IPL : कोलकाताद्वारा हैदरावाद १० रनले पराजित



१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ।

चेन्नाई स्थित एमए चिदम्बरम स्टेडियममा सम्पन्न खेलमा कोलकाताले दिएको १८८ रनको लक्ष्य पछ्याउने क्रममा हैदरावादले २० ओभरमा ५ विकेट क्षेतीमा १७७ रन मात्र बनाउन सक्यो।

लक्ष्य पछ्याउने क्रममा हैदरावाद ओपनर रिदिमान शाह ७ तथा कप्तान डेभिड वार्नर ३ रन बनाएर आउट भए। तेश्रो नम्बरमा आएका मनिष पाण्डेले तेश्रो विकेटको लागि जोनी बेयरस्टोसंग ९२ रनको साझेदारी गरे।

४० बलमा ५ चौका र ३ छक्का मद्दतले ५५ रन बनाएका बेयरस्टोलाई १३ औं ओभरमा प्याट कमिन्सले क्याच आउट गराउदै कोलकातालाई खेलमा फर्काए। १६ औं ओभरमा मोहम्मद नाबी १४ रन बनाएर प्रसिध कृष्णाबाट क्याच आउट भए। ११ रन बनाएका विजय शंकरलाई आन्द्रे रसेलले १८ औं ओभरमा क्याच आउट गराए।

प्रसिध कृष्णा

अन्तिम २ ओभरमा ३८ रन आवस्यक हुँदा छैठौं नम्बरमा आएका अब्दुल समदले प्याट कमिंसले गरेको १९ औं ओभरमा २ छक्का प्रहार गरे जसको मद्दतले ओभरमा १६ रन बन्यो। अन्तिम ओभरमा आन्द्रे रसेलले मात्र ११ रन खर्चाद कोलकाताले १० रनको जित दर्ता गर्यो।

मनिष पाण्डेले अविजित ६१ रन बनाएता पनि टिमलाई जित दिलाउन सकेनन्। उनले ४४ बलमा २ चौका र ३ छक्का प्रहार गरे। अब्दुल समदले ८ बलमा २ छक्का मद्दतले अविजित १९ रन बनाए।

कोलकाताको बलिंगमा प्रसिध कृष्णाले २ विकेट ( ४-०-३५-२ ) तथा शाकिब अल हसन ( ४-०-३४-१ ) , प्याट कमिन्स ( ४-०-३०-१ ) र आन्द्रे रसेल ( ३-०-३२-१ ) ले समान १ विकेट लिए।

यस अघि टस हारेर ब्याटिंग गरेको कोलकाताले निर्धारित २० ओभरमा ६ विकेट गुमाएर १८७ रन बनाएको थियो।

कोलकाताको लागि ओपनर नितिश रानाले सर्वाधिक ८० रन बनाए जुनक्रममा ५६ बलमा ९ चौका र ४ छक्का प्रहार गरे।

यस्तै राहुल त्रिपाठीले २९ बलमा ५ चौका र २ छक्का मद्दतले ५३ रन बनाए। दिनेश कार्तिकले ९ बलमा २ चौका र १ छक्का मद्दतले अविजित २२ रन योगदान दिए।

नितिशले शुबमन गिलसंग ५३ रनको ओपनिंग साझेदारी गरे भने दोश्रो विकेटको लागि राहुल त्रिपाठीसंग ९३ रनको साझेदारी गरे। रानालाई १८ औं ओभरमा मोहम्मद नाबीले क्याच आउट गराए।

एक समय २ सय सहजै पार गर्ने देखिएता पनि अन्तिम ५ ओभरमा कोलकाताले ४६ रन मात्र बनाउदा ५ विकेट गुमाउन पुग्यो।

सनराइजर्स हैदरावादको बलिंगमा अफगानिस्तान स्पिनरद्वय राशिद खान ( ४-०-२४-२ ) र मोहम्मद नाबी ( ४-०-३२-२ ) ले समान २ विकेट तथा टि नटराजन( ४-०-३७-१ ) र भुवनेश्वर कुमार ( ४-०-४५-१ ) ले समान १ विकेट लिए।

लिग अन्तर्गत सोमबार राजस्थान रोयल्स र पन्जाब किंग्सले प्रतिस्पर्धा गर्नेछन्। कोलकाताले आगामी खेल अप्रिल १३ तारिखमा मुम्बई बिरुद्ध तथा हैदरावादले १४ तारिखमा बैंगलोर बिरुद्ध खेल्ने तालिका रहेको छ।

धेरैले पढेको 

क्यानले थाल्यो नामिबियासंग एकदिवसीय सिरिजको तयारी

पाकिस्तानको जितमा रिजवानको उत्कृस्ट इनिंग्स

त्रिकोणात्मक टि-२० सिरिज : नेपालको पहिलो खेल नेदरल्याण्डसंग ( खेलतालिका सहित )

 





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]