कप्तान कोहली चम्किदा बैंगलोरद्वारा चेन्नाईलाई १७० रनको लक्ष्य



युएईमा जारि आईपीएल २०२० अन्तर्गत शनिवारको दोश्रो खेलमा रोयल च्यालेन्जर्स बैंगलोर र चेन्नाई सुपर किंग्स प्रतिस्पर्धा गरिरहेका छन्। दिनको पहिलो खेलमा कोलकाताले पन्जाबलाई २ रनले पराजित गरेको थियो। 

दुबई अन्तर्राष्ट्रिय क्रिकेट स्टेडियममा टस जितेर ब्याटिंग रोजेको बैंगलोरले निर्धारित २० ओभरमा ४ विकेट गुमाएर १६९ रन बनाउदै चेन्नाईलाई १७० रनको लक्ष्य प्रस्तुत गरेको छ।

बैंगलोरको लागि कप्तान बिराट कोहलीले सर्वाधिक अविजित ९० रन बनाए जुन क्रममा ५२ बलमा ४ चौका र ४ छक्का हिर्काए। लिगमा कोहलीको यो दोश्रो तथा आईपीएल करियरको ३८ औं अर्धशतक हो। यस अघि उनले राजस्थान बिरुद्ध अविजित ७२ रन बनाएका थिए।

यस्तै ओपनर देभदत्त पडीक्कलले ३४ बलमा ३३ रन बनाए भने शिभम दुबेले अविजित २२ रन बनाए जुन क्रममा १४ बलमा २ चौका र १ छक्का प्रहार गरे।

बिराट कोहलीले सिजनको दोश्रो अर्धशतक बनाए

९ बलमा २ रन बनाएका ओपनर आरोन फिन्च तेश्रो ओभरमा दिपक चाहरबाट तेश्रो ओभरमा आउट भएपछि दोश्रो विकेटको लागि अर्का ओपनर देभदत्त पडीक्कल र कप्तान कोहलीले ५३ रनको साझेदारी गरेका थिए। ११ औं ओभरमा पडीक्कललाई शार्दुल ठाकुरले डु प्लेसीबाट क्याच आउट गराए। सोहि ओभरमा एबि डी भिल्लीयर्स खाता नखोली विकेटकिपर धोनीबाट समातिन पुगे। १५ औं ओभरमा १० रन बनाएका वासिंगटन सुन्दरलाई स्याम करनले धोनीबाट क्याच आउट गराए।

पाँचौ विकेटको लागि कोहलीले शिभम दुबेसंग उत्कृस्ट साझेदारी गरे। दुवैले पाँचौ विकेटको लागि ३४ बलमा ७६ रनको साझेदारी गरे। १७ ओभरमा ११७/४ को अवस्थामा बैंगलोरले अन्तिम ३ ओभरमा ५२ रन बनायो। कोहली र दुवे अविजित रहे।

१८ औं ओभरमा स्याम करनको ओभरमा दुबेले एउटा तथा कोहलीले २ वटा छक्का प्रहार गरे जुन ओभरमा करनले २४ रन खर्चिए। १९ औं ओभरमा शार्दुल ठाकुरले १४ रन खर्चिए। अन्तिम ओभरमा ड्वेन ब्राभोले १४ रन खर्चिए।

डी भिल्लीयर्सको विकेट लिएपछि शार्दुल ठाकुर

चेन्नाईको बलिंगमा शार्दुल ठाकुरले सर्वाधिक २ विकेट ( ४-०-४०-२ ) लिए। स्याम करन ( ४-०-४८-१ ) र दिपक चाहर ( ३-०-१०-१ ) ले समान १ विकेट लिए। ड्वेन ब्राभो ( ३-०-२९-० ) कर्ण शर्मा ( ४-०-३४-० ) र रभीन्द्र जडेजा ( २-०-७-० ) विकेट विहिन रहे।

लिग अंकतालिकामा बैंगलोर ५ खेलमा ३ जित र २ हार बेहोर्दै ६ अंक सहित पाँचौ स्थानमा रहेको छ। ६ खेलमा २ जित र ४ हार बेहोरेको चेन्नाई ४ अंकसहित छैठौं स्थानमा रहेको छ। आजको जित हात पारे चेन्नाईले बैंगलोरलाई पछि पार्नेछ।

मुखबाट कोलकाताले जित खोसेपछि पन्जाब कप्तान राहुलको प्रतिक्रिया “मसंग जवाफ छैन”

रोमान्चक खेलमा कोलकातासंग पन्जाब २ रनले पराजित, पन्जाबको लगातार पाँचौ हार

७ फिट ६ इन्च अग्ला पाकिस्तानि बलरको ‘विश्वकै अग्लो बलर’ बन्ने लक्ष्य

करन केसीको ७ उत्कृस्ट बलिंग प्रदर्शन

सन्दिप र सुनम सहभागी ‘लंका प्रिमियर लिग’ ड्राफ्ट नयाँ मितिमा हुने





थप समाचार

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]