिरुद्ध दिल्लीमा हुने सनराइजर्स हैदरावादको मंगलबारको खेल अघि हैदरावादका खेलाडीमा कोरोना संक्रमण देखिएपछि लिग स्थगित हुने भएको हो। हैदरावादका रिद्दिमान शाह तथा दिल्लीका अमित मिश्रालाई पनि कोरोना संक्रमण देखिएको हो।

भारतीय क्रिकेट बोर्डको बसीरहेको बैठकले प्रतियोगिता बारे अधिकारिक निर्णयहरु सार्वजनिक गर्नेछ। भारतीय बोर्डले जारि सिजनको आईपीएल सिमित मैदानमा आयोजना गरेको थियो तर बढ्दो कोरोना केसहरुको कारणले अब प्रतियोगिता सार्नुको बिकल्प आयोजकसंग नरहेको हो।

द हिन्दुका अनुसार आईपीएलका अध्यक्ष बृजेश पटेलले प्रतियोगिता स्थगित भएको बताईसकेका छन्।

“हामीले हालको लागि आईपीएल स्थगित गरेका छौँ। अब कहिले आयोजना हुनेछ भन्ने बारे पछि निर्णय हुनेछ। केहि बेरमा हामि अधिकारिक वक्तव्य जारि गर्ने छौँ।” पटेलले बताए।

सबैभन्दा पहिले वरुण चक्रवर्ती र सन्दिप वारियरलाई कोरोना संक्रमण देखिएको थियो

भारतीय मिडियाहरुका अनुसार यो निर्णय लिनु अघि बिसीसीआईले प्रतियोगिताको भविष्य बारे सम्बन्धित टिमहरुसंग पनि धारणा माग गरेको थियो। त्यस मध्ये केहि टिमले प्रतियोगिता पूर्णत स्थगित गर्नुपर्ने बताएका थिए।

यस अघि चेन्नाई सुपर किंग्सका बलिंग प्रशिक्षक लक्ष्मीपति बालाजीलाई पनि कोरोना देखिएपछि चेन्नाई र राजस्थान बीचको खेल सार्दै पुरा टिमलाई क्वारेन्टाइनमा राखिएको थियो। यस्तै रोयल च्यालेन्जर्स बैंगलोर र कोलकाता नाइट राईडर्स बीचको अहमदावादमा मे ३ तारिख सोमबार हुने खेल पनि कोलकाताका दुई खेलाडी वरुण चक्रवर्ती र सन्दिप वारियर कोरोना पोजेटिभ देखिएपछि सारिएको थियो।

आईपीएलमा हालसम्म ३० वटा खेलहरु खेलीसकिएका छन् भने ३० वटा खेल हुन बाँकी रहेको छ।लिग अंकतालिकामा दिल्ली १२ अंक सहित पहिलो स्थानमा रहेको छ। चेन्नाई, बैंगलोर, मुम्बई, राजस्थान, पन्जाब, कोलकाता रहैदरावाद दोश्रो देखि आठौँ स्थानसम्म रहेको छ।

कोरोनाका कारण बीचमै रोकिए आईपीएल दोश्रो क्रिकेट लिग बनेको छ। यस अघि कोरोनाकै कारण यसै वर्ष मार्चमा पाकिस्तान सुपर लिगको खेल पनि बीचमै रोकिएको थियो। लिगको बाँकी खेलहरु अब जुनमा खेलिनेछ।

धेरैले पढेको

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

नेपाली खेलाडी सुनम गौतम महँगो मूल्यमा अस्ट्रेलियाको ब्रिसबेन प्रिमियर लिग खेल्न छनोट

 





थप समाचार

‘टस जितेर न्युजिल्यान्डले बलिंग गरे भारत सस्तोमा समेटिनेछ’ – शेन बोन्ड

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिपको उपाधिको लागि जुन १८ तारिख शुक्रबार प्रतिस्पर्धा हुनेछ। इतिहासकै पहिलो टेस्ट च्याम्पियनसिप […]

पाकिस्तान सुपर लिग छोडेर डु प्लेसिस घर फर्कने

दक्षिण अफ्रिकी क्रिकेटर फाफ डु प्लेसीसले युएईको अबुधाबीमा जारि पाकिस्तान सुपर लिगको आगामी खेल नखेल्ने र प्रतियोगिता छाडेर दक्षिण अफ्रीका […]

PSL : सरफराज कप्तानीको क्वेटाको दोश्रो जित

लाहोर कलन्दर्सलाई १८ रनले पराजित गर्दै क्वेटा ग्ल्याडीएटर्सले पाकिस्तान सुपर लिगमा आठौँ खेल खेल्दा दोश्रो जित दर्ता गरेको छ। शेख […]

वर्ल्ड टेस्ट च्याम्पियनसिप फाइनलको लागि भारतीय टिमको घोषणा

न्युजिल्यान्ड बिरुद्ध १८ जुनमा खेलिने आईसीसी वर्ल्ड टेस्ट च्याम्पियनसिपको लागि भारतीय क्रिकेट बोर्ड ( बिसीसीआई ) ले १५ सदस्यीय टोलिको […]

भारत बिरुद्ध टेस्ट च्याम्पियनसिप फाइनलको लागि न्युजिल्यान्ड टिमको घोषणा

भारत र न्युजिल्यान्ड बीच इंग्ल्यान्डमा खेलिने आईसीसी वर्ल्ड टेस्ट च्याम्पियनसिपको फाइनल खेलमा केन विलियमसन न्युजिल्यान्ड टिमको नेतृत्व गर्न उपलब्ध भएका […]

हाईस्कोरिंग खेलमा मुनरो र एहमदको शानदार ब्याटिंग, इस्लामावादको उत्कृस्ट जित

कोलिन मुनरो र इफ्तिखार एहमदले आक्रामक ब्याटिंग गर्दा पाकिस्तान सुपर लिग अन्तर्गत २२ औं खेलमा इश्लामावाद युनाइटेडले ८ विकेटको शानदार […]