सन्दिपले फेरी पाएनन् मौका, दिल्लीले बनायो १५५ रन



  • विकेटनेपाल, बैशाख-१ 

इन्डियन प्रिमियर लिग अन्तर्गत ३० औं खेलमा दिल्ली क्यापिटल्सले सनराइजर्स हैदराबादसंग प्रतिस्पर्धा गरिरहेको छ।

हैदराबादको राजिभ गान्धी अन्तर्राष्ट्रिय स्टेडियममा जारि रहेको खेलमा टस हारेर ब्याटिंग गरेको दिल्लीले २० ओभरमा ७ विकेट गुमाएर १५५ रनको योगफल तयार गरेको छ।

दिल्लीले सन्दिप लामिछानेलाई लगातार दोश्रो खेलमा पनि मौका दिएन। अघिल्लो खेलमा उनको सट्टा केमो पौललाई स्थान दिईएको थियो भने आज अर्का लेग स्पिनर अमित मिश्रा र केमो पौललाई स्थान दिईएको छ भने राहुल तेवतियालाई पनि बाहिर राखिएको छ।

सन्दिपले लिगमा अन्तिम खेल बैंगलोरसंग खेलेका थिए जुन खेलमा १ विकेट लिंदा ४६ रन खर्चेका थिए। त्यस अघि हैदराबादसंगको खेलमा सन्दिपले १ विकेट लिन ३२ रन खर्चेका थिए। नेपाली लेग स्पिनरले पन्जाब बिरुद्ध २ विकेट तथा कोलकाता बिरुद्ध १ विकेट लिएका थिए।

दिल्लीको अन्तिम ११ : पृथ्वी शा, शिखर धवन, कोलिन मुनरो, श्रेयस ऐयर ( कप्तान ) , रिशभ पन्त, क्रिस मोरिस, अक्षर पटेल, अमित मिश्रा, केमो पौल, कागीसो रबाडा, इशान्त शर्मा

दिल्लीको ब्याटिंग 

दिल्लीले खराब सुरुवात गर्ने क्रममा ओपनर प्रिथ्भी शा ( ४ रन ) र शिखर धवन ( ७ रन ) लाई सुरुवातमै गुमाउन पुग्यो। दुवैलाई खलिल एहमदले आउट गरे।

तेश्रो विकेटको लागि कोलिन मुनरो र कप्तान श्रेयस ऐयरले ४९ रनको साझेदारी गरे। मुन्रो ४० रन बनाएर आउट भए जुन क्रममा २४ बलमा ४ चौका र ३ छक्का प्रहार गरे।

चौथो विकेटपछि ऐयर र रिशभ पन्तले ५५ रनको साझेदारी गरे। भुवनेश्वर कुमारले ४५ रन ( ४० बलमा ५ चौका ) बनाएका ऐयरलाई १६ औं ओभरमा आउट गरे।  लगत्तै रिशाभ पन्त पनि २३ रन ( २९ बलमा ३ चौका ) बनाएर एहमदको बलमा आउट हुँदा दिल्ली समस्यामा पर्यो।

तल्लो क्रममा अक्षर पटेलले अविजित १४ रन बनाए पछि दिल्लीले २० ओभरमा ७ विकेट गुमाएर १५५ रनको योगफल तयार गर्यो।

हैदराबाद बलर खलिल एहमदले ३ सर्वाधिक ३ विकेट ( ४०-३०-३ ) लिए। भुवनेश्वर कुमार ( ४-०-३३-२ ) ले २ विकेट तथा  अभिषेक शर्मा ( १-०-१०-१ ) र राशिद खान ( ४-०-२२-१ ) ले १/१ विकेट लिए।

आईपीएल अंकतालिकामा दिल्ली ७ खेलमा ४ जित र ३ हार सहित चौथो स्थानमा रहेको छ भने हैदराबाद ६ खेलमा ३/३ जित र हार सहित छैटौं स्थानमा रहेको छ।





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]