IPL : बटलरको कीर्तिमानी शतक, राजस्थानद्वारा हैदरावादलाई विशाल लक्ष्य



भारतमा जारि १४ औं आईपीएल अन्तर्गत २८ औं खेलमा अंकतालिकाको पुछारमा रहेका दुई टिम राजस्थान रोयल्स र सनराइजर्स हैदरावाद प्रतिस्पर्धा गरिरहेका छन्।

दिल्ली स्थित अरुण जेटली स्टेडियममा जारि खेलमा टस हारेर ब्याटिंग गरेको राजस्थानले निर्धारित २० ओभरमा ३ विकेट गुमाएर २२० रन बनाउदै हैदरावादलाई २२१ रनको लक्ष्य प्रस्तुत गरेको छ।

१२ रन बनाएका ओपनर यसस्वी जैसवाल तेश्रो ओभरमा राशिद खानबाट एलबिडब्लु भएपछि अर्का ओपनर जोस बटलरले कप्तान संजु स्यामसनसंग १५० रनको साझेदारी गरे। १७ औं ओभरमा विजय शंकरबाट क्याच आउट हुनु अघि स्यामसनले ३३ बलमा ४ चौका र २ छक्का मद्दतले ४८ रन बनाए।

तेश्रो विकेटको लागि बटलर र रियान परागले ४२ रन जोडे।

टि-२० करियरकै पहिलो शतक पुरा गरेका बटलर १९ औं ओभरमा सन्दिप शर्माबाट बोल्ड भए। त्यस अघि उनले ६४ बलमा ११ चौका र ८ छक्का प्रहार गरे। उनले ५६ बलमा शतक पुरा गरेका थिए।

रियान पराग १५ रन तथा डेभिड मिलर ७ रनमा अविजित रहे।

हैदरावादको बलिंगमा राशिद खान ( ४-०-२४-१ ) , सन्दिप शर्मा ( ४-०-५०-१ ) र विजय शंकर ( ३-०-४२-१ ) ले समान १ विकेट लिए। भुवनेश्वर कुमार ( ४-०-३७-० ) , खलिल एहमद ( ४-०-४१-० ) , मोहम्मद नाबी ( १-०-२१-० )

बटलरको कीर्तिमान

खेलमा १२४ रन बनाएका बटलर आईपीएलमा सर्वाधिक रन बनाउने इंगलिस खेलाडी बनेका छन्। यस अघि इंग्ल्यान्ड खेलाडीले आईपीएलमा बनाएको सर्वाधिक रन ११४ रन थियो जुन जोने बेयरस्टोले बनाएका थिए। १२४ रन आईपीएल इतिहासकै आठौँ ठुलो व्यक्तिगत स्कोर पनि हो।

टि-२० क्रिकेटमा खेलेको २८२ औं खेलमा बटलरले बनाएको यो नै पहिलो शतक हो। आईपीएल इतिहासमा शतक बनाउने बटलर तेश्रो खेलाडी हुन्। यस अघि बेन स्टोक्सले २ वटा, केभिन पिटरसन र जोनी बेयरस्टोले १/१ वटा शतक बनाएका थिए। जारि सिजन शतक बनाउने बटलर तेश्रो खेलाडी हुन्। यस अघि राजस्थानकै संजु स्यामसन र बैंगलोरका देभदत्त पडीक्कल पछि तेश्रो खेलाडी हुन्।

खेलमा हैदरावादले कप्तानीबाट निकालिएका डेभिड वार्नरलाई अन्तिम-११ मा समाबेश गरेको छैन। अफस्पिन अलराउण्डर मोहम्मद नाबीलाई मौका दिईएको छ भने भुवनेश्वर कुमार र शिभम दुबेलाई जे सुचित र सिद्धार्थ कौलको स्थानमा मौका दिईएको छ।

लिग अंकतालिकामा हैदरावाद २ अंक सहित पुछारमा रहेको छ जसले ६ खेल खेल्दा १ जित र ५ हार बेहोरेको छ। राजस्थान सातौँ स्थानमा रहेको छ जसले ६ खेलमा २ जित र ४ हार पछि ४ अंक बटुलेको छ।

यो पनि पढ्नुस 

धोनीले बताए मुम्बईसंग हारको प्रमुख कारण

हरप्रित ब्रारको संघर्षको कथा जसले एकै खेलमा कोहली, म्याक्सवेल र डी भिल्लीयर्सको विकेट लिए

ब्राड हगद्वारा पन्जाबसंग बैंगलोरको ब्याटिंगको आलोचना – ‘सुस्त सुरुवात हारको कारण’

 





थप समाचार

पुरनको आक्रामक अर्धशतक बाबजुद वेस्टइन्डिज पराजित, पाकिस्तानलाई अग्रता

दोश्रो खेलमा घरेलु टोलि वेस्टइन्डिजलाई ७ रनले पराजित गर्दै पाकिस्तानले ४ खेलको टि-२० अन्तर्राष्ट्रियको सिरिजमा १-० को अग्रता लिएको छ। […]

होल्डरको घातक बलिंग, राम्रो सुरुवातका बाबजुद पाकिस्तानको मध्यम योगफल

पाकिस्तानको वेस्टइन्डिज भ्रमण अन्तर्गत ४ खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न पाकिस्तानले वेस्टइन्डिजलाई १५८ रनको लक्ष्य प्रस्तुत गरेको […]

द हन्ड्रेड : क्लार्क चम्किंदा म्यानचेस्टरको जित

वेल्स फायरलाई ७ विकेटले पराजित गर्दै म्यानचेस्टर ओरिजिनलले इंग्ल्यान्डमा जारी द हन्ड्रेड लिग अन्तर्गत दोश्रो जित दर्ता गरेको छ। कार्डिफ […]

अन्तर्राष्ट्रिय क्रिकेटबाट उडानाको सन्यास

श्रीलंकन क्रिकेटर इसुरु उडानाले अन्तर्राष्ट्रिय क्रिकेटबाट सन्यास घोषणा गरेका छन्। उडाना भारत बिरुद्ध भर्खरै सम्पन्न एकदिवसीय र टि-२० सिरिजमा टिमको […]

बेन स्टोक्सले क्रिकेटबाट लिए ब्रेक

इंग्ल्यान्ड क्रिकेट टिमका स्टार अलराउण्डर बेन स्टोक्सले अचानक  सबै किसिमको क्रिकेटबाट ब्रेक लिने निर्णय लिएका छन्। ३० वर्षीय अलराउण्डरले तत्काल […]

‘द हन्ड्रेड’ भिन्सको कप्तानी इनिंग्समा ब्रेभको पहिलो जित

रोमान्चक खेलमा मोईन अलि कप्तानीको बर्मिङगम फोनिक्सलाई ४ विकेटले पराजित गर्दै जेम्स भिन्स कप्तानीको साउदर्न ब्रेभले ‘द हन्ड्रेड’ लिगमा पहिलो […]