IPL : कोलकाता द्वारा राजस्थानलाई १७५ रनको लक्ष्य



युएईमा जारि आईपीएल २०२० अन्तर्गत १२ औं खेलमा राजस्थान रोयल्स र कोलकाता नाइट राइडर्सले प्रतिस्पर्धा गरिरहेका छन्। लिग अन्तर्गत दुवै टिम तेश्रो खेल खेल्दैछन्।

टस जितेर राजस्थानले बलिंग रोजेपछि ब्याटिंग गरेको कोलकाताले निर्धारित २० ओभरमा ६ विकेट गुमाएर १७४ रन बनाउदै राजस्थानलाई १७५ रनको लक्ष्य प्रस्तुत गरेको छ।

कोलकाताको लागि ओपनर शुबमन गिलले सर्वाधिक ४७ रन ( ३४ बलमा ५ चौका र १ छक्का ) बनाए। यस्तै  ओएन मोर्गनले अविजित ३४ रन बनाए जुन क्रममा १ चौका र २ छक्का प्रहार गरे। आन्द्रे रसेलले २४, नितिश रानाले २२, सुनिल नारायणले १५, प्याट कमिन्सले १२ तथा कमलेश नगरकोटीले अविजित ८ रन बनाए।

ओपनर शुबमन गिलले

कोलकाताका माथिल्लो क्रमका ब्याट्सम्यानहरुले सुरुवात राम्रो गरे पनि विकेट भने निरन्तर अन्तरालमा गुमाए। पाँचौ ओभरमा सुनिल नारायण १४ बलमा २ चौका र १ छक्का मद्दतले १५ रन बनाएर जयदेव उनदकतबाट बोल्ड भए। उनले गिलसंग पहिलो विकेटको लागि ३६ रन जोडे।

दोश्रो विकेटको लागि गिलले नितिश रानासंग ४६ रनको साझेदारी गरे। १७ बलमा २ चौका र १ छक्का मद्दतले २२ रन बनाएका रानालाई १० औं ओभरमा लेग स्पिनर राहुल तेवतियाले क्याच आउट गराए। ४७ रन बनाएका गिललाई १२ औं ओभरमा जोफ्रा आर्चरले आफ्नै बलमा आफैले क्याच गर्दै पेभेलियन फर्काए। १४ औं ओभरमा १ रन बनाएका कप्तान दिनेश कार्तिकलाई पनि आर्चरले विकेटकिपर बटलरबाट क्याच आउट गराए।

१५ औं ओभरमा अंकित राजपुतले २४ रन बनाएका आन्द्रे रसेललाई क्याच आउट गराए। १४ बलमा ३ छक्का हिर्काएका रसेल वाइड योर्करमा छक्का हिर्काउन जाने क्रममा उनदकतबाट समातिन पुगे। राम्रो सुरुवात पछि लगातार विकेट गुम्दा कोलकाता ८२/१ बाट ११५/५ को अवस्थामा पुग्यो।

जोफ्रा आर्चरले शानदार बलिंग गरे

छैठौं विकेटको लागि ओएन मोर्गनले प्याट कमिन्ससंग ३४ रनको साझेदारी गरे। कमिन्सलाई टम करनले १८ औं ओभरमा क्याच आउट गराए। त्यसपछि मोर्गनले कमलेश नगरकोटीसंग अन्तिमसम्म ब्याटिंग गरे जुन क्रममा अविजित २५ रनको साझेदारी गरे।

राजस्थानको बलिंगमा जोफ्रा आर्चरले सर्वाधिक २ विकेट लिए जुन क्रममा ४ ओभरमा १८ रन मात्र खर्चे। पहिलो ३ ओभरमा आर्चरले मात्र ४ रन खर्चेर २ विकेट लिएका थिए। अंकित राजपुत ( ४-०-३९-१ ) , जयदेव उनदकत ( २-०-१४-१) , टम करन ( ४-०-३७-१ ) र राहुल तेवतिया ( १-०-६-१ ) ले समान १ विकेट लिए। श्रेयस गोपाल ( ४-०-४३-० ) विकेट विहिन रहे।

अंकतालिकामा शिर्षस्थानमा रहेको राजस्थानले खेलेको दुवै खेलमा जित दर्ता गर्ने क्रममा चेन्नाईलाई १६ रनले तथा पन्जाबलाई ४ विकेटले पराजित गरेको थियो। कोलकाताले मुम्बईसंग ४९ रनको हार पछि दोश्रो खेलमा हैदरावादलाई ७ विकेटले पराजित गरेको थियो।

आईपीएलमा सट्टेबाजी खेलाउने तीन जना पक्राउ

सिद्धार्थ रङ्गशालाः १० वर्षमा १० प्रतिशत काम

ब्राभो र रायडु खेल्न फिट छन् ? चेन्नाईका सीईओले दिए अपडेट

“जब म्यान अफ द म्याच हुन्थे वहाँ सधै मसंग राति कुरा गर्नुहुन्थ्यो”





थप समाचार

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]