चेन्नाई बिरुद्ध पन्जाबले टस जितेर ब्याटिंग गर्ने, टिममा ३ वटा परिवर्तन



युएईमा जारि आईपीएल टि-२० अन्तर्गत आइतबारको दोश्रो खेलमा चेन्नाई सुपर किंग्स र किंग्स-११ पन्जाब प्रतिस्पर्धा गर्दैछन्। खेल ७:४५ बजे सुरु हुनेछ। ४ खेलमा समान १ जित र ३ हार बेहोरेको दुवै टिम अंकतालिकाको पुछारमा छन्। पन्जाब सातौँ र चेन्नाई आठौँमा स्थानमा छ। आजको खेल जित्दै शिर्ष-४ भित्र प्रवेश गर्ने बाटो बनाउने दुवै टिमको चाहना छ।

पन्जाबले टस जितेर ब्याटिंग गर्ने 

दुबई अन्तर्राष्ट्रिय स्टेडियममा टस जितेर पन्जाब कप्तान केएल राहुलले पहिले ब्याटिंग गर्ने निर्णय लिएका छन्।

पन्जाबले टिममा ३ वटा परिवर्तन गरेको छ। करुण नायर, कृष्णप्पा गोथम र जिम्मी निशमलाई बाहिर राखिएको छ। मन्दिप सिंह, हर्प्रित ब्रर र क्रिस जोर्डनले अन्तिम-११ मा मौका पाएका छन्। टस जितेपछि राहुलले विकेट राम्रो रहेको र दोश्रो इनिंगमा सुस्त हुने विश्वास गरे। उनले विशाल योगफल बनाउदै चेन्नाईलाई दबाब दिने बताए।

पन्जाबको अन्तिम ११ : केएल राहुल ( कप्तान/विकेटकिपर ) , मायाँक अग्रवाल, निकोलस पुरन, ग्लेन म्याक्सवेल, सरफराज खान, क्रिस जोर्डन, रभी बिस्नोइ, शेल्डन कटरेल, मोहम्मद शामी, मन्दिप सिंह र हर्प्रित ब्रर

चेन्नाईले अघिल्लो खेलकै अन्तिम-११ खेलाएको छ। टसको क्रममा धोनीले आफ्नो टिमले राम्रो क्रिकेट नखेलेको बताए। उनले टिम सन्तुलित देखिएको र दोश्रो ब्याटिंग गर्दा खुसिनै रहेको बताए। लक्ष्य पछ्याउने क्रममा आफ्नो टिम अनुभवी रहेको समेत उनले बताए।

चेन्नाईको अन्तिम ११ : फाफ डु प्लेसी , शेन वाटसन, अम्बाति रायडु, केदार जाधब, महेन्द्र सिंह धोनी ( कप्तान/विकेटकिपर ) , रभीन्द्र जडेजा, स्याम करन, ड्वेन ब्राभो, दिपक चाहर, शार्दुल ठाकुर, पियुष चावला

चेन्नाई :  पहिलो खेलमा मुम्बईलाई पराजित गरेता पनि त्यसपछि लगातार ३ हार बेहोरेको चेन्नाईले अन्तिम खेलमा हैदरावादले दिएको १६५ रनको लक्ष्य पछ्याउन असफल रहेको थियो। अम्बाति रायडु टिममा फर्के पनि माथिल्लो क्रमका ब्याट्सम्यानहरु चलन नसक्दा टिमको हारको कारण बनेको थियो। रभीन्द्र जडेजाले ५० तथा धोनीले अविजित ४७ रन बनाए पनि जितको लागि पर्याप्त रहेको थिएन। फाफ डु प्लेसी राम्रो लयमा रहेता पनि शेन वाटसन र केदार जाधब फ्लप भैरहेका छन्। धोनीले रन बनाएता पनि पहिले जस्तो सुरुवात देखि आक्रामक सट खेल्न सकीरहेका छैनन्। अलराउण्डर स्याम करन र ड्वेन ब्राभो तथा दिपक चाहर, पियुष चावला, जडेजा जस्ता बलरहरु रहेको टिम सन्तुलित देखिएता पनि जितको लय पाउन सकेको छैन।

पन्जाब : अर्कोतर्फ लिगमा राम्रो प्रदर्शन गर्दा गर्दै पनि पन्जाबले अधिकांश खेलहरु नजिक पुगेर हारेको छ। दिल्लीसंग सुपर ओभरमा होस् या राजस्थानको चमत्कारिक जित टिम महत्वपूर्ण समयमा चुकीरहेको छ। कप्तान मायाँक अग्रवाल र केएल राहुलले राम्रो लय देखाएका छन् भने पछिल्लो खेलमा निकोलस पुरनले पनि राम्रो ब्याटिंग गरेका थिए। तर ग्लेन म्याक्सवेल, जिम्मी निशमको फर्मले टिम चिन्तित छ। बलिंगमा मोहमद शामी, शेल्डन कटरेल र रभी बिस्नोइले राम्रो गरेता पनि डेथ ओभर बलिंग टिमको चिन्ता बनेको छ।

‘कार्तिकको सट्टा कोलकाताको कप्तानी मोर्गनले गर्नुपर्छ’ – श्रीसंत

आईपीएलमा सट्टेबाजको सक्रियता, एक खेलाडीलाई गरियो सम्पर्क

दोश्रो हार पछि स्मिथले औल्याए टिमको कमजोर पक्ष

लयमा फर्केका कोहलीले बनाए नयाँ इतिहास





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]