राजस्थानले अनुशासित बलिंग गर्दा हैदरावादको मध्यम योगफल



१३ औं आईपीएल अन्तर्गत आइतबारको पहिलो खेलमा सनराइजर्स हैदरावाद र राजस्थान रोयल्स प्रतिस्पर्धा गरिरहेका छन्।

दुबई अन्तर्राष्ट्रिय स्टेडियममा टस जितेर ब्याटिंग रोजेको हैदरावादले निर्धारित २० ओभरमा ४ विकेट गुमाउदै १५८ रन बनाउदै राजस्थानलाई १५९ रनको लक्ष्य प्रस्तुत गरेको छ।

हैदरावादको लागि मनिष पाण्डेले सर्वाधिक ५४ रन बनाए। ४४ बलमा २ चौका र ३ छक्का प्रहार गरेका उनको जारि सिजन यो दोश्रो अर्धशतक हो। यस अघि उनले कोलकाता बिरुद्ध ५१ रन बनाएका थिए। लिगमा १३७ औं खेल खेल्ने क्रममा पाण्डेको यो १७ औं अर्धशतक हो। कप्तान डेभिड वार्नरले ३८ बलमा ४८ रन बनाए जुन क्रममा ३ चौका र २ छक्का हिर्काए। केन विलियमसनले १२ बलमा २ छक्का मद्दतले अविजित २२ रन तथा प्रियम गर्गले ८ बलमा १५ रन बनाए।

मनिष पाण्डेले सिजनको दोश्रो अर्धशतक बनाए

ओपनर जोनी बेयरस्टो १९ बलमा १६ रन बनाएर पाँचौ ओभरमा कार्तिक त्यागिबाट क्याच आउट भएपछि दोश्रो विकेटको लागि वार्नर र पाण्डेले ७३ रनको साझेदारी गरेका थिए। पावरप्लेको ६ ओभरमा हैदरावादले मात्र २६ रन बनाएर १ विकेट गुमाएको थियो जसपछि पनि हैदरावादले रन गति पर्याप्त बढाउन सकेन। १५ औं ओभरमा जोफ्रा आर्चरले वार्नरलाई बोल्ड गर्दै साझेदारी तोडेका थिए।

वार्नरको विकेटपछि आएका केन विलियमसनसंग पाण्डेले तेश्रो विकेटको लागि २६ रन जोडे। १८ औं ओभरमा जयदेव उनदकतले पाण्डेलाई क्याच आउट गराए।

विलियमसन र प्रियम गर्गले चौथो विकेटको लागि १५ बलमा ३५ रनको साझेदारी गरे। गर्ग इनिंगको अन्तिम बलमा रन आउट भए।

आर्चरले २५ रन खर्चेर १ विकेट लिए

राजस्थानको बलिंगमा कार्तिक त्यागि ( ३-०-२९-१ ), जयदेव उनदकत ( ४-०-३१-१ ) र जोफ्रा आर्चर ( ४-०-२५-१ ) ले समान १ विकेट लिए।  श्रेयस गोपाल ( ४-०-३१-० ) र राहुल तेवतिया ( ४-०-३५-० ) विकेटविहिन रहे।

दुबै टोलिले हालसम्म समान ६ खेल खेलिसकेका छन् जसमध्ये ३ खेलमा जित हात पार्दै हैदराबाद तालिकाको चौथो स्थानमा छ भने ४ अंकसहित राजस्थान सातौं स्थानमा छ। हैदराबादलाई आज २ अंक बटुल्दै तालिकाको दोस्रो स्थानमा उक्लने मौका छ भने राजस्थानलाई आफ्नो पछिल्लो ४ खेलमा भोगेको हारको पीडा भुलाउदै तालिकामा अघि बढ्ने मौका छ।

दिनको दोश्रो खेल दिल्ली क्यापिटल्स र मुम्बई इन्डीएन्स बीच खेलिनेछ जुन शेख जायद स्टेडियम, अबु धाबीमा ७:४५ बजे सुरु हुनेछ।

टियु मैदानका ग्राउण्ड स्टाफलाई सन्दिपद्वारा घोषित सहयोग रकम हस्तान्तरण

IPL : अरेन्ज क्याप रेसमा राहुलले बढाए अग्रता, अंकतालिकाको अवस्था के छ

“जहाजमा धेरै प्वाल छन् , एउटा थुन्दा अर्को ठाउँबाट पानि चुहिरहेको छ।” – धोनी

७ फिट ६ इन्च अग्ला पाकिस्तानि बलरको ‘विश्वकै अग्लो बलर’ बन्ने लक्ष्य





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]