मुम्बई बिरुद्ध कोलकाताले पहिले ब्याटिंग गर्ने, यस्तो छ दुवैको अन्तिम-११



युएईमा जारी १३ औं संस्करणको आईपिएल अन्तर्गत शुक्रबार ३२ औं खेलमा रोहित शर्माको कप्तानीमा मुम्बई इन्डियन्स र ओएन मोर्गनको कप्तानीमा रहेको कोलकाता नाइट राइडर्सबीच प्रतिस्पर्धा हुँदैछ। खेल नेपाली समय अनुसार रातिको ७:४५ बजे आबु धाबी स्थित शेख जायद स्टेडियममा सुरु हुनेछ।

खेलमा टस जितेर कोलकाता कप्तान मोर्गनले ब्याटिंग गर्ने निर्णय लिएका छन्। कोलकताले पहिले ब्याटिंग गरेर मात्र खेलहरु जितेको छ।कोलकाताको कप्तानी आज ओएन मोर्गनले गर्दैछन्। दिनेश कार्तिकले कप्तानी छोडेपछि इंग्ल्यान्डका सिमित ओभर कप्तान समेत रहेका मोर्गनले कप्तानी सम्हाल्ने भएका हुन्।

कोलकाताले अन्तिम-११ मा २ वटा परिवर्तन गरेको छ। टम बान्टन र कमलेश नगरकोटीलाई बाहिर राखिएको छ जसको स्थानमा क्रिस ग्रिन र शिभम माभीलाई मौका दिईएको छ। मोर्गनले विकेट ब्याटिंगको लागि उपयोगी भएको र राम्रो योगफल बनाएर बिपक्षीलाई दबाब बनाउने बताएका छन्।

कोलकाताको अन्तिम ११ : राहुल त्रिपाठी, शुबमन गिल, नितिश राणा, दिनेश कार्तिक (विकेटकिपर ) , ओएन मोर्गन ( कप्तान ), आन्द्रे रसेल,क्रिस ग्रिन , प्रसिध कृष्ण, प्याट कमिन्स,  वरुण चक्रवर्ती, शिभम माभी

क्रिस ग्रिनले पहिलो पटक मौका पाएका छन्

मुम्बईले अन्तिम-११ मा एउटा परिवर्तन गरेको छ। जेम्स प्याटीन्सनको स्थानमा नाथन कोल्टर नाइलले मौका पाएका छन्।

मुम्बईको अन्तिम ११ : रोहित शर्मा ( कप्तान ) , क्विन्टन डीकक ( विकेटकिपर ) , सुर्यकुमार यादव, इशान किशन, काइरन पोलार्ड, हार्दिक पान्ड्या, क्रुनाल पान्ड्या,नाथन कोल्टर नाइल , राहुल चाहर, ट्रेन्ट बोल्ट, जस्प्रित बुम्राह

अंकतालिकाको अवस्था : ७ खेलमा १० अंकसहित मुम्बई अंकतालिकाको दोस्रो स्थानमा छ भने समान खेल खेलेको कोलकाता ४ जित र ३ हारपछि ८ अंक बटुल्दै अंकतालिकाको चौथो स्थानमा छ। मुम्बईलाई आजको खेलमा जित हात पार्दै शिर्ष स्थानमा उक्लने मौका छ। कोलकाता आज विजयी भएको खण्डमा तेस्रो स्थानमा उक्लने छ भने प्ले-अफ खेल्ने सम्भावना मजबुत हुनेछ।

पछिल्लो भेट : जारी सिजन लिग अन्तर्गत पाँचौ खेलमा यी दुई टोलिबीच प्रतिस्पर्धा भएको थियो जसमा कोलकाता ४९ रनको फराकिलो अन्तरले पराजित भएको थियो। पहिले ब्याटिंग गरेको मुम्बईले कप्तान रोहितको ५४ बलमा ८० रनको पारीको मद्दतमा १९६ रनको विशाल विजयी लक्ष्य प्रस्तुत गरेको थियो जुन पछ्याउने क्रममा कोलकाताले मात्र १४६ रन बनाउन सकेको थियो।





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]