आईपीएल फाइनल पुग्न चेन्नाईद्वारा मुम्बईलाई १३२ रनको लक्ष्य



  • विकेटनेपाल, बैशाख २४ – मंगलबार 

इन्डियन प्रिमियर लिग आईपीएल अन्तर्गत मुम्बई इन्डिएन्स र चेन्नाई सुपर किंग्स बीच पहिलो क्वालीफायर खेल एमए चिदम्बरम स्टेडियम चेन्नाईमा जारि छ। आज जित्ने टिम आईपीएलको फाइनल प्रवेश गर्नेछ भने हार्ने टिमले पुनः अर्को मौका पाउनेछ। चेन्नाई गत संस्करणको विजेता टिम समेत हो ।

पहिले ब्याटिंग गरेको चेन्नाईले निर्धारित २० ओभरमा ४ विकेट गुमाएर १३१ रन बनाउदै मुम्बईलाई १३२ रनको लक्ष्य प्रस्तुत गरेको छ।

खेलमा टस जितेर ब्याटिंग रोजेको चेन्नाईको सुरुवात राम्रो हुनसकेन। ओपनर फाफ डु प्लेसिस ६ , शेन वाटसन १० तथा सुरेश रैना २६ रन बनाएर आउट हुँदा ३२ रनमा चेन्नाईले ३ विकेट गुमाउन पुग्यो।

चौथो विकेटको लागि मुरली विजय र अम्बाती रायडुले ३३ रनको साझेदारी गरे। विजय २६ रन बनाएर आउट भएपछि रायडु र कप्तान महेन्द्र सिंह धोनीले टिमलाई अघि बढाए।

धोनी र रायडुले पाँचौ विकेटको लागि अविजित ६६ रनको साझेदारी गरे। रायडुले ३७ बलमा ३ चौका र १ छक्का मदतले ४२ रन तथा धोनीले २९ बलमा ३ छक्का मदतले ३७ रन बनाए।

 

किफायती बलिंग गरेका मुम्बईको लागि राहुल चाहरले ४ ओभरमा १४ रन मात्र खर्चेर २ विकेट लिए। क्रुनल पान्ड्या ( ४-०-२१-१ ) र जयन्त यादब ( ३-०-२५-१ ) ले १/१ विकेट लिए।

लिग चरण अंकतालिकामा मुम्बई पहिलो र चेन्नाई दोश्रो हुँदै प्ले-अफ चरण प्रवेश गरेको थियो। प्रतियोगिताको इलिमीनेटर खेलमा भोलि दिल्ली क्यापिटल्स र सनराइजर्स हैदराबाद प्रतिस्पर्धा गर्नेछन् ।

( फोटो – IPLT20.com )

 





थप समाचार

WTC FINAL : अम्पायर रिभ्युमा अल्ट्रा एज हेरिएपछिको अन्योल, जान्नुस के भएको थियो

भारत र न्युजिल्यान्ड बीच वर्ल्ड टेस्ट च्याम्पियनसिपको फाइनल अन्तर्गत शनिवार दोश्रो दिन अन-फिल्ड अम्पायर रिचर्ड इलिंगवर्थले बिराट कोहली विकेटको पछाडी […]

न्युजिल्यान्डले स्पिनर नखेलाउदा वार्न निराश, वार्नलाई सलमान बटको प्रश्न

अस्ट्रेलियन महान क्रिकेटर शेन वार्नले वर्ल्ड टेस्ट च्याम्पियनसिप फाइनलमा न्युजिल्यान्डले स्पिनरलाई मौका नदिएकोमा आलोचना गरेका छन्। भारत र न्युजिल्यान्ड बीचको […]

नयाँ कीर्तिमान बनाउदै विश्वकै एक मात्र खेलाडी बने कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्ड बिरुद्ध कप्तानी गरिरहेका भारतीय खेलाडी बिराट कोहलीले ठूलो कीर्तिमान आफ्नो नाम गरेका छन्। कोहली […]

वेस्टइन्डिजको ब्याटिंग समस्या निरन्तर, लगातार शतक बनाउन चुके डीकक

कमजोर ब्याटिंगका कारण पहिलो टेस्ट इनिंग्स अन्तरले हारेको वेस्टइन्डिजले दोश्रो टेस्टमा पनि उही समस्या दोहोर्याएको छ। दक्षिण अफ्रीका बिरुद्ध घरेलु […]

रानाको जुझारु इनिंग्स, भारत टेस्ट जोगाउन सफल

कमजोर ब्याटिंग गरेपछि फलो अन जोगाउन नसकेको भारतले दोश्रो इनिंग्समा उत्कृस्ट पुनरागमन गर्दै इंग्ल्यान्ड बिरुद्धको एक मात्र टेस्ट बराबरी गर्न […]

WTC FINAL : लगातार विकेट पछि भारत सम्हालियो, अर्धशतक नजिक कोहली

भारत र न्युजिल्यान्ड बीच इंग्ल्यान्डको साउथह्याम्पटनमा जारि आईसीसी वर्ल्ड टेस्ट च्याम्पियनसिपको फाइनल खेलको दोश्रो दिनको खेल समाप्त भएको छ। पहिलो […]