सन्दिपले फेरी पाएनन् मौका, चेन्नाईसंग दिल्ली पराजित



इन्डियन प्रिमियर लिग ( आईपीएल ) अन्तर्गत आफ्नो दोश्रो खेलमा दिल्ली क्यापिटल्सलाई चेन्नाई सुपर किंग्सले ६ विकेटले पराजित गरेको छ। दिल्लीले दिएको १४८ रनको लक्ष्य चेन्नाईले ४ विकेट गुमाएर पुरा गरेको हो ।

लिगको दोश्रो खेलमा जित हात पार्दै चेन्नाई लिग अंकतालिकाको शिर्षस्थानमा उक्लेको छ। २ खेलमा १ जित र १ हार बेहोर्दै दिल्ली दोश्रो स्थानमा रहेको छ।

सन्दिप फेरी परेनन् अन्तिम-११ मा 

आफ्नो पहिलो खेलमा सन्दिप लामिछाने बिना उत्रेको दिल्लीले दोश्रो खेलमा पनि सोहि निर्णय गर्यो। अनुभवी लेग स्पिनर अमित मिश्रालाई मौका दिंदा अन्तिम-११ मा दिल्लीले ३ जना मात्र विदेशी खेलाडीलाई मौका दियो। स्पिनरलाई मदत गर्ने दिल्ली फिरोजशाह कोटला मैदानको पिचमा सन्दिपलाई मौका दिने विश्वास गरिएको थियो। टिममा रहेका अर्का लेग स्पिन अल-राउण्डर राहुल तेवतिया तथा अक्षर पटेलको उपस्थितिलाई चिर्न सन्दिपले सकेनन्।

वाटसनको आक्रमण र धोनीको धैर्यता 

१४८ रनको लक्ष्य पछ्याउने क्रममा चेन्नाईले ओपनर अम्बाती रायडू ( ५ रन ) लाई छिट्टै गुमाउन पुग्यो। त्यसपछि दोश्रो विकेटको रुपमा अर्का ओपनर शेन वाटसनले सुरेश रैनासंग ५२ रनको साझेदारी गरे।

आक्रामक इनिंग खेलेका वाटसनले ४४ रन बनाएर आउट हुनु अघि २६ बलमा ३ छक्का र ४ चौका प्रहार गरे। सुरेश रैना पनि ३० रन ( १६ बलमा १ छक्का र ४ चौका ) बनाएर आउट भए।

११ औं ओभरमा ९८/३ को अवस्थामा पुगेको चेन्नाईको ब्याटिंगलाई कप्तान महेन्द्र सिंह धोनी र केदार जाधबले साझेदारी गर्दै अघि बढाए।

दिल्लीले कसिलो बलिंग गर्दा चेन्नाईलाई अन्तिम २ ओभरमा जितको लागि ११ रन आवस्यक थियो जुन बेला बाउन्ड्रीमा रन मुस्किलले बनिरहेको थियो। १९ औं ओभरमा बलिंग गर्न अमित मिश्रा आए जसले पहिलो ४ बलमा मात्र ३ रन दिए। त्यो अवस्थामा धोनीले मिश्राको पाँचौ बललाई छक्का प्रहार गर्दै चेन्नाईलाई जितको दिशा दिएका थिए।

अन्तिम ओभरमा मात्र २ रन आवस्यक रहंदा चेन्नाईको जितलाई मुस्किल बनाउन तिब्र गति कागीसो रबाडाले पहिलो बलमा २७ रन बनाएर ब्याटिंग गरिरहेका केदार जाधबलाई आउट गरे।

त्यसपछि ब्याटिंगमा आएका ड्वेन ब्राभोलाई लगातार २ बलमा रबाडाले रन दिएनन्। ओभरको चौथो बलमा ब्राभोले चौका प्रहार गर्दै चेन्नाईलाई लगातार दोश्रो जित दिलाउन विजयी रन प्रहार गरे।

धोनी ३२ रनमा अविजित रहे जुन क्रममा ३५ बलमा २ चौका र १ छक्का प्रहार गरे। ब्राभोले अविजित ४ रन बनाए।

दिल्ली बलर अमित मिश्राले २ विकेट ( ४-०-३५-२ ) लिए भने इशान्त शर्मा, कागीसो रबाडाले १/१ विकेट लिए।

दिल्लीको ब्याटिंग 

टस जितेर ब्याटिंग गरेको दिल्लीले निर्धारित ओभरमा ६ विकेट गुमाएर १४७ रनको योगफल तयार गरेको थियो।

ओपनर शिखर धवनले ५१ रन बनाए पनि अन्य ब्याट्सम्यानले ठुलो योगफल बनाउन सकेनन्। ओपनर प्रिथ्भी श २४ ( १६ बलमा ५ चौका ) बनाएर आउट हुनु अघि पहिलो विकेटको लागि धवनसंग ३६ रनको साझेदारी गरे।

दोश्रो विकेटको लागि धवन र कप्तान श्रेयस ऐयरले ४३ रनको साझेदारी गरेपछि ऐयर १८ रन ( २० बलमा १ छक्का ) बनाएर आउट भए। तेश्रो विकेटको लागि रिशभ पन्त र धवनले ४१ रन बनाएपछि अघिल्लो खेलका हिरो पन्त २५ रन ( १३ बलमा १ चक्क्का र २ चौका ) बनाएर आउट भए।

 

पन्तको विकेटपछि कोलिन इन्ग्राम २ रन, केमो पौल खाता नखोली तथा धवन ५१ रन बनाएर आउट हुन पुगे। धवनले ५१ रन बनाउन ४७ बलमा ७ चौका प्रहार गरे।

अन्तिमको ५ ओभरमा दिल्लीले मात्र २९ रन बनाउदा ४ विकेट गुमाउन पुग्यो।

चेन्नाईको लागि ड्वेन ब्राभोले ३ विकेट ( ४-०-३३-३ ) लिने क्रममा धवन, पन्त र इन्ग्रामको महत्वपूर्ण विकेट लिए। दिपक चाहर, रभिंद्र जडेजा र इमरान ताहिरले १/१ विकेट लिए।

आईपीएल अन्तर्गत बुधबार हुने खेलमा कोलकाता नाइट राईडर्सले किंग्स ११ पन्जाबको सामना गर्नेछ। दिल्लीले आफ्नो आगामी खेल मार्च ३० तारिक शनिबार कोलकातासंग घरेलु मैदानमा खेल्नेछ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]