दुई यादव चम्किंदा दिल्लीद्वारा मुम्बई पराजित



कुलदिप यादव र ललित यादवले उत्कृस्ट प्रदर्शन गर्दा दिल्ली क्यापिटल्सले आईपीएलमा विजयी सुरुवात गरेको छ।

मुम्बई स्थित ब्राबर्न स्टेडियममा मुम्बईलाई ४ विकेटले पराजित गर्ने क्रममा १७८ रनको लक्ष्य दिल्लीले १० बल बाँकी रहँदै ६ विकेट गुमाएर भेटायो।

लक्ष्य पछ्याउने क्रममा दिल्लीले ३२ रन बनाउदा ३ विकेट गुमायो। चौंथो विकेटको लागि पृथ्वी शले ललित यादवसंग ४० रन जोडे। दशौँ ओभरमा पृथ्वी ३८ रन बनाएर आउट भएपछि यादवले एक किनार सम्हाले। उनले छैठौं विकेटको लागि शार्दुल ठाकुरसंग ३२ रन जोडे। ११ बलमा ४ चौका मद्दतले २२ रन बनाएर ठाकुर आउट भएपछि यादवले अक्षर पटेलसंग मात्र ३० बलमा ७५ रनको साझेदारी गर्दै जितसम्म पुर्याए।

यादवले ३८ बलमा ४ चौका र २ छक्का मद्दतले अविजित ४८ रन तथा पटेलले १७ बलमा २ चौका र ३ छक्का मद्दतले अविजित ३८ रन बनाए।

मुम्बई बलर बसिल थम्पीले ३ विकेट ( ४-०-३५-३ ) तथा मुरुगन आश्विनले २ विकेट ( ४-०-१४-२ ) लिएता पनि जित्न पर्याप्त रहेन।

टस हारेर ब्याटिंग गरेको मुम्बईले २० ओभरमा ५ विकेट क्षेतीमा १७७ रन बनाएको थियो।

मुम्बईको लागि ओपनर इशान किशनले अविजित ८१ रन बनाए जुन क्रममा ४८ बलमा ११ चौका र २ छक्का प्रहार गरे। यस्तै कप्तान रोहित शर्माले ४१, तिलक वर्माले २२ तथा टिम डेभिडले १२ रन योगदान दिए।  किशनले रोहितसंग ६७ रनको ओपनिंग साझेदारी गरे।

दिल्लीका बलर कुलदिप यादवले १८ रन खर्चेर ३ विकेट तथा खलिल एहमदले २७ रन खर्चेर २ विकेट लिए।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]