लगातार दोश्रो शतक बनाउदै धवनको ठूलो कीर्तिमान, दिल्लीद्वारा पन्जाबलाई १६५ रनको लक्ष्य



युएईमा जारी १३ औं संस्करणको आईपिएल अन्तर्गत मंगलबार ३८ औं खेलमा केएल राहुल कप्तानीको किङ्ग्स-११ पन्जाब र श्रेयस अय्यर कप्तानीको दिल्ली क्यापिटल्सबीच प्रतिस्पर्धा भइरहेको छ।

दुबई अन्तर्राष्ट्रिय स्टेडियममा टस जितेर ब्याटिंग रोजेको दिल्लीले निर्धारित २० ओभरमा ५ विकेट गुमाएर १६४ रन बनाउदै पन्जाबलाई १६५ रनको लक्ष्य प्रस्तुत गरेको छ।

दिल्लीको लागि शिखर धवनले लगातार दोश्रो शतक बनाउने क्रममा अविजित १०६ रन बनाए जुन क्रममा ६१ बलमा १२ चौका र ३ छक्का प्रहार गरे। धवनले ५७ बलमा शतक पुरा गरेका थिए।  श्रेयस ऐयर र रिशभ पन्तले समान १४ रन, शिमरन हेटमायरले १० तथा मार्कस स्टोइनिसले ९ रन बनाए।

अघिल्लो खेलमा धवनले चेन्नाई बिरुद्ध अविजित १०१ रन बाएका थिए भने राजस्थान र मुम्बई बिरुद्ध क्रमशः ५७ र ५९ रन बनाएका थिए। करियरको दोश्रो शतक बनाउने क्रममा धवन आईपीएल इतिहासमै लगातार २ खेलमा शतक बनाउने पहिलो क्रिकेटर बनेका छन्।

आईपीएलको एकै सिजन २ वा त्यो भन्दा बढी शतक बनाउने धवन पाँचौ क्रिकेटर बनेका छन्। यस अघि बिराट कोहलीले एकै सिजन सबैभन्दा धेरै २०१६ मा ४ वटा शतक बनाएका थिए। यस्तै क्रिस गेल ( २०११ ) , हाशिम अमला ( २०१७ ) र शेन वाटसन ( २०१८ ) ले एकै सिजन समान २ शतक बनाएका थिए।

धवन लिग इतिहासमै लगातार २ खेलमा शतक बनाउने पहिलो क्रिकेटर बनेका छन्

ओपनर पृथ्वी श ७ रन बनाएर चौथो ओभरमा जेम्स निशमबाट क्याच आउट भएपछि धवनले दोश्रो विकेटको लागि कप्तान ऐयरसंग ४८ रनको साझेदारी गरे। नवौं ओभरमा ऐयरलाई लेग स्पिनर मुरुगन आश्विनले कप्तान राहुलमार्फत क्याच आउट गराए। त्यसपछि धवनले रिशभ पन्तसंग ३३ रनको साझेदारी गरे। पन्त १४ औं ओभरमा म्याक्सवेलबाट क्याच आउट भए। चौथो विकेटको लागि स्टोइनिसले धवनसंग ३५ रनको साझेदारी गरे। १८ औं ओभरमा स्टोइनिसलाई मोहम्मद शामीले क्याच आउट गराए।

१९ औं ओभरको चौथो बलमा धवनले अर्धदिप सिंहको बलमा २ रन लिंदै शतक पुरा गरे। इनिंगको अन्तिम बलमा शिमरन हेटमायर १० रन बनाएर आउट भए जसले धवनसंग १५ बलमा २३ रनको साझेदारी गरे।

पन्जाबको बलिंगमा मोहम्मद शामी ( ४-०-२८-२ ) ले २ विकेट लिए भने मुरुगन आश्विन ( ४-०-३३-१ ) , ग्लेन म्याक्सवेल ( ४-०-३१-१ ) ले समान १ विकेट लिए। रभी बिस्नोइ ( ३-०-२४-० ) र अर्शदिप सिंह ( ३-०-३०-० ) विकेटविहिन रहे।

खेलमा दिल्लीले ३ वटा परिवर्तन गरेको छ। अजिंके रहाने, एलेक्स केरी र एनरिक नोर्कियालाई बाहिर राखिएको छ। घाइते भएर बाहिर बसेका विकेटकिपर ब्याट्सम्यान रिशभ पन्त फिर्ता भएका छन्। यस्तै वेस्टइन्डिज शिमरन हेटमायरले पनि मौका पाएका छन्। २७ वर्षीय अस्ट्रेलियन फास्ट बलर ड्यानियल स्याम्सलाई पनि दिल्लीले डेब्यु गर्ने मौका दिएको छ।

हालसम्म ९ खेल खेलिसकेको दिल्ली ७ जित र २ हारपछि १४ अंक बटुल्दै अंकतालिकाको शिर्ष स्थानमा छ। दिल्लीले आज जितेको खण्डमा प्लेअफ पुग्ने पक्का हुनेछ। यस्तै, समान ९ खेल खेलेको पन्जाब ३ अंक बटुल्दै अंकतालिकाको सातौं स्थानमा छ। पन्जाबलाई शिर्ष-४ भित्र पर्ने सम्भावना जिवितै राख्ने क्रममा खेल जित्नैपर्ने हुन्छ।

अनुभवी खेलाडीहरुलाई बाहिर राख्दै जिम्बाब्वे सिरिजको लागि पाकिस्तान टिमको घोषणा

अनुभवी खेलाडीहरुलाई बाहिर राख्दै जिम्बाब्वे सिरिजको लागि पाकिस्तान टिमको घोषणा

आईपीएलका ८ रेकर्ड जुन टुट्न निकै मुस्किल छ

एसोसिएट राष्ट्रबाट आईपीएल खेल्ने ५ क्रिकेटर





थप समाचार

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]