रोमान्चक खेलमा कोलकातासंग पन्जाब २ रनले पराजित, पन्जाबको लगातार पाँचौ हार



युएईमा जारि आईपीएल २०२० अन्तर्गत अत्यन्त रोमान्चक रहेको खेलमा पन्जाबलाई २ रनले पराजित गर्दै कोलकाता नाइट राइडर्सले चौथो जित दर्ता गरेको छ। ( अंकतालिका सबैभन्दा तल ) 

२ रनको जित कोलकाताको लिग इतिहासकै संयुक्त रुपमा सबैभन्दा कम रन अन्तरको जित हो। यस अघि २०१४ मा कोलकाताले बैंगलोरलाई युएईमै शारजाह मैदानमा २ रनले पराजित गरेको थियो।

शेख जायद स्टेडियममा टस जितेर ब्याटिंग गर्दै कोलकाताले दिएको १६५ रनको लक्ष्य पछ्याउने क्रममा पन्जाबले २० ओभरमा ५ विकेट गुमाएर १६२ रन बनायो।

पन्जाबको लागि कप्तान केएल राहुलले सर्वाधिक ७४ रन बनाउने क्रममा ५८ बलमा ६ चौका प्रहार गरे। यस्तै मायाँक अग्रवालले ३९ बलमा ६ चौका र १ छक्का प्रहार गर्दै ५६ रन बनाए।

केएल राहुल र मायाँक अग्रवालले पहिलो विकेटको लागि शतकीय साझेदारी गरे

पहिलो विकेटको लागि राहुल र अग्रवालले ११५ रनको साझेदारी गरेका थिए। १५ औं ओभरमा अग्रवाललाई प्रसिध कृष्णाले क्याच आउट गराएर साझेदारी तोडे। त्यसपछि राहुलले दोश्रो विकेटको लागि निकोलस पुरनसंग २९ रनको साझेदारी गरे।

१७ ओभरमा १४३/१ को अवस्थामा जित सहज देखिएता पनि  १० बलमा २ चौका र १ छक्का मद्दतले १६ रन बनाएका पुरनलाई १८ औं ओभरमा सुनिल नारायणले बोल्ड गरेपछि कोलकाता खेलमा हावी भयो। १८ औं ओभरमा नारायणले मात्र २ रन खर्चेर १ विकेट लिए जसपछि पन्जाबलाई २ ओभरमा जित्न २० रन आवस्यक रह्यो।

१९ औं ओभरमा प्रशिध कृष्णले चौथो र पाँचौ बलमा क्रमशः शिमरन सिंहलाई ( ४ रन ) क्याच आउट तथा कप्तान राहुललाई बोल्ड गर्दै कोलकातालाई खेलमा फर्काए। ओभरमा उनले मात्र ६ रन खर्चेर २ विकेट लिए।

अन्तिम ओभरमा जितको लागि पन्जाबलाई ६ बलमा १४ रन आवस्यक रह्यो। अन्तिम ओभरमा बलिंग गर्न सुनिल नारायण आए।

नारायणको पहिलो बलमा म्याक्सवेलले २ रन लिए भने दोश्रो बलमा रन बन्न सकेन। तेश्रो बलमा म्याक्सवेलले चौका प्रहार गरे। चौथो बलमा म्याक्सवेलले १ रन लेग बाइको रुपमा लिए। पाँचौ बलमा मन्दिप सिंहलाई नारायणले क्याच आउट गराए। जसपछि अन्तिम बलमा जित्न पन्जाबलाई ७ रन आवस्यक रह्यो।

अन्तिम बलमा म्याक्सवेलले चौका प्रहार गरेता पनि जित दिलाउन सकेनन्। उनले ५ बलमा २ चौका मद्दतले अविजित १० रन बनाए।

कोलकाताको बलिंगमा सिजनको पहिलो खेल खेल्ने क्रमअ प्रसिध कृष्णाले सर्वाधिक ३ विकेट ( ४-०-२९-३ ) लिए। यस्तै शानदार बलिंग गरेका सुनिल नारायणले २ विकेट ( ४-०-२८-२ ) लिए।

कोलकाताको ब्याटिंग 

यस अघि टस जितेर पहिले ब्याटिंग गर्दै कोलकाताले निर्धारित २० ओभरमा ६ विकेट गुमाएर १६४ रन बनाएको थियो।

कोलकाताको लागि कप्तान दिनेश कार्तिकले सर्वाधिक ५८ रन बनाए जुन क्रममा २९ बलमा ८ चौका र २ छक्का प्रहार गरे। यस अघि ५ खेलमा ४९ रन बनाएका कार्तिक लयमा फर्कने क्रममा सिजनको पहिलो अर्धशतक बनाएका हुन्। लिग करियरमा कार्तिकको १९ औं अर्धशतक हो।

यस्तै ओपनर शुबमन गिलले लिगमा दोश्रो अर्धशतक बनाउने क्रममा ४७ बलमा ५ चौका मद्दतले ५७ रन बनाए। लिग करियरमा गिलको यो छैठौं अर्धशतक हो। गिलले यस अघि सनराइजर्स हैदरावाद बिरुद्ध ७० रन बनाएका थिए। ओएन मोर्गनले २४ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

दिनेश कार्तिकले सिजनको पहिलो अर्धशतक बनाए

कोलकाताले पहिलो २ विकेट छिट्टै गुमायो। ओपनर राहुल त्रिपाठी ४ रन बनाएर मोहम्मद शामीबाट बोल्ड भए। चौथो ओभरमा नितिश राना ( ४ ) आउट भए। तेश्रो विकेटको लागि ओपनर शुबमन गिलले ओएन मोर्गनसंग ४९ रनको साझेदारी गरे। ११ औं ओभरमा मोर्गनलाई लेग स्पिनर रभी बिस्नोईले क्याच आउट गराए।

गिलले एक किनार सम्हालीरहे जुन क्रममा चौथो विकेटको लागि कप्तान दिनेश कार्तिकसंग ९१ रनको उत्कृस्ट साझेदारी गरे। १८ औं ओभरमा गिललाई मन्दिप सिंहले रन आउट गर्दै साझेदारी तोडे। गिलको विकेट लगत्तै ओभरमा आन्द्रे रसेललाई अर्शदिप सिंहले क्याच आउट गराए। कप्तान कार्तिक इनिंगको अन्तिम बलमा रन आउट हुन पुगे।

पन्जाबको बलिंगमा रभी बिस्नोइ ( ४-०-२५-१ ) , मोहम्मद शामी ( ४-०-३०-१ ) र अर्शदिप सिंह ( ४-१-२५-१ ) ले समान १/१ विकेट लिए। मुजिब उर् रहमान ( ४-०-४४-० ) र क्रिस ओर्दन ( ४-०-३७-० ) विकेटविहिन रहे। कोलकाताले ३ विकेट रन आउटको रुपमा गुमाउन पुग्यो।

अंकतालिका र आगामी खेल 

आफ्नो दोश्रो खेलमा बैंगलोरलाई पराजित गरेपछि लगातार ४ खेलमा पराजित भएको पन्जाबको यो लगातार पाँचौ हार हो। हारपछि पन्जाब ७ खेलमा १ जित र ६ हार पछि २ अंक सहित आठौँ स्थानमा रहेको छ।

जितपछि कोलकाता तेश्रो स्थानमा उक्लेको छ जसको ६ खेलमा ४ जित र २ हार पछि ८ अंक रहेको छ। समान ८ अंक रहेता पनि मुम्बई नेट रन रेटमा अघि रहँदै दोश्रो स्थानमा रहेको छ। दिल्ली १० अंक सहित पहिलो स्थानमा छ।

लिग अन्तर्गत शनिवारको दोश्रो खेलमा चेन्नाई सुपर किंग्स र रोयल च्यालेन्जर्स बैंगलोर प्रतिस्पर्धा गरिरहेका छन्। खेलमा टस जितेर बैंगलोरले ब्याटिंग रोजेको छ।

७ फिट ६ इन्च अग्ला पाकिस्तानि बलरको ‘विश्वकै अग्लो बलर’ बन्ने लक्ष्य

सन्दिप र सुनम सहभागी ‘लंका प्रिमियर लिग’ ड्राफ्ट नयाँ मितिमा हुने

“म कप्तानीको मजा लिईरहेको छु” – ऐयर

करन केसीको ७ उत्कृस्ट बलिंग प्रदर्शन

“पन्जाबले म्याक्सवेलको बिकल्प सोच्नुपर्छ” पिटरसन



थप समाचार

एलपीएल : अफ्रिदी कप्तानीको ग्ल्याडीएटर्सको लगातार तेश्रो हार

लंका प्रिमियर लिग अन्तर्गत सोमबार राति सम्पन्न दिनको दोश्रो खेलमा कुशल परेरा कप्तानीको क्यान्डी टस्कर्सले शाहिद अफ्रिदी कप्तानीको गाल ग्ल्याडीएटर्सलाई […]

एलपीएल : जाफ्नाको जितमा कप्तान परेराको विस्फोटक इनिंग

कप्तान थिसारा परेराले शानदार अलराउण्ड प्रदर्शन गर्दा दाम्बुला भाइकिंगलाई ६६ रनले पराजित गर्दै जाफ्ना स्टालिएन्स लंका प्रिमियर लिग अंकतालिकामा शिर्ष […]

टि-ट्वान्टी सिरिजका लागि चोटिल वार्नरको प्रतिस्थापनमा शर्ट, कमिंसलाई विश्राम

अष्ट्रेलियाका बायाँ हाते ओपनर ब्याट्सम्यान डेविड वार्नर चोटका कारण भारत विरुद्धको अन्तिम एक दिवसीय तथा टि-ट्वान्टी अन्तर्राष्ट्रिय सिरिजबाट बाहिरिएका छन्। […]

प्रधानमन्त्री कप पुरुष र महिला राष्ट्रिय प्रतियोगिता पुष दोश्रो साता आयोजना हुने

नेपाल क्रिकेट संघले पुरुष र महिला प्रधानमन्त्री कप एकदिवसीय राष्ट्रिय क्रिकेट प्रतियोगिताको आयोजना गर्ने भएको छ। दुवै प्रतियोगिताको लागि खेलाडी छनौट […]

वर्षाका कारण न्युजिल्यान्ड र वेस्टइन्डिज बीचको तेश्रो टि२० नतिजाविहिन

वेस्टइन्डिजको न्युजिल्यान्ड भ्रमण अन्तर्गत तेश्रो तथा अन्तिम टि-२० वर्षाका कारण नतिजाविहिन टुंगिएको छ। बे ओभल मैदानमा टस हारेर ब्याटिंग गरेको […]

सन्दिप अस्पताल भर्ना, अवस्था सामान्य

कोरोना संक्रमण भएका क्रिकेटर सन्दिप लामिछाने अस्पताल भर्ना भएका छन्। घरमै सेल्फ आइसोलेसनमा बसीरहेका उनि थोरै कमजोरी महसुस भए पछि […]