राजस्थानको अपराजित यात्रा रोक्दै, दोश्रो जित पछि कोलकाताको अंकतालिकामा फड्को



युएईमा जारि १३ औं आईपीएल अन्तर्गत १२ औं खेलमा कोलकाता नाइट राइडर्सले राजस्थान रोयल्सलाई ३७ रनले पराजित गर्दै लगातार दोश्रो जित दर्ता गरेको छ।

दुबई अन्तर्राष्ट्रिय स्टेडियममा सम्पन्न खेलमा कोलकाताले दिएको १७५ रनको लक्ष्य पछ्याउने क्रममा राजस्थानले २० ओभर ब्याटिंग गरेता पनि ९ विकेट गुमाएर १३७ रन मात्र बनाउन सक्यो।

कमजोर सुरुवात गरेको राजस्थानले सुरुवात देखि विकेट लगातार विकेट गुमाएको थियो। माथिल्लो क्रमका ब्याट्सम्यानहरु जोस बटलर २१, स्टिभ स्मिथ ३, सन्जु स्यामसन ८, रोबिन उथप्पा २, रियान पराग १ रन बनाएर आउट भए। फलस्वरुप आठौँ ओभरमा ४२/५ को अवस्थामा पुगेको राजस्थान त्यसपछि कुनै पनि बेला खेलमा फर्कन सकेन।

राहुल तेवतिया र टम करनले छैठौं विकेटको लागि २४ रनको साझेदारी गरे तर तेवतियालाई ११ औं ओभरमा बरुण चक्रवर्तीले बोल्ड गर्दै कोलकातालाई पूर्णत हावी गराए। टम करनले एक किनार सम्हालेर ब्याटिंग गरे पनि अर्को किनारमा विकेट जाने क्रम थामिएन।

करनले अविजित ५४ रन रन बनाउने क्रममा ३६ बलमा २ चौका र ३ छक्का प्रहार गरे। लिगमा उनको यो पहिलो अर्धशतक हो।

कोलकाताको बलिंगमा युवा पेस बलर कमलेश नगरकोटी ( २-०-१३-२ ), शिभम माभी ( ४-०-२०-२ ) र लेग स्पिनर वरुण चक्रवर्ती ( ४-०-२५-२ ) ले समान २ विकेट लिए। प्याट कमिन्स ( ३-०-१३-१ ) , सुनिल नारायण ( ४-०-४०-० ) र कुलदिप यादब ( ३-०-२०-१ ) ले समान १ विकेट लिए।

कोलकाताको ब्याटिंग 

यस अघि टस हारेर ब्याटिंग गरेको कोलकाताले  २० ओभरमा ६ विकेट गुमाएर १७४ रन बनाएको थियो।

ओपनर शुबमन गिलले सर्वाधिक ४७ रन बनाए

कोलकाताको लागि ओपनर शुबमन गिलले सर्वाधिक ४७ रन ( ३४ बलमा ५ चौका र १ छक्का ) बनाए। यस्तै  ओएन मोर्गनले अविजित ३४ रन बनाए जुन क्रममा १ चौका र २ छक्का प्रहार गरे। आन्द्रे रसेलले २४, नितिश रानाले २२, सुनिल नारायणले १५, प्याट कमिन्सले १२ तथा कमलेश नगरकोटीले अविजित ८ रन बनाए।

ओपनर गिलले पहिलो विकेटको लागि सुनिल नारायणसंग ३६, दोश्रो विकेटको लागि नितिश रानासंग ४६ रनको साझेदारी गरेका थिए। गिलको विकेट जाँदा ८९/३ रहेको कोलकाताले त्यसपछि लगातार विकेट गुमाएको थियो। कप्तान दिनेश कार्तिक, आन्द्रे रसेल छिट्टै आउट भएपहि ओएन मोर्गनले प्याट कमिन्ससंग छैठौं विकेटको लागि ३४ रनको तथा सातौँ विकेटको लागि कमलेश नगरकोटीसंग अविजित २५ रनको साझेदारी गरेका थिए।

राजस्थानको बलिंगमा जोफ्रा आर्चरले सर्वाधिक २ विकेट लिए जुन क्रममा ४ ओभरमा १८ रन मात्र खर्चे। त्यस क्रममा आर्चरले शुबमन गिल र दिनेश कार्तिकको विकेट लिए। स्पेलको पहिलो ३ ओभरमा आर्चरले मात्र ४ रन खर्चेर २ विकेट लिएका थिए। कित राजपुत ( ४-०-३९-१ ) , जयदेव उनदकत ( २-०-१४-१) , टम करन ( ४-०-३७-१ ) र राहुल तेवतिया ( १-०-६-१ ) ले समान १ विकेट लिए। श्रेयस गोपाल ( ४-०-४३-० ) विकेट विहिन रहे।

अंकतालिका र आगामी खेल 

लिग अन्तर्गत पहिलो खेलमा मुम्बईसंग ९ विकेटले पराजित भएको कोलकाता त्यसपछि लगातार २ जित दर्ता गर्दै अंकतालिकामा फड्को मारेको छ। अघिल्लो खेलमा कोलकाताले हैदरावादलाई ७ विकेटले पराजित गरेको थियो। अंकतालिकामा कोलकाता सातौँ स्थानबाट उक्लने क्रममा दोश्रो स्थानमा पुगेको छ।

समान अंक रहेता पनि दिल्ली पहिलो स्थानमा रहेको छ। समान अंक रहेता पनि राजस्थान तेश्रो र बैंगलोर चौथो स्थानमा रहेको छ। लिगमा सबै टिम कम्तिमा १ पटक पराजित भएका छन्।

लिग अन्तर्गत बिहिबारको खेलमा मुम्बई इन्डीएन्स र किंग्स-११ पन्जाबले प्रतिस्पर्धा गर्नेछन्। राजस्थानले आगामी खेल शनिवार बैंगलोर बिरुद्ध खेल्नेछ। कोलकाताले पनि सोहि दिन दिल्ली बिरुद्ध खेल्ने तालिका रहेको छ।

क्रिकेट संघ अध्यक्ष चन्दलाई कोरोना संक्रमण

आईपीएलमा सट्टेबाजी खेलाउने तीन जना पक्राउ

सिद्धार्थ रङ्गशालाः १० वर्षमा १० प्रतिशत काम

ब्राभो र रायडु खेल्न फिट छन् ? चेन्नाईका सीईओले दिए अपडेट

स्वर्गीय आमालाई राशिदले सम्झिए – “जब म्यान अफ द म्याच हुन्थे वहाँ सधै मसंग राति कुरा गर्नुहुन्थ्यो”





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]